رواية لعبة الحب الفصل السابع 7 - بقلم اسماء السرسي

ادهم ببرود: لا دي لازوم إنك هتنامي على الكنبة النهاردة. أميرة بصدمة: إيه! ادهم: هو إيه؟ أميرة: يعني إيه أنام على الأرض؟ مش العكس ولا إيه؟ ادهم ضحك بسخرية: إنتي قصدك أنا اللي أنام على الأرض؟ لااا يا ماما انسى. يلا خلينا ننام ورانا مشاغل بكرة. أميرة: يعني إيه؟ ادهم ببرود: على الكنبة. وشد اللحاف عليه ونام. أميرة قعدت تبص على الأوضة بزهق: يعني يارب اتجوز غصب عني ومشاكل أول ما جينا وكمان أنام على الكنبة.

وفجأة جه في بالها إنها حامل. حطت إيديها على بقها تكتم شهقتها. أميرة بخوف هامسة: يارب خليك معايا أنا خايفة أوي. وأنا هحاول أخليه ما يقربش مني. أيوه مش هخليه يقرب مني. في الصباح. أميرة بتصحي على إيد رقيقة صغيرة بتلمس خدها. أميرة بتفتح عينيها بتبص بتلاقي زياد. أميرة وهي بتقوم بابتسامة وهي بتاخده على رجلها: زيزو صباح الخير. زياد: صباح النور يا طنط. أميرة: اممم بلاش طنط دي. إيه رأيك تقولي ماما؟ زياد وهو بيقوم

من على رجلها وقال بغضب: أنا ماما ماتت ومبقولش لحد ماما. أميرة باستغراب: ليه يا زيزو؟ زياد: هو كده. ولو سمحتي انزلي عشان تفطري معانا. بيقولك بابا. أميرة استغربت بس دخلت الحمام غسلت وشها ولبست وأدت فرضها ونزلت بالأسدال وكان شكلها حلو أوي. ادهم بص لها وهي نازلة من على السلم وللحظة سرح فيها. بس فاق على صوت والدته سليمة. سليمة بطيبة: تعالي يا بتي اجعدي جمب جوزك. أميرة ابتسمت بود وقعدت جنب ادهم. وبصت له وادهم كمان بص لها.

وفاقوا على صوت كريمة بنت عمه. كريمة بسخرية: إيه يا جزيرة العشاق إنتوا؟ إحنا على السفرة مش في شهر العسل. ادهم بص لها ووجه كلامه لأبوه: طب بمناسبة شهر العسل أنا هنزل مصر عندي مأمورية وهاخد مراتي وابني معايا. سليم أبوه: مأمورية إيه يا ولدي؟ ادهم بجدية: عرفنا إن فيه تجار مخدرات هيعدوا بضاعة فيها كوكايين وهيعادوا على الطريق الصحراوي. سليم: ربنا معاك يا ولدي وترجع لنا بالسلامة. ادهم: ربنا يخليك يا بوي.

سليمة: خد بالك من روحك يا ولدي وترجع لنا بالسلامة. ادهم وهو بيبوس إيدها: ادعي لي بس يا أمي. سليمة: إنت في كل دعواتي يا ابني. هو أنا ليا غيرك. ادهم طلع وأميرة وزياد طلعوا وراه. أميرة بتسأل زياد: زيزو هو بابا بيشتغل إيه؟ فجأة جه صوت من وراها.