رواية لعلك منجدى الفصل التاسع عشر 19 - بقلم الاء محمد

جالك بابتسامة خبيثة للغاية: -أيوه خطيبتي، مالك مستغرب ليه؟ -سليم وقد تملكت العصبية وجه: -أنت آخرتك على إيدي. -رهف وقد أمسكت بيد جاك: -رهف بخوف: -جاك مين ده وعايز إيه؟ -جاك: -متخافيش يا رهف، مفيش حاجة، ده حساب قديم بيني وبينه. -رهف بهمس: -هو أنا خطيبتك بجد؟ -جاك وهو ينظر إلى سليم بمكر: -أيوه طبعاً خطيبتي وحبيبتي... ممكن تطلعي إنتي فوق دلوقتي. -سليم وقد جذبها من يديها: -تطلعي فين، أنت مجنون؟ -رهف بخوف:

-جاك مين ده وعايز مني إيه؟ -جاك وقد جذب رهف من يد سليم: -اطلعى إنتى فوق دلوقتي. -جاك: -عرفت إني أقدر أوصلك وأوصل حتى لحبيبتك. -آه صحيح، أنا عرفت إنها حامل، مبروك، بس باين إنها مش متذكرة حاجة خالص. -بس متقلقش، هحافظ على البيبي وأم البيبي كمان. -سليم وقد طفح به الكيل من جاك، ثم أمسكه من رقبته، ثم خنقه وكاد أن يقتله: -أنا هعرفك إزاي تتعدى على خصوصياتي. *** -علي: -اهدى يا سليم، وكل حاجة هتتحل. -سليم بعصبية:

-أنا زهقت وتعبت، أنا كل ما أعدلها من ناحية، ترجع تتعقد تاني. -علي: -إن شاء الله قريباً هنحل كل حاجة. *** -رهف بخوف طفولي: -مشي؟ -جاك بابتسامة على ملامحها الطفولية: -مشي. -رهف: -هو إحنا مخطوبين من امتى وفين أهلي؟ -جاك: -مخطوبين من سنة، وإنتي ملكيش حد غيري. -هسيبك ترتاحي دلوقتي عشان شكلك تعبانة. -ثم تركها وخرج. *** جاك: -هااا، كله تمام؟ -شخص ما: -كله تمام يا فندم، وهو مصدق كل حاجة.

-ده حتى علي بيه لسه داخل المكتب وهو كان متعصب جداً. -جاك بابتسامة خبيثة: -طيب تمام، هبقى أكلمك لما أحتاجك. *** جاك: -إحنا اجتمعنا النهاردة عشان نكمل الصفقة اللي مكملتش في روسيا. -وهنتفق على كل حاجة النهارده، والصفقة دي لازم تتم. -وبعتذر عن التأخير لأن والدي لسه متوفي من فترة، وكان لازم ناخد حذرنا من الحكومة شوية. -ثم فجأة اشتعلت كل الأنوار، ثم نهض الجميع في خوف. -سليم بتصفيق:

-برافو، هايل جداً جداً جداً، ومرحباً بك في مملكة سليم نصار، جاك البرتو. -الكل في صدمة وذهول، غير متوقعين وغير مستوعبين ما الذي يحدث هنا. -جاك بصدمة: -سليم، إيه اللي بيحصل هنا؟ -سليم: -أنا اللي المفروض أسأل، إيه اللي بيحصل هنا؟ -ثم أمر سليم رجاله من الشرطة يأخذون كل من في قاعة الاجتماعات إلى عربية الشرطة بالخارج. -سليم: -تصدق، أنا أول مرة في حياتي أعرف إنك غبي كده.

-ليه المرة دي استهترت بيا يا جاك، ليه المرة دي محسوبتهاش صح؟ -لأن اللعبة اللي كنت بتلعبها اتقلبت ضدك. -جاك وهو ما زال في حالة ذهول: -أنا مش فاهم حاجة. -سليم وقد جلس على الكرسي بجانبه، ثم وضع قدم فوق الأخرى: -أفهمك يا صاحبي. -إنت نزلت من تركيا بعد ما سمعت بخبر وفاة أبوك، واللي هو الزعيم الكبير. -بعد آخر خناقة حصلت بينا، قررت إنك متنزليش ألمانيا تاني وتقطع كل علاقتك بيا أو بأي حد يعرفني.

-بعد كده، لما عرفت إن الزعيم جاله جلطة صدرية لما أكبر صفقة كان بيخطط لها من سنين فشلت، وده كان بسببى، شعللت في دماغك فكرة الانتقام. -وجيت عشان تنتقم مني في أكتر حد حبيته في دنيتي. -بس إنت كنت غبي المرة دي، ولأنك عارف إني بثق في رهف ثقة عمياء، مكانش المفروض تغلط غلطة زي دي. -بس معلش، أنا مش هلومك المرة دي، لأن اللوم على اللي جابلك المعلومات بدون توقيتها بالظبط.

-إنت وصلك المعلومات بإني اغتصبت رهف، بس اللي وصلك المعلومات قالك إن واقعة الاغتصاب حصلت قريب، وهي حصلت من 6 شهور بالظبط، يعني لو كانت رهف حامل، كنا عرفنا من زمان. -ولأنك عارف إن واقعة الاغتصاب ما تمتتش، قولت تضرب عصفورين وتفرق بيني وبين رهف، بإن رهف تعرف إنها حامل نتيجة اغتصاب فتكرهني، وبأني عارف إني مغتصبتش رهف فأشك فيها.

-برافو، حقيقي أنا لازم أرفع لك القبعة، بس للأسف هنزلها تاني، لأنك اعتمدت في معلوماتك على واحد غبي ودكتور أغبي منه. (فلاش باك) -الدكتور: -طبعاً جاك بيه صدق، ده حتى العصبية والشر كانوا هينطوا من عيني. -لا لا، يعرف إيه، مش هيجي في باله طبعاً إني على علاقة بيك. -سليم وكان بالخارج أمام الباب يسمع كل كلمة تفوه بها الطبيب مع جاك: -يا ابن الكلب...

أنا فعلاً ما كنتش مرتحلك من أول ما بدلوك بالدكتور اللي كان متابع حالة رهف من الأول، وشكيت إن الموضوع فيه إن. -ثم دخل سليم وهجم على الطبيب: -قسمًا عظيمًا، لو ما قلتلي الحكاية عبارة عن إيه، هقتلك هنا وما هاخد فيك 5 دقايق سجن على بعض، هتبقى تهمتك تعدي على ضابط شرطة. -هتنطق بالكلام اللي عندك، ولا هتنطق الشهادة؟ -الدكتور بخوف: -سليم بيه، أنا آسف والله، بس أنا كنت عبد المأمور.

-جاك فيه اللي اتفق معايا إني أقول إن مدام رهف حامل، وبصراحة عرض عليا مبلغ قوي جداً وأنا مقتدرتش أعترض. -سليم: -تمام يا حلو، حالياً بقى إنت هتشرفنا في القسم شوية عشان نعمل لك محضر جميل زيك وتشرف في السجن كام سنة كده. *** -سليم: -صباح الخير. -رهف وقد نظرت له ولم تتفوه بكلمة. -علي: -صباح النور يا سيدي. -ريم: -طيب أنا هروح أجيب فطار من الكانتين عشان انس محتاجين حاجة. -علي: -شكراً يا حبيبتي... طب أستأذن أنا طيب. -سليم:

-لأ، خليك قاعد، الكلام اللي هقوله لازم تشهد عليه. -علي باستغراب: -كلام إيه؟ -سليم وهو ينظر إلى رهف: -إنتي مش حامل يا رهف. -رهف باستغراب: -يعني إيه؟ -سليم وقد نظر إلى علي: -جاك هو اللي لعب اللعبة دي عشان يوقعني أنا ورهف في بعض. -علي بذهول: -هو جاك لسه فاكرك؟ -سليم: -وتفتكر ممكن ينسانى؟ -رهف: -أنا مش فاهمة حاجة، فهموني طيب. -سليم:

-جاك ده ابن الزعيم الكبير وكان أعز أصدقائي، بس رجع عشان ينتقم مني عشان أنا السبب في موت أبوه. -رهف: -وليه ينتقم منك فيا؟ -سليم وهو ينظر لها: -عشان كل الناس عارفة إنك نقطة ضعف سليم يا رهف. -رهف وهي تنظر له بعتاب، ثم استدارت بوجهها الناحية الأخرى متجاهلة كل كلامه تماماً. -سليم: -جاك هيعقد الصفقة تاني قريب. -علي: -واحنا مش لازم نفوت الفرصة من إيدينا المرة دي. -سليم: -يعني هنعمل إيه؟ -علي وهو موجه حديثه إلى رهف:

-رهف هتقبلي تساعدينا نتخلص من مافيا الحصان الأسود كلياً؟ -رهف باستغراب ودهشة: -أنا؟!!! إزاي؟ -سليم: -لأ يا علي، رهف مش هتدخل في الحوارات دي تاني. -علي: -رهف قوية وهي اللي هتساعدنا في الموضوع ده، ما عندناش حل تاني. -سليم: -أنا قولت لأ يعني لأ. -رهف وهي تنظر له بعند: -وأنا هساعدك يا علي. -سليم بعصبية: -رهف. -رهف: -إحنا متعرضناش لكل ده عشان نطلع في الآخر مش محققين أي حاجة. -علي:

-جاك دلوقتي عرف إنه يوصل لدكتور هنا ويعرف حادثة الاغتصاب بتاعتك، وعلى اعتقاد منه إنه خلاص وقع بينك وبين سليم. -اللي هيحصل بقى كالأتي: إحنا هنأكد له إنه وصل لشئ اللي بيخططله. -جاك من ضمن الحوار اللي سليم سمعه مع الدكتور إنه هييجي المستشفى النهاردة متخفي عشان يشوف الأمور زي ما خطط لها بالظبط ولا إيه. -وقتها إنتي هتطلعي قدامه وهتقفي قدام عربيته وهتقعي على أساس إنه خبطك، وهو أكيد عارفك شكلياً لأنه أكيد توصل لصورتك.

-بعدها هياخدك على البيت أو المستشفى، ودكتور عاصم هنا هو اللي هيروحله وهيقوله إنك فقدتي الذاكرة تماماً. -ومن خلال قعادك في البيت عنده هتعرفيلنا معاد الصفقة إمتى. (باااك) -سليم: -عرفت بقى إني أذكى منك شوية. -جاك وقد نظر إلى رهف الواقفة أمامه، ثم بخفة حركة جذب رهف أمامه ووضع السلاح على رأسها: -مش هسيبك تتهني بحبيبتك يا سليم، زي ما إنت دمرت حبيبتي. -رهف والدهشة تملكت كل ملامحها: -حبيبتك؟ -سليم بملامح

يكسوها الخوف على صغيرته: -جاك، بلاش تتهور وتروح في داهية أكتر. -أنا هعمل بالعيش والملح اللي كان بينا وهحاول إني أطلعك منها. -لأنك مش زي أبوك، إنت عمرك ما كنت زيه. -جاك بصراخ ومازال واضع سلاحه على رأس رهف: -أنا مكنتش أتمنى في حياتي إني أبقى زيه. -لاكن إنت المسؤول الأول عن كل ده يا سليم، فاهم؟ -سليم: -أفهم إنت، أنا بقالي سنين بفهم فيك وبقولك والله ما حصل حاجة من اللي وصلتلك يا أخي، صدق بقى. -جاك بصراخ:

-أصدقك إنت ولا أصدق الصور؟ -أنا شفتكم بالفيديو والصور بعيني في وضع مش تمام. -سليم بعصبية وصوت عالٍ للغاية: -يا غبي، أقسم لك إننا كنا متخدرين ومفيش حاجة حصلت، قسمًا بالله. -كل ده كان خطة من أبوك عشان يبعدنا عن بعض، لأنه كان عارف إن صحوبيتنا فيها خطر على شغله. -قعدت سنين بحاول أفهمك، وإنت ولا بتصدق. -وآخرتها لينا الغلبانة اللي مرمية في المستشفى لحد دلوقتي، مسألتش عنها حتى ولا فهمت منها اللي حصل.

-بلاش تودي نفسك في داهية. -علي وقد جاء من خلف جاك وسحب رهف من ذراعه، ثم صوب السلاح باتجاهه: -رهف بصراخ: -لااااااء يا علي، لاااء، سيبه. -جاك وقد جلس على الأرض كالطفل الصغير ووضع يده على رأسه. -ثم أتت رهف وجلست أمامه: -روحلها يا جاك، روحلها وهي هتسمعك. -جاك وهو ينظر إلى رهف وعيناه مليئة بالحزن والدموع: -تفتكري هتسامحني بعد السنين دي كلها؟ -رهف: -إحنا مفيش أطيب من قلبنا لما بنسامح، ومفيش أقسى مننا لما بنعاقب.

-روحلها، يمكن تسمعك، وخلي عندك أمل. -أنجدها من اللي هي فيه، هي محتاجاك أكتر من أي حد. -طلعها من اللي هي فيه، وبعدين سيبوا العتاب لبعدين، ماهو أكيد هتتعاتبوا. -جاك: -ليه وثقتي فيا؟ وما خفتيش إني أأذيكي؟ -رهف: -مكدبش عليك، كنت خايفة منك في الأول. -بس لما شفت الحنية اللي في عينيك واهتمامك بيا وأنا تعبانة، عرفت إن اللي زيك الشر والأذى مش من طبعهم أصلاً.

-سليم وعلي قالولي إنك لو روحت شهدت بكل الجرايم اللي والدك عملها وسلمت كل المخازن اللي هنا، هتطلع منها. -والصفقة اللي اتصورت صوت وصورة مكانتش جايباك، عشان هما عارفين نيتك طيبة قد إيه. -علي: -تعالي معايا عشان نخلص الإجراءات. -سليم: -إنتي كويسة؟ -رهف: -إنسانة. -سليم: -لو نسيت روحي، هعرف أنساكي. -رهف وقد تجمعت الدموع في عيناها، ثم نظرت له وقالت: -بس أنا مش هقدر أسامحك. -ثم تركته وذهبت. -علي:

-سيبها يا سليم، هي محتاجة تريح أعصابها شوية من كل اللي حصلها، وبعدها ابقوا اتكلموا. -ثم استدار سليم ليذهب. -جاك: -سليم. -سليم: -....... -جاك: -مش عزت اللي قتل أبوك، اللي قتل أبوك هو جدك.