رواية لعبة زواج الفصل السادس 6 - بقلم حبيبة ياسر

نادر: إيه دا يا ماما، إنتِ إزاي تدخلي الأوضة من غير ما تخبطي؟ الأم: وإيه يعني؟ هخبط ليه؟ أنا داخلة بيت غريب ولا إيه؟ نادر: دي أوضة نومي أنا ومراتي، يعني اعتبريني ما كنتش في الوضع اللي هو. الأم: عادي، وإيه اللي فيها؟ نادر: طيب ممكن تطلعي وأنا هاجي وراكي. الأم: طيب. نادر: قومي البسي لبس غير دا، ويا ريت يكون لون فاتح. زينة: ليه؟ نادر: هفهمك بعدين يا لازينة. زينة: طيب. نادر: نعم يا ماما.

الأم: إنت إزاي تسيب مراتك وهي تعبانة بالشكل ده وتنام مع الهانم؟ نادر: تعبانة عشان الطفل بيتحرك في بطنها، وإحنا عرسان جداد يا ماما. حط إيده على كتف زينة وقال: نادر: وإحنا أصلاً رايحين شهر العسل، يعني هتقعد لوحدها؟ الأم: شهر عسل إيه وزفت إيه؟ مراتك في الشهر الثامن! نادر: تامن... إزاي؟ وهي قايلالي إنها في الشهر التالت؟ إزاي؟ زينة: تامن إزاي؟ وهما متجوزين من عشر شهور؟

الأم بارتباك: هو أنا كمان هحسبلها هي في الشهر الكام ولا إيه؟ وهي اتجوزت راجل ولا إيه؟ يا اسمك إيه؟ إنتِ. نادر: أنا متأكد إنكم مخبيين حاجة عني وهعرفها قريب، بس هتندموا. الأم: هنخبي إيه يعني؟ انزل هات طلبات من تحت يالا عشان نعمل الغدا. نادر: طيب... زينة تعالي معايا. زينة: حاضر. نادر: زينة، يا ريت أي حاجة ماما تقولها متحطهاش في بالك ولا تفكري فيها، اعتبريها زي والدتك، ممكن؟ زينة والدموع في عينها: حاضر.

نادر: إنت بتبكي ليه دلوقتي؟ ممكن أفهم؟ زينة: ولا... ولا حاجة. انزل جيب الطلبات إنت عشان الوقت. حضنها نادر وقال وهو يمسك خصلة شعرها: نادر: شششش، اهدى اهدى، بس بس، أنا عارف إنك لسه ما اتعودتيش على العيشة هنا وعارف إنك مضايقة، بس معلش على خاطري، استحملي لحد ما أعرف الحقيقة. أنا متأكد إنهم فيهم حاجة، زي ما أنا متأكد إني ما اتجوزتش جميلة. أنا محتاجك جنبي الفترة دي، اقفي جنبي. زينة: حاضر. نادر: أنا نازل. زينة: طيب.

جميلة: نادر يا حبيبتي. نادر: نعم. جميلة: جيب معاك برتقال عشان نفسي فيه أوي. نادر: وأنا أجيبه منين ده إن شاء الله؟ الأم: اقلب الدنيا وجيبلها، ولا عايز ابنك يبقى قيح في بطنه. نادر: يا صبر أيوب، حاضر يا ماما... زينة حضري الشنط، هنسافر بالليل. زينة: حاضر. الأم: شنط؟ هههه، وهي جايبة هدوم معاها أصلاً. زينة سابتهم ومشيت. نادر: ممكن تتكلمي بطريقة غير كده؟ ممكن؟ الأم: روح هات الخضار والبرتقال يالا. نادر: طيب.

الأم: إنت يا اللي اسمك زينة... امتي يا بت؟ زينة: نعم يا ماما. الأم: موو ولا ماما؟ المهم الشقة شكلها زي الزفت، نظفي واغسلي الهدوم دي. زينة: وأنا أغسل هدومها بصفتي إيه؟ الأم: بصفتك الخدامة اللي جايبها نادر. زينة: أنا مش خدامة. الأم: إنتِ هتعلي صوتك عليا ولا إيه؟ اعملي اللي بقولك عليه يالا. زينة: تمام. "زينة مكنتش متخيلة إن بابا ما يسألش عليا ولا يجي يشوفني، رماني ونساني، وأم نادر بتعاملني كده ليه؟ أنا عملتلها إيه؟

ليه بتعاملني كأني خدامة" الأم: إنتِ يا بت. زينة: نعم. جميلة: ممكن تعمليلي أكل؟ أنا ما أكلتش من الصبح. زينة: هو إنتِ مبتعرفيش تعملي أكل لنفسك ولا إيه؟ الأم: لأ بعيني بتعرف، بس زي ما إنتِ شايفة هي تعبانة دلوقتي. اعمليلها أكل، والبسي لبس غير المبهدل ده. أه نسيت إنك مجبتيش هدوم. جميلة: أنا معايا بجامة جوا مش عايزاها، البسيها. زينة: مش بلبس مكان حد، بقرف. وسابتهم ومشيت. جميلة: شايفة بتقول إيه؟

أنا عارفة ابنك بيحبها على إيه دي. الأم: أنا عارفة هعمل إيه. اسمعي... جميلة: طيب وإنتِ هتجيبي حتة من شعرها إزاي؟ الأم: بلعتي أنا دي... زينة. زينة: نعم. الأم: قربي مني كده. زينة: نعم. مسكتها من شعرها وقالت: الأم: إيه ده، شعرك بجد؟ كنت فاكرة بروكه. معلش، روحي كملي اللي بتعمليه. زينة: حاضر. زينة دخلت المطبخ وسمعوا صوت حاجات بتتكسر. وفي الوقت ده نادر كان بيفتح الباب. نادر: إيه الصوت ده... فين زينة؟ الأم: في المطبخ.

راح نادر المطبخ بسرعة ووراه أمه وجميلة. نادر: إيه دا...