رواية لعبة القدر الفصل الرابع 4 - بقلم روفيدة وائل

كريم: ممكن تحكيلي عن صحبتك اللي كانت في الصورة شوية. شمس: نعم يا سي كريم، لا انت زودتها كده وأنا هقول لبابا. كريم: إيه مسورة وانفجرت، اهدي شوية. الصراحة من ساعة ما شفت الصورة وهي عجبتني وعاوز أكلم بابا أخطبها، بس عاوز أعرفها شوية ومفيش غيرك يساعدني. شمس: لا إذا كان كده نقعد بقى، ها يا سيدي عاوز تعرف إيه. كريم: احكي يا شمس اسمها منين كده. شمس: .......... كريم: إيه رحتي فين يا بنتي.

شمس: لا مرحتش، بس يا كريم هي مش من هنا، من الشرقية ودي بعيدة عنا جداً، بابا ممكن مش يوافق وكذلك هي. كريم: سيبي بابا عليا، أما هي دي فعليكي إنتي. شمس: مش عارفة، هحاول. كريم: طب ها هتحكي. شمس: اسمها حور، ووالدها متوفي من وهي صغيرة، هي في هندسة زي حضرتك بس قسم كهربا. كريم: معاكي رقم والدتها. شمس: آه. كريم: طب ادهولي علشان أتصل آخد منها معاد. شمس: .......... كريم: كنت عاوز أتكلم معاك شوية يا بوي.

والد كريم: الموضوع شكله فيه عروسة، ها يا سيدي سمعك. كريم: حصل، أنا عاوز أخطب. والد كريم: ومين تعيسة الحظ دي بقى. كريم: صاحبة شمس. والد كريم: بنت مين في البلد يعني. كريم: لا هي مش من البلد، هي من الشرقية. والد كريم: إييييه، لا طبعاً شوف واحدة غيرها. كريم: بحبها، يمكن مش شفتها غير مرة بس بتعلق بيها، بحبها عشان خاطري وافق، المسافة مش بعيدة وأنا هعمل كل جهدي ومش هخليكوا تسافروا كتير، بس وافق أنا بحبها وهكون سعيد معاها.

والد كريم: ماشي يا كريم، أما نشوف آخرتها معاك، خد معاد من أهلها. عند حور: والدة حور: حور في عريس متقدملك وهيجي بكرة. حور: نعمم، عريس مين، أنا مش عاوزة أتـ. والدة حور: لامتـي يا بنتي هتفضلي كده، اللي كنتي مستنياه مشي خلاص، فكري في مستقبلك. حور: مستنية مين، إيه الكلام ده، أنا مكنتش مستنية حد. والدة حور: ماشي يا حور، بس أنا اديته معاد واتصلت على عمك هيجي يقعد معاه، اعملي حسابك. حور: بس يا ماما.

والدة حور: ما بسش يا حور، الكلام خلص. طلعت وقفلت الباب وأنا مش عارفة أعمل إيه. والزفتة دي مش بترد لي هي كمان، دي عاشر مرة أتصل، أعمل إيه أنا دلوقتي. صح، أنا هتصل بيه. حور: ءادم. ءادم: عيونه. حور: الحقني يا ءادم. ءادم: في إيه يا بنتي، إنتي مش بتكلميني إلا وجايبالي مصيبة. حور: متقدملي عريس. ءادم: وإيه اللي فيها دي طيب. حور: ي ءادم أنا مش عاوزة أتـ، كلم ماما والنبي واقنعها.

ءادم: ي بنتي هو إنتي شوفتينا جوزناكي، اقعدي معاه إنتي بس وشوفيه وسيبي تطفيشه عليا. حور: ماشي يا ءادم. ءادم: طب يلا هطير أنا ورايا شغل. حور: .......... تاني يوم: حور: لسه فاكرة يا أختي تتصلي. شمس: آسفة والله، بس كنت نايمة مسمعتش التليفون. حور: طيب ماشي. شمس: ماشي إيه، مفيش حاجة عاوزة تحكيها. حور: لا يا أختي وسبيني أنام. شمس: نامي، نامت عليكي الحيطة اللي جنبك. شمس: ي جزمة وكمان قفلتي.

كريم: براحة على خطيبتي يا بت، نامت عليكي إنتي حيطة. شمس: اتنيل إنت وخطيبتك، إنت شفتها وافقت. بعد عدة ساعات جرس الباب رن وقلقي زاد. والدة حور: اتفضلوا. والد كريم: يزيد فضلك. والدة حور: أعرفكم ماجد عم حور الكبير. والد كريم: تشرفنا. ماجد: أنا اللي تشرفت، اتفضلوا. شمس: أمال فين حور يا طنط. والدة حور: في أوضتها، ادخلي لها. حور: إيه دا، لا مش معقول الشبهة.