رواية لعبة القدر الفصل الثالث 3 - بقلم روفيدة وائل

ءادم: أنا مش هرحمه، قومي معايا. حور: لا يا ءادم، والنبي اهدي. أنا مش عاوزاه يعرف إني حكيتلك، ولا كأن حاجة حصلت. ءادم: بس يا حور، مينفعش يتكلم معاكي بالطريقة دي. حور: علشان خاطري يا ءادم، والنبي. ءادم: خلاص يا حور، علشان خاطرك بس. حور: طب أنا عاوزة حمص الشام. ءادم: نعم؟ إيه يا بنتي ده؟ مش شفتني بقالي أسبوع وقلت أفسحك، تقومي تطلبي آيس كريم وحمص الشام؟ يابنتي اطلبي طلبات حلوة، استغليني.

حور: إذا كان كده، أنا عاوزة أشتري كام طقم بقا. ءادم: إيه ده؟ انتي هتفتري بجد ولا إيه؟ أنا هروح أجيب حمص الشام. حور: ههههه. ءادم: اتفضلي يا ستي، وعدي الجميل. حور: جميل؟ اتمشّينا شوية وحسيت إني ارتحت جداً، وده اللي بيحصل لما بخرج مع ءادم. حور: يلا نروح بقا، علشان زمان ماما روحت وهتقلق عليا. ءادم: هي عارفة إنك معايا، مش هتقلق. مش تخافي. حور: إن كان عليا، عاوزة أقعد قدام النيل للصبح، بس يلا علشان ماما مش تقعد لوحدها.

ءادم: طيب يا ستي، يلا. عم الصمت طول الطريق. ءادم: يلا باي، هتوحشيني. حور: ءادم، مش تكلم أثر. ءادم: أثر مين؟ حور: أثر يا ءادم، انت هتستعبط؟ ءادم: معرفش حد بالاسم ده. اللي يقرر يقاطع أختي، يقاطعني. يلا باي. حور: باي يا قلب حور. طلعت، ماما كانت لسه ما رجعتش. كنت فرحانة بشكل لا يوصف. كلمت شمس بسرعة. حور: الو ي شمس. شمس: ها، عملتي إيه؟ مستنية اتصالك من بدري. حور: ولا أي حاجة. روحت ومشفتش أثر، وخرجت أنا وءادم واتبسطت جداً.

شمس: حبيبي، ربنا يبسطك دايماً. احكيلي عملتوا إيه في الخروجة. حكتلها كل حاجة. شمس: ما تقولي لءادم يتبناني يا بنتي، وأنا هستغله. حور: 😂😂😂😂 شمس: طيب يلا باي، هشوف كريم عاوز إيه. حور: باي. عند شمس. شمس: نعم يا كريم، عاوز إيه؟ كريم: اقعدي يا شمس، عاوز أتكلم معاكي. شمس: ها، اتكلم يا سيدي. كريم: عاوزك تحكيلي شوية عن صاحبتك اللي كانت في الصورة. شمس: نعممم؟ يا سي كريم، لا دا الموضوع زاد عن حده، وأنا هقول لبابا كده.