رواية لعلك منجدى الفصل الأول 1 - بقلم الاء محمد

ازاى يعنى يا جدى عايزنى اتجوز واحدة ومغتصبة كمان انت مش واخد بالك اننا صعايدة يعنى ولا ايه -وعلشان احنا صعايدة يبقى لازم نستر على بناتنا -انا مالى اتحمل ذنب انا معملتوش ليييه -علشان ده سلو بلدنا يا ولدي ولا الفضيحة هتكون فى العيلة كبيرة واللى عايزين يشمتو كتير -وليه انا ما عندك ولاد عمى كلهم ومفيش واحد فيهم متجوز -علشان مفيش حد فيهم يقدر يتحمل المسئولية دى غيرك يا ولدي...

انت الكبير يا سليم وانت اللى لازم تستر بنت عمك -انت كده بتحكم عليا بالموت يا جدى -بعد الشر عنك يا ولدي بس انا لو معملتش كده هحكم بالموت على بنت عمك وهى ملهاش ذنب فى كل اللى حصلها سليم بيتكلم وهو فاقد الأمل وخلاص مبقاش فى مفر من كلام جده ولا من القرار اللى صدر فى حقه -حاضر يا جدى -كتب الكتاب يوم الجمعة الجاية يا ولدي -ده بعد بكرة ليه مستعجل قوى كده يا جدى -الفضيحة مبتصبرش على حد يا ولدي بعد أن تم كتب الكتاب

-اخرنا مع بعض 6 شهور بالكتير وبعدها هطلقك واظن انى عملت اللى عليا بما فيه الكفاية -انا اسفة انى حطيتك فى الموقف ده بس والله انا مالى ذنب فى اللى حصل -ليكى او ملكيش انا مليش دعوة انا نفذت كل المهزلة اللى احنا فيها دى علشان جدى ولولا انه تعبان انا مكنتش وافقت اتجوزك اصلا -انا اسفة ليك مرة تانية بس انا مش وحشة قوى كده يا سى المهندس انا ضحية...

ضحية كلاب صعرانة ملهاش شغلانة فى الدنيا غير انها تنهش فى لحم اللى حواليهم وانت متفرقش عنهم حاجة لو هما بالفعل فإنت بالكلام وسابته ودخلت اوضتها دخلت أوضتى وانا حاسة بالهزيمة حاسة ان العالم كله بيشيلنى مسئولية انا مليش أى ذنب فيها... طيب ليه...

ليه بيحملونى انا الذنب وانا مش الجانى انا المجنى عليه فضلت اعيط لعند ما صحيت الصبح لقيت نفسى نايمة على الأرض بفستان فرحى اللى هو المفروض فرحة كل بنت بس انا فرحتى ضايعة ومش عارفة هلاقيه امتى -ايه يا سليم سايبك مراتك وقاعد لوحدك ليه يا ولدي -مرات مين يا جدى... دى لعبة واحنا التلاتة بنلعبها على كل اللى فى القصر ومفيش حد طالع من اللعبة دى خسران غيرى -وانا ما ارضالكش الخسارة يا بنت عمى... وعلشان كده بطلب منك الطلاق دلوقتي

-انتى اتجنى ولا ايه يا رهف كيف يعنى عايزة تطلقى وانتى فى يوم صبحيتك هنلم الفضيحة بفضيحة عاد -انا مليش ذنب فى الفضيحة دى ومش هكمل الباقى من حياتى وانا عايشة عالة على واحد مش مدينى اى عذر للي حصلى -عذر ايه اللى انتى عايزانى ادهولك اكيد انتى اللى ادتيهم وش علشان يعملوا اللى عملوه -بس خلاص كفاية خناق خد مراتك واطلع شقتك يا سليم وهناك ابقوا اتعاتبوا على راحتكم

بعد ما عدى شهر على نفس الحال لا سليم طايقنى ولا انا طايقاه ولا طايقة العيشة كلها لقيت تليفونى بيرن -الو -ايه يا بنتى مش بتردى ليه بتصل عليكى بقالى فترة ومبترديش قلقت عليكي -مفيش يا ريم تعبانة شوية -عروسة بقى وبتدلعى ضحكت بسخرية على نفسى وعلى الحالة اللى انا فيها اه عروسة -طيب بقولك ايه فى حد بيسأل عليكي هنا وهيموت ويكلمك -ارجوكى يا ريم مش قادرة اكلم حد خليها مرة تانية -لا يا رهف ده هيحصله حاجة لو مكلمكيش

-ماشى ادينى اكلمه الو ايوه يا حبيبى... انا كويسة الحمد الله... وانت عامل ايه وانت واحشني قوى والله.... الله بجد .... ان شاء الله لما اجى هشوفه .... وانا كمان بحبك قوى هجيلك قريب ان شاء الله فجأة حسيت بصفعة على وشى وضرب جامد -طب احترمى الراجل اللى انتى على دِمّته يا واطية يا تربية الشوارع انتى مش حاسة انتى مرات مين انتى مرات سليم نصار ولو معرفتيش مين سليم نصار انا هعرفهولك

سليم كان بيضرب رهف لحد الجنون مكنش واعي بكمية الضرب اللى رهف خدتها ومفاقش غير ورهف بتنزف