رواية لعبة القدر الفصل الرابع عشر 14 - بقلم روفيدة وائل

شمس: أي مش هتباركلي؟ آدم: هه، مبروك يا شمس. ربنا يتمم لك على خير. حور: بتبركلها على إيه يا آدم؟ آدم: ...... حور: آدم، آدم! وهزته. إيه يا بني رحت فين كده؟ آدم: رحت فين؟ أنا هنا أهه. حور: هنا فين بس؟ أنت مش معانا خالص. كنت بتبرك لشمس على إيه؟ آدم: كشر، على خطوبتها. شمس: وضحكت. خطوبتي؟ يسمع منك ربنا يا رب. وهمست: بس البغل يحس. آدم: انتوا مش كنتوا بتتكلموا عن ابن عمتك دلوقتي؟

شمس: بنرفزة. أيوه، بس دا كان بيقولي إني اتقبلت في المنحة، مش متقدملي. وبعدين هو متجوز، أنت هتلبسني مصيبة. كريم: حصل خير يا شباب، اهدوا. آدم: واتنفس بارتياح. أنا آسف. منمتش من يومين. بعتذر منكم، هستأذن أنا. (لنفسه: إيه يا آدم، مالك؟ مش قادر تتحكم في قلبك ليه؟ على آخر الزمن هتحب وتقع ولا إيه؟ اجمد كده، إحنا مينفعش نحب ونتجوز، مينفعش.) حور: آدم، آدم، اهدي بس. مالك؟ أنت تعبان؟

آدم: لا، أنا بس مصدع وعاوز أنام. يدوبك الحق أسافر. وكريم هيوصلك. حور: لا، مفيش سفر بحالتك دي. أنت بتهزر. آدم: حور. حور: وقاطعته. مفيش مبررات يا آدم، وقوم يلا نروح. كريم: أيوه يا آدم، خليك النهارده أفضل. يلا نمشي. وقاموا اتحركوا. بعد عدة مناقشات وجدال، بس آدم فاز في الآخر وسافر. وكذلك كريم وشمس سافروا. عدى شهر من غير أي جديد. حور وكريم قربوا من بعض أكتر. وحددوا معاد الفرح 3/5. النهاردة يعني.

آدم: حور، وسعي كده خليني أشوف النور ده منين. حور: نور إيه؟ آدم: ده بيتحرك معاكي. تعالي هنا. حور: في إيه؟ فهمني. آدم: وباس راسها وحضنها. في إن حبيبتي طالعة زي القمر النهارده. مش مصدق يا حور، جه اليوم اللي هسلمك فيه بإيدي لعريسك. متوقعتش إن اليوم ده هيجي بسرعة كده وتسبيني وتمشي، وهبطل أشوف هبلك. حور: ودمعت. إيه الهبل ده بقا؟ أنت هتخليني أعيط وأبوظ مكياجي؟ ما بيتي هناك أهه، ما تيجي لي على طول.

آدم: ومسح دموعها. لا، مش عاوز أشوف دموعك. وبهزار: عاوز أشوف عيالك. يلا بسرعة. حور: وخبطته في كتفه. بارد. آدم حضن كريم. أنا بسلمهالك النهارده وأنا مطمن. مش عاوز في يوم أندم على ثقتي فيك. معنديش أغلى منها. ووقف في ضهر حور كنوع من التهديد، وإنه طول عمره هيفضل في ضهرها. كريم: فضل باصص لحور فترة. وعم الصمت. وفجأة راح حضنها وفضل يعيط. حور: وفضلت تهديه. كريم، عشان خاطري، اهدي. أنا هعيط كده.

شمس بهزار علشان تفك الجو: شكلي وحش؟ طب عبروني بكلمة. حتى هو أنا مش أختك يا جدع؟ آدم: أشك والله. ده مش لاحظ وجودك أصلاً. شمس: حرباية، إزيك؟ ليكي وحشة. كريم وحور شاركوهم ضحكهم واتحركوا بالعربيات. في القاعة. حور: كيمو، أنا عاوزة طلة بالأبيض. كريم: وأشغلها إزاي دي طيب؟ حور: مليش دعوة، اتصرف. كريم: حاضر. ونادى على شمس تروح تشغلها. بعد دقايق. آدم: واقفة عندك بتعملي إيه؟