رواية لعلك منجدي الفصل الأول 1 - بقلم شهد محمد

كانت نايمة مثل الملائكة وتصحى من النوم بفزع على صوت مرات عمها. هبة: قومي يا أختي أنتِ لسه نايمة. جميلة: صباح الخير يا مرات عمي. هبة: صباح الزفت على دماغك، قومي روقي وحضّري الفطار واعملي حسابك جايلك عريس ياخدك وتغوري من وشنا. وضربتها: عارفة لو ما جبتيش العريس أنا هعمل فيكِ إيه وقتها؟ برجلها وطلعت. جميلة بدموع: آه.

أحكيلكم حكايتي، أنا جميلة عندي 20 سنة، قاعدة مع عمي ومراته، بابا وماما متوفين ومليش حد. أنا غاية في الجمال ويمكن ده اللي مخلي مرات عمي كارهاني. عندها بنت وولد، إسلام ومي في سني. نرجع للواقع الأليم. نزلت من أوضتي حضرت الفطار وروّقت البيت وهما بدأوا يفطروا. وأنا بفطر في المطبخ زي الخدامة، بيعاملوني زي الخدامة. قبل ما أحط الأكل في بوقي سمعت عمي. سامي: أنتِ يا زفتة هاتي كبايتين مية. جميلة: اتفضل يا عمي.

سامي: هاتي وغوري من وشي. يعدي الوقت ويجي الليل. سامي: اجهزي يا زفتة. وأنتِ يا مي اديها فستان من فساتينك، بخت ده كمان ما يهربش منها. مي بضيق: لا طبعًا، عمري ما هلبس مكانها دي مقرفة. إسلام: أنا جبتلك فستان يا جميلة، البسيه. جميلة: شكرًا يا إسلام. مي: شافت الفستان وعجبها، شدته من إيدها وقالت: لا ده خسارة فيها، خدي البسي ده هو قديم بس يليق بيكِ. إسلام بعصبية: فستان جميلة وهي هتلبسه فاهمة؟ مي: لا يعني لا، دي خدامة عندنا.

إسلام ضربها بالقلم وقال: بنت عمك ما تقولش كده عليها. وشد الفستان وعطاه لجميلة: ادخلي البسيه. جميلة: بس... إسلام: يلا يا جميلة. دخلت أوضتي وبدأت أدمع، إسلام ده الوحيد اللي بيخاف عليا، مش بيحسسني بالغربة. وبدأت تجهز. مي: ماما ماما! هبة: في إيه؟ مي: إسلام ضربني عشان جميلة. هبة بنرفزة: مش عارفة طالع خايب لمين الواد ده بس وحياتك لأعرفها قيمتها. في مكان تاني أشبه بقصر، يلبس بطلنا أشيك ما عنده ويعطر نفسه.

تدخل عليه بنوتة: حوس حوس. جايدا: إيه الأناقة دي؟ إيه الشياكة دي؟ يحضنها: عقبالك يا أوزعة، أمتى هتتجوزي وأرتاح منك؟ جايدا بابتسامة مرح: لا قاعدة على قلبك. وطلعت لسانها وجرت وقفت عند الباب: يلا يا عريس بابا مستنيك تحت. حسام: يلا يا أوزعتي. بعد وقت يوصلوا عند عروستنا. دق دق. فتح إسلام الباب. اتفضلوا، وحضن حسام: اتأخرت يا صاحبي. حسام: معلش بقى. سامي: أهلًا يا جماعة اتفضلوا. عند جميلة في الأوضة.

مرات عمها بتقرصها: عارفة لو رفضك هعمل فيكِ إيه؟ هو آه على قد حاله وبخيل بس ده اللي يليق بيكِ. جميلة موجوعة. مي: ماما ماما! العريس بره وشكله غني أوي، ولا العربية اللي جايين فيها ولا الهدايا واو واو! هبة بصدمة: إيه غني؟ لا بقولك إيه العريس ده من نصيبك أنتِ. كل ده تحت نظرات جميلة. خدي اطلعي بالعصير. هبة لجميلة: وأنتِ تفضلي هنا فاهمة؟ هبة: تعالي يا عروستنا. دخلت مي بالعصير. حسام بصدمة: فين العروسة؟ هبة: العروسة أهي.

حسام وقف وبص لإسلام. إسلام: مش دي العروسة.