رواية لعبة زواج الفصل الثاني 2 - بقلم حبيبة ياسر

الدكتور: الحمد لله عدت على خير ووقفت النزيف. فاروق: ينفع ندخلها يا دكتور؟ الدكتور: آه، اتفضلوا. (دخلوا الأوضة) فاروق: مش كفايا نزلت راسي في الطين، وكمان عايزة تموتي كافرة! زينة: طيب، كفايا حرام عليك، كفايا. فاروق: كفايا إيه؟ لما نروح بس. نادر: ممكن تسيبنا لوحدنا شوية؟ فاروق: ماشي. (طلعوا من الأوضة) نادر: ليه عملتي كده؟ زينة: ملكش فيه. نادر: طب عشان مجبورة إنك تتجوزيني؟ زينة: مش ببقى مغصوبة على حاجة.

نادر: أومال ليه عملتي كده؟ انتي لو كان حصلك حاجة كان ممكن أموت فيها. ليه كده؟ أي نعم مش بتحبيني ولا عمرك هتحبيني، بس أنا بردو بحبك وهفضل أحبك حتى لو حصل أي حاجة. زينة: وأنا مش بحبك ولا هحبك. نادر: هتحبيني وأنا واثق من كده كويس. زينة: خليك واثق من نفسك ومش هيحصل. فاروق: يا ابني، كتب الكتاب هيكون انهارده بالليل. نادر: طيب يا عمي، مش هنعمل فرح؟ الأم: فرح إيه يا بني، انت عايز تفضحنا ونظرة الناس ولا إيه؟

نادر: إيه اللي بتقوليه ده يا أمي؟ الأم: اللي انت سامعه. مش كفايا كمان إنها مش هتجيب عفش ولا أي حاجة، وإحنا اللي جايبين كل حاجة. فاروق: قصدك إيه؟ الأم: قصدي انت فاهمه كويس أوي. "زينة لقيت بابا باصص للأرض ومرديش يتكلم، حسيت بكسرة أكتر من اللي أنا كنت حساها." نادر: كفايا إن زينة هتكون معايا، أنا مش عايز أي حاجة غير إنها تبقى معايا. دي بالدنيا. الأم: متجيش تشتكي بعد كده.

نادر: يلا يا أمي على شان نجهز. ويلا يا زينة على شان أوصلكم في طريقي. "في الطريق" نادر: زينة، أنا بحب اللون الأزرق. عايزك تلبسي لبس لونه أزرق. زينة بقرف: وأنا مش بحبه. نادر: معلش يا حبيبتي، تعالي على نفسك. فاروق: تسلم يا ابني، إحنا على معادنا الساعة 10. نادر: عادي، مفيش حاجة لو كان بكرة يا عمي. فاروق: لأ، نخلص انهارده. شخص مجهول: أيوه يا ست هانم، هو دلوقتي عند البيت وزينة معاه وأمه. خليك وراه وبلغني بكل حاجة.

حاضر يا ست هانم. زينة: أديك هتعيش وحدك وهترتاح. ولا ممكن تكون شفتوفه تاني وعايز تتجوز؟ فاروق: إيه اللي بتقوليه ده؟ زينة: بقول إنك ممكن تكون عايز تتجوز. فاروق: أنا عمري ما حبيت ولا هحبك قد أمك. أي نعم كانت غبية وصريحة زيادة عن اللزوم، بس بردو بحبها. زينة: يا حنين. طيب سيبني لوحدي ممكن؟ فاروق: أنا طالع أهو. نادر: انت كنت تقصدي إيه بإننا منعملش فرح؟ الأم: عايز الناس تتكلم عليك في الرايحة والجاية ولا إيه؟

نادر: تتكلم عليا إزاي؟ مش فاهم. الأم: تتكلم عليك وتقول متجوز واحدة مش بنت. وهيتقال كتير قوي عليك، حتى من أقرب الناس ليك يا نادر. وأنا بقولك أهو، هتتجوز مش عايزها تيجي البيت عندي ولا أشوفها. نادر: ممكن أعرف ليه بتكرهيها لدرجة دي؟ الأم: يلا نطلع، مش هنقعد في العربية كتير. نادر: كنت عارف هتتهربي مني. الساعة 10 في بيت زينة. الماذون: بارك الله لكم وعليكم وجمع بينكما في خير... مبروك. نادر: الله يبارك فيك.

أي دا، مش غلط تتجوز عليا يا نادر. وكمان واحدة مش بنت.