رواية لعبة القدر الفصل الثالث عشر 13 - بقلم روفيدة وائل

وفجأة وقفت عربية قدامهم. ءادم: رفع راسه وقام من ع الأرض بصدمة. جيت لقضاك برجليك. شمس: وجريت ع حور حضنتها. انتي كويسة ي حور. اسر: أنا جيت ي ءادم، جيت عشان تصفي حسابك معايا قبل ما أسافر. كريم: ومسكه من هدومه. دا أنا اللي هخليك تسافر بس ع مكان تاني هيعجبك. حور: جريت ع كريم. لو سمحت ي كريم اهدي وسيبه، أنا كويسة، هو معمليش حاجة، وهو اللي رجعني أهه، خليه يروح لحاله بقى.

ءادم: مع إني مش مطمنلك ولا مصدق اللي حصل، بس هحاول أقتنع ي اسر إنك هتتظبط وتبعد عن طريقها. اسر: صدق ي ءادم، أنا مش وحش للدرجادي، أنا بس كنت بحبها، ومكنتش عارف بتصرف إزاي. كريم: وضربه. انت لسه هتقول بحبها. اسر: أسف، أنا اللي سلمتك حور أهه، وواثق إنك هتحافظ عليها، وأوعدكم مش هتشوفوني تاني. وركب عربيته واتحرك بيها. ءادم: وحضن حور. حور طمنيني انتي كويسة. حور: أيوه ي ءادم، صدقني والله. وبصت لكريم.

معمليش حاجة ولا كلمني والله. شمس: طب كفاية بقى، الحالة اللي كنا فيها مش ناقصة نكد، يلا يلا خلينا نكتب الكتاب اللي مدعي عليه ده. حور: بشكلي ده. كريم: زي القمر، يلا. ((بارك الله لكما وبارك عليكما وجمع بينكما في خير) كريم: عينيه لمعت وفاضل باصص لها. أخيرًا وصلتلك ي حور، كان حلم صعب أوي. حور: بس حققته. كريم: حضنها. ربنا يديمك في حياتي. ءادم: احم احم. راعي إننا واقفين وأنا بغير 🙄😌 كريم: براحتي ي حبيبي، دي مراتي رسمي.

فهمي نظمي♥😌 شمس: طب راعوا مشاعر السناجل اللي هنا طب 😭 حور: وضحكت. كفاية ي كيمو، صعبوا عليا. كريم: كفاية ي قلب كيمو. ءادم: طب يلا توكل على الله بقى، أنا بقول انت اتأخرت يلا. كريم: أي دا، هو أنا مش قلتلك أنا بايت مع مراتي النهارده😌 ءادم: بايت فين ي عيني، يلا ي بابا مش عندنا سراير يلا. حور: أي ي ءادم، المعاملة القاسية دي ي جدع، دا زي جوز أختك، بوتعالى. ءادم: ولاحظ إن شمس بعدت عنهم وبتتكلم في الفون.

طيب هسيبكم شوية عشان مش أكون رخيم 🙃 ءادم: بتكلمي مين. شمس: واتخضت. خضتني، حرام عليك. ءادم: لا، الف سلامة عليكي من الخضة، بتكلمي مين بقى. شمس: وانت مالك أصلاً. ءادم: هو أي اللي أنا مالي، انتي جاوبي ع سؤالي من غير كلام كتير. شمس: بعصبية. ولفت شاشة التليفون ناحيته. ءادم: طب ما تقولي واحدة صاحبتك، مكنش هيجري حاجة، ثانياً أنا آسف، حقك عليا، بس انتي زي حور، وكنت بسأل عادي. شمس: (زي حور🙃) هه، لا ولا يهمك. ءادم:

(أي اللي أنا عكيته ده، زي حور إيه بس، طب أعمل إيه) بس انتي مش اعتذرتي مني. شمس: واعتذر منك لي إن شاء الله. ءادم: ع الكلام السم اللي قولته من شوية لما حور مكنتش هنا. شمس: أنا مغلطتش فيه، لأنك مقدرتش تحميها. ءادم: بس أنا... شمس: ملوش لازمة التبرير ي كابتن، عن إذنك معايا تليفون. ءادم: يا رب ع غبائي. كريم: مالك واقف بعيد كده لي. ءادم: هه، لا أنا قولت أسيبكم لوحدكم شوية. كريم: طيب يلا نخرج شوية عشان حور.

ءادم: اها يلا، هحضر العربية، هاتوها وتعالوا. في أحد المطاعم. شمس: أي هنتفرج ع بعض كتير يجماعة، ما تطلبوا يلا. كريم: انتي لسانك سابقك لي، ما لسه هنطلب. ءادم: ها ي ستي عاوزه إيه، أنا هطلبلكوا. حور: ع زوقك ي دومي، يلا. ءادم: وبص ناحية شمس. افرض مش عجب حد. كريم: لا ي سيدي هيعجبنا، يلا. بعد شوية. شمس: بما إنك اتجوزت ي كريم بقا وخلصنا، ف ابن عمتك كلم بابا. كريم: أي دا بجد. طب وانتي إيه رأيك. شمس: أنا معنديش مانع.

حور: مباااارك ي شموس، وأخيرًا هشوفك عروسة. ءادم: ومبقاش فاهم حاجة، وكان سكاكين غرست بقلبه. شمس: وبصت ل ءادم. إيه مش هتباركلي. ءادم...........