رواية لعلك منجدي الفصل السادس 6 - بقلم شهد محمد

عند هبه. الباب خبط بخضه من شكل ابنها. هبه: اسلام، انت جيت؟ اسلام بعصبيه: ليه عملتوا فيها كده؟ هبه: بعدين، المحروسة نزلت مع حسام بإرادتها. اسلام بعصبيه: ليه عملت فيكم إيه؟ مي: بكرهها، واهي غارت من وشنا. اسلام ضربها بالقلم وقالها: انتي تخرسي خالص. هبه بعصبيه: بضربها عشان حتة بنت لا راحت ولا جات خدام. اسلام بعصبيه: جميلة عمرها ما كانت خدامة، انتوا اللي عملتوا فيها كده. تعرفوا، انتوا لو مكنتش أهلي كنت بلغت عنكم.

هبه ضربته بالقلم: دي آخرة تربيتي فيك. اسلام بعصبيه: في كل لحظة كنت بشوفكم بتعملوا فيها حاجة، كنت بتقطع من جوايا. تعرفي، أنا بحبها وبعتبرها أمي واختي عشان ملقيتش الحنية غير معاها. والحمد لله إنها بكره تفرح وترتاح منكم. اسلام وبيبص لأمه: على فكرة، كل حاجة عملتيها في جميلة هتشوفيها. لو مشفتهاش في بنتك، هتشوفيها في مراتك. اتقي الله بقى. وسابها ومشى. هبه قعدت بذهول: معقول ده ابني؟ معقول بيكلمني بالطريقة دي عشان خدامة؟

مي بحقد: وحياة يا أمي، لأخليها تندم. عند جميلة. جميلة بتفوق. جميلة بخضه: أنا فين؟ حسام: جميلة، انتي كويسة. جميلة: أه، أنا فين وإيه اللي جمبي هنا؟ حسام: أهدي يا حبيبتي. جميلة بدأت تفتكر وبدأت تعيط. حسام بيمسح دموعها: مبيلقش عليكي الدموع. وعديني إنك تبتسمي على طول. واجهزي بقى يا عروسة، فرحنا بكره. وغمز. جميلة بكسوف: ممكن تسبني أرتاح شوية؟ حسام: طبعاً يا حبيبتي. أنا نازل. انتي هتنامي هنا الليلة، وبكره هنروح بيت العيلة.

وباس دماغها. نازل: وجاي مش هتأخر عليكي. جميلة قامت تتفرج على الشقة: أدي إيه ذوقه جميل. في مكان ما. حسام قاعد على البحر. حس بأيد على كتفه. اسلام: كنت عارف إنك هتبقى هنا. حسام بعصبيه: انت إيه جابك؟ مش كفاية اللي أهلك عملوه في جميلة. اسلام بهدوء: أنا أسف، ممكن تسامحني يا صاحبي. أنا عارف إن أهلي غلطانين، وعارف إنك معملتش فيهم حاجة عشان العشرة. بس بوعدك إنها مش هتشوفني تاني. وخلي بالك منها، دي أغلى حاجة عندي. وقام يمشي.

حسام بهدوء: طب ومين هيسلملي عروستي غيرك يا صاحبي؟ اسلام بفرحه: مش زعلان مني؟ حسام: منك لا، بس من أهلك عمري ما هسمحهم. اسلام بحزن: ربنا يخليكم لبعض. بس جميلة فين؟ حسام: وانت مالك؟ مراتي وأنا حر. اسلام: يبقى أكيد في شقة الزمالك صح؟ حسام: انت الوحيد اللي فاهمني. اسلام: أسيبك يا صاحبي، وابقى سلملي على جميلة. وطلع يجري. حسام: يا ابن المجنونة. عند جميلة. قاعدة سرحانة. لقت حسام بيفتح الباب. جميلة: أنا جعانة.

حسام بضحك: عامل حسابي وجبتلك أكل. وبدأوا ياكلوا. جميلة: ممكن أسألك سؤال؟ حسام: اسألي. جميلة: انت عمرك حبيت قبل كده؟ حسام: الصراحة لأ، عمري ما حبيت ولا هحب غيرك إنت يا جميلة. جميلة: طب أنا شبعت. جميلة شالت بقية الأكل وحسام كان بيساعدها. جميلة كانت واقفة في المطبخ وفجأة حست بإيد بتضمها ليه. جميلة بإحراج: حسام، انت بتعمل إيه؟ حسام بتوهان: مراتي. جميلة: ابعد يا حسام. حسام لفها ليه وبقى وشها ليه.

حسام بيبص لشفايفها: قوليها تاني. جميلة بإحراج: حسام، ابعد عني. حسام بيقرب من شفايفها وبدأ يبوسها. جميلة بدأت دموعها تنزل و...