رواية لعبة زواج الفصل الثامن 8 - بقلم حبيبة ياسر

زينه: وحشتني قوي يا زين، انت لو كنت عايش كنت هتبقى السند ليا. انت عارف إنك من بعد ما سبتني لوحدي وأنا ماليش حد يحبني. أنا عملت إيه في حياتي على شان يحصل فيا كده؟ كل حاجة حلوة في حياتي بتمشي، كل حاجة بحبها بتبعد. حتى أبويا اللي المفروض يكون ليا سند، مسألش عليا. وأم نادر بتعمل كل حاجة تضايقني، حتى نادر، حتى نادر أهو بعد. يا رب رحمتك يا رب.

نادر: عمري ما هبعد عنك ولا هسيبك يا زينة، انتي حياتي كلها، انتي أحلى حاجة حصلت في حياتي. بصي جبتلك إيه معايا. زينه: عااااااا! نادر: في إيه؟ زينه: أنا أنا عندي حساسية من الورد. نادر: انتي فصيلة يا بت، إيه الفصلان ده؟ أهو الورد. زينه: إيه جابك؟ ما قلت ماشي، إيه جابك تاني؟ نادر: هو في حد يعرف يبعد عن روحه؟ طيب، البسي يلا بينا هنخرج. زينه: بجد؟ نادر: آه بجد. زينه: بس أنا معيش هدوم.

نادر: هنطلع نشتري هدوم. أنا هطلع وأنتي البسي وهنمشي. نادر: معقولة لسه زين في دماغها؟ معقولة لسه بتفكر فيه؟ ده لي أكتر من أربع سنين متوفي. لسه منسيتوش؟ أنا عارف إنها بتحبه وإنه أول واحد تحبه، بس هي كده بتخوني. إيه دا يا نادر؟ ده واحد مش موجود على قيد الحياة. أنا أدعيله إن ربنا يرحمه. وهحاول بكل الطرق أخليها تحس بالأمان، هحاول على قد ما أقدر. زينه: أنا خلصت. نادر: يلا بينا.

زينه: هو أنا وحشة وخاينة على شان بفكر في حد وأنا متجوزاه؟ بس هو مش عايش، بس هو عايش جوايا. بس بردو غلط اللي بعمله. نادر: سرحانة في إيه؟ زينه: ولا حاجة. نادر: طيب. زينه: هو انت لسه بتحبني؟ أقصد يعني. نادر: أنا فاهم عايزة تقولي إيه. آه يا زينة بحبك وعمري ما هحب حد غيرك. زينه: تمام. جميلة: انتي إيه دماغك؟ عملتي لهم هما الاتنين إزاي؟

الأم: عملتها ع كل واحد إنها تحبه وهو يكرهها، وهي كده هتعرف إنها مش مهمة وهو مش بيحبها. فهمتي يا بومة؟ جميلة: فهمت، بس انتي إزاي هتحطي دا في الأوضة بتاعتهم؟ الأم: هما أكيد سافروا. هنروح نحطهم أنا وأنتي ونرجع. واه حاولي تحطي أي حاجة على شان مفيش واحدة حامل لغاية دلوقتي، مفيش أي بطن ظهرتلها. جميلة: حاضر، يلا على شان الوقت متتأخرش. الأم: يلا بينا، إحنا كده عملنا اللي علينا. جميلة: يلا. نادر: إيه دا؟ ماما؟

انتوا إيه جابكم؟ الأم: هاا؟ لاء دا جميلة حاجات ابتاعتها نسيتها، جات تجيبها. بس مش كدا يا جميلة؟ جميلة: آه آه. نادر: وأنتي ما خدتهمش ليه معاكي وأنتي ماشية؟ جميلة: نسيتهم. نادر: نسيتيهم؟ آه طيب. الأم: هو انت قلت إنك مسافر، وإديت قاعد في الشقة؟ مسافرتش؟ نادر: كنا بنشتري هدوم، وإدينا هنمشي. الأم: طيب، نسيبكم إحنا. يلا يا جميلة. جميلة: يلا. زينه: انت ليه قلتلهم إننا ماشيين وإحنا مش ماشيين؟

نادر: يا ست عرسان جداد، ادخلي قيسيهم يلا. زينه: حاضر. نادر: انتي ليه مطيعة أوي كدا؟ لي كل حاجة حاضر، تمام؟ وأنا اللي كنت فاكر إنك صعبة. زينه: قصدك إيه يا نادر؟ نادر: ولا حاجة يا قلب نادر، يلا بقا ادخلي قيسيهم. زينه: طيب. زينه: إيه رأيك؟ نادر: اللهم بارك. دا متطلعيش بيه، خليه للبيت. زينه: ناعم؟ نادر: صوتك يا بت. آه مش هتطلعي بيه، وأنا قلت كلمة ومش هتنزل الأرض أبداً. زينه: نادر.

نادر: ادخلي، ادخلي قيسي الباقي. جاتك داهية في حلاوتك. نادر: دا بجد؟ انتي بتتكسفي؟ زينه: ليه؟ هو أنا مش بني آدم ولا إيه؟ نادر: بني آدم، وحبيبتي وكل حاجة. ادخلي بقا. زينه: ودا آخر واحد. اوعى تقول إني مش هطلع بيه. نادر: إيه دا؟ انتي عرفتي إزاي؟ زينه: يوووه بقا يا نادر. نادر: يوووه بقا يا زينة. زينه: انت هتستعبط ولا إيه؟ نادر: مالك؟ اتقمصتي ليه؟ زينه: متقمصتش. نادر: يا شيخة. زينه: اهاا. نادر: أنا فصلت، يلا ننام.

زينه: وأنا كمان، يلا. نادر: مبسوطة؟ زينه: أوي. نادر: يارب دايما. بما إنك مبسوطة، ممكن أنام على السرير؟ أنا ضهري خلاص، شوية وهيجيلي الغضروف. زينه: خلاص، تعالي. زينه: بسم الله الرحمن الرحيم. المهم نام انت وأنا هنام على الأرض. نادر: بقول لاء. نامي أنا تعبان أوي. زينه: نادر ابعد بقولك. نادر: ...... يتبع