رواية لعبة زواج الفصل التاسع 9 - بقلم حبيبة ياسر

نادر مسكها من شعرها وقال: انت إزاي يا حيوانة تنامي هنا؟ إزاي؟ انت جاية هنا عشان تشتغلي بس، فاهمة؟ زينة: نادر إيه؟ مالك يا نادر. أه شعري. نادر: شعرك إيه؟ اطلعي بره يلا. زينة ببكاء: حاضر، حاضر هطلع. وطلعت بره الأوضة. "زينة هو هو ماله؟ في إيه؟ هو مكنش كده امبارح. ماله صاحي عصبي كده ليه؟ وبيضربني ليه؟ نادر بصوت مرتفع: انت يا بت اعمليلي فطار. زينة: مفيش أي حاجة في التلاجة تنفع فطار. نادر: ومنطقتيش ليه من امبارح؟ ها؟

ولا انتِ اه قاعدة ولا شغالة ولا مشغالة؟ إحنا هنروح عند ماما النهاردة، وهنقعد هناك. مفهوم؟ زينة: مفهوم. الأم: إيه ده نادر؟ نادر: ماما إحنا هنقعد هنا. الأم: إيه ده؟ انت مسافرتش؟ نادر: لاء مسافرتش. أنا جعان. الأم: انت مفطرتش يا ابني؟ نادر: لاء مفطرتش. بقولها عايز فطار بتقولي مفيش حاجة تنفع أكل في التلاجة. الأم: ودي تعرف تفتح بيت إزاي دي يا ابني؟ اقعد يا حتة عيني، هعملك الأكل أنا. تعالي ورايا. في هدوم عايزة تتغسل. يلا.

زينة: أديتك بنت على حقيقتك يا نادر، والكلام اللي أمك قالته طلع صح يا نادر. نادر ضربها بالقلم وقالها: إيه أمك دي؟ احترمي نفسك. دي يتقالها يا أمي من النهاردة. زينة: مش هيحصل يا نادر. الأم: وأنا يا بنتي مش عايزكي تقوليلي يا ماما. كفايا إنك تساعديني في شغل البيت بس. جميلة: إيه ده نادر؟ انت إيه اللي رجعك من السفر يا حبيبي؟ نادر: إحنا مفرقناش يا حبيبتي. إنت أخبارك إيه؟ وحبيب قلبي بابا عامل إيه؟ جميلة: هااا...

كويس كويس يا حبيبي. اطمن. مش هنرجع شقتنا بقا يا حبيبي؟ نادر: نرجع يا حبيبتي نرجع. نقعد النهاردة مع ماما وبالليل نرجع. الأم قربت من زينة وقالتلها: أهو على شان تصدقي اللي بقولهولك تاني مرة. خلي عندك دم وتعالي ورايا. وسبيهم مع بعض. "جميلة معقولة تكون هي السبب؟ بس إيه السرعة دي؟ دماغك سم يا أم نادر والله." نادر: تعالي ارتاحي يا حبيبتي ارتاحي. تعالي. جميلة: متقلقش يا حبيبي أنا بخير. زينة: أنا خلصت الغسيل ونشرته.

الأم: تعالي جهزي معايا الأكل. أنا تعبت. زينة: أنا ضهري اتكسر من الهدوم. الأم: تتاعِ يا أختي. من شوية هدوم ضهرك وجعك؟ وأنا اللي بقول هقول لنادر تقعدي معايا تساعديني. زينة: أقعد فين هنا؟ لاء لاء. الأم: لويا أما تلوي نصك يا شيخة. أنا عارفة نادر بيحبك على إيه. زينة: ههههه بيحبني؟ في حد يجب حد يبهدله البهدلة دي؟

الأم: نادر محبش في الدنيا دي قدك. حتى أنا مش بيحبني الحب اللي بيحبهولك ده. كان كل كلامه عنك. لدرجة إن أبوه حبك من غير ما يشوفك. "زينة لما قالت كده كنت حاسة إن في حاجة بتحصل وبتتخطط لي أنا ونادر. إزاي هي بتقول كده؟ وإزاي نادر النهاردة أول ما صحي من النوم ضربني؟ الأم: انتِ متقعديش سرحانة كده كتير. زينة: مش سرحانة. مش سرحانة. الأم: طيب. أهو الرز عندك اعمله. والطماطم والخضار أهو. اعملي سلطة. زينة: حاضر.

طلعوا وقعدوا في الصالة. الأم: وانت هتقعد معايا هنا يا نادر؟ جميلة: لاء يا ماما. هنروح بالليل. نادر: هنروح يا ماما. جميلة لازم ترتاح. الأم: طيب. سيب زينة معايا. نادر: لاء مش هينفع. عشان جميلة مش هتقدر تعمل الأكل وكده. والشقة كمان. الأم: عندك حق والله يا نادر. نادر: أنا هنزل شوية وهاجي. جميلة: تمام. الأم: ماشي. جميلة: هي زينة فين؟

الأم: بتعمل أكل جوه. خليتها غسلت الهدوم واهي كمان بتعمل الأكل. بقولها أنا معرفش نادر بيحبك على إيه. تقولي وهو في حد يحب حد يعمل في اللي بيحبه كده؟ متعرفيش إنه بيعشقها مش بيحبها. جميلة: وانتِ رديتي عليها قولتي لها إيه؟ الأم: قولتلها دا بيعشقك مش بيحبك. دا مش كلام غير عنك. لدرجة إن أبوه حبك من غير ما يشوفك. جميلة: انت اتجننتي؟ الأم: إيه اللي انتِ بتقوليه ده؟

جميلة: احمم. مش قصدي. بس الكلام اللي انتِ قلتيه ده، ميدلش على اللي نادر عمله النهاردة. وهي كده هتشك إن في حاجة. الأم: هي دي بتفهم؟ دي كتلة غبا. جميلة: ربنا يستر ومتكونش سمعت حاجة. الأم: متقلقيش. زينة: أنا خلصت الأكل. الأم: طيب. هرن على نادر ييجي. نادر: وترني لي؟ أنا جيت. جميلة: حمد الله على السلامة. نادر: الله يسلمك. الأم: تعالي يا زينة نحضر الأكل. زينة بتعب: حاضر. حضروا الأكل. زينة جايه تطلع. الأم: انت هتعملي إيه؟

كلي هنا. زينة: وما آكلش معاكم لي؟ الأم: انت هتقاواحي ولا إيه؟ روحي نادي جميلة من الأوضة. يلا. حاضر. راحت زينة تنادي جميلة وشافتها وهي بتحط مخدة في بطنها. قالت: زينة: انت بتحطي مخدة في بطنك؟ يعني انت مش حامل. جميلة جريت عليها وحطت إيدها على بوق زينة: صوتك؟ الله يخرب بيتك صوتك. زينة: صوتي إيه؟ يعني انت مش حامل. زقت جميلة وزحلت على الصالة. زينة: نادر نادر. نادر: إيه؟ زينة: جميلة. جميلة حاطة مخدة في بطنها.

نادر: انت بتخرفي؟ تقولي إيه؟ زينة: زي ما بقولك كده والله. "زينة مكنتش متخيلة رد فعل نادر. مكنش متخيلة إنه يعمل كده."