رواية لعبة الحب الفصل الثامن 8 - بقلم اسماء السرسي

أميرة بتسأل زياد: زيزو، هو بابا بيشتغل إيه؟ فجأة جه صوت من وراها: مقدم. أميرة بصت وراها بخضة: أدهم. أدهم: جهزوا عشان مفيش وقت. أميرة لبست ولبست زياد ونزلوا سلموا على العيلة ومشوا. أميرة وهما في الطريق: أدهم، عاوزة أسألك سؤال. أدهم: خير. أميرة: هو إيه السبب اللي يخلي حماتك تكرهك بالشكل ده؟ أدهم وهو بيبصلها بطرف عينيه: يهمك؟ أميرة: مجرد فضول. أدهم: يبقى متسأليش. أميرة بصت له وقالت في سرها: إيه الإنسان البارد ده. أدهم:

متغلطيش كتير، عشان أنا لحد دلوقتي مكبر دماغي. أميرة بصدمة: هو إنت سمعت إزاي أنا كنت بتكلم في سري؟ أدهم بصلها بسخرية وكمل سواقة. في مكان تاني. فهيمة بتتكلم مع حد. فهيمة بغضب: أنا عاوزه انتقم من ابن سليم. الشخص بغموض: لسه بدري على حكاية الانتقام دي، إحنا هنلعبه الأول. فهيمة بخبث: إزاي؟ الشخص بخبث: مراته. فهيمة وهي بتبتسم بخبث: إنت عارف حاجة؟ الشخص بضحكة شريرة: حاجات، مش حاجة واحدة. واللعبة هتبدأ من دلوقتي، يا ابن سليم.

أميرة وأدهم وصلوا. أميرة بصدمة: إحنا هنقعد في البرج ده؟ أدهم: إنت شايفه إيه؟ أميرة بابتسامة: أنا شايفه حاجات، مش حاجة واحدة. أدهم ابتسم على ابتسامتها: ادخلي وخدى زياد معاكي، أنا هعمل حاجة وهحصلكم. أميرة هزت راسها وخدت زياد وطلعوا. أميرة: زيزو. زياد وهو بيبصلها: أنا اسمي زياد، ومبحبش حد يدلعني. ودخل أوضته. أميرة بصت لخياله بصدمة ودخلت وراه. أميرة: إنت بتتكلم معايا كده ليه يا زيز... قصدي يا زياد. زياد:

أنا بتكلم عادي، بس أنا مبحبش حد يدلعني، أنا راجل. أميرة: يا ابني، هو حد قالك إنك مش راجل، بس إنت لسه صغير، عادي ندلعك. زياد: متعودتش على كده، ولو سمحت اقفلي الباب وراكي عشان عاوز أنام. أميرة: إنت بتطردني بشياكة، تمام. أميرة قفلت الباب وطلعت. أميرة: هو إيه الواد ده؟ هو أنا ياربي ناقصه؟ مكفيا أبوه لوح تلج، كمان الواد. فجأة جه صوت من وراها: هو مين اللي لوح تلج؟