رواية لعبة القدر الفصل الأول 1 - بقلم روفيدة وائل

حور: الحقيني ي شمس. شمس: حصل إيه؟ احكي. حور: خطب ي شمس، خطب! أنا مش مصدقة. شمس: أنتي بتهزري صح؟ حور: هو الموضوع ده فيه هزار؟ لسه باعتلي وقالي إنه عاوز يتقدملها وبيعتبرني أخته وعاوز أكون أول واحدة أشوفها. (حور 22 سنة، قمحاوية البشرة، عينيها بني، هندسة كهرباء، بحب ابن عمي أثر، أكبر مني بأربع سنين. شمس صحبتي من زمان، اعرفتها من السوشيال وتعتبر أقرب حد ليا، بس عمرنا ما شفنا بعض. هي من أسيوط وأنا من الشرقية)

شمس: طب هتعملي إيه؟ حور: مش عارفة، بس مقدرش أرفضله طلب. شمس: يا بنتي افهمي، هو خطب، لازم تنسيه ومش تنفذي كل كلامه. حور: مش هقدر بسهولة ي شمس، صعب. شمس: طيب روحي، يمكن لما تشوفيهم سوا تقتنعي. تاني يوم. تليفون شمس رن بإشعار من حور. حور: إيه القمر ده؟ بس ي بنتي، أنتي رايحة تشوفيها ولا رايحة تقنعيه إنك أجمل؟ بس تصدقي، هو الخسران. أثر: ندي خطيبتي المستقبلية ي حور. حور بنت عمي وأختي. حور: أختك؟ أها.

ندي: تشرفت إنّي عرفتك، أتمنى نكون أصحاب. حور: أها، أكيد. روحت وكعادتي، حكيت لشمس عن كل اللي حصل في القعدة. شمس: وإن شاء الله بقا ناوية تصاحبيها؟ حور: وإيه اللي فيها ي شمس؟ عادي. شمس: لا براحتك، عادي. حور: خلاص خلاص، مش تتقمصي. صداقة سطحية بس. مر أسبوع. كلامي مع ندي زاد، وكنت بقعد أحكيلها عن أثر كتير، بحكم إني أعرف عنه كل حاجة. وطبعًا، ده مكنش بيخلي من غيره شمس. حور: الو. ندي: إزيك ي حور؟ حور: الحمد لله.

ندي: حور، ممكن نتقابل؟ حور: أها طبعًا، نتقابل فين وامتى؟ ندي: كافتيريا. . . الساعة 5. حور: خلاص، إشطا. بعد مرور ساعتين. حور: إزيك ي ندي؟ ندي: تمام، كنت عايزة أسألك سؤال ي حور، بس تجاوبيني بصراحة. حور: اسألي ي بنتي، أنتي لسه هتستأذني. ندي: بتحبي أثر ي حور؟ حور: . . . . . ندي: بتحبيه صح؟ حور: أيوه، بحبه.