رواية لعلك منجدي الفصل الثالث 3 - بقلم شهد محمد

تقوم جميلة من النوم على صوت تلفونها. جميلة: صباح الخير. حسام: صباح الجمال. بقولك اجهزي عشان ننزل نجيب خاتم الخطوبة. جميلة: قولت لعمي. حسام: اه اجهزي بقى وأنا شوية هاجي اخدك. جميلة: تمام. عند سامي وهبه. سامي: ابقى انزلي مع جميلة. هبه: طيب يا أخويا. أما نشوف آخرتها. في فيلا الشناوي. عايدة بقرف: مبروك يا حسام. حسام: الله يبارك فيكي. أنا نازل يلا بااي. جنى بدموع: ماما شوفتي هو عارف إني بحبه إزاي يفصل عليا واحدة تانية.

عايدة: معلش يا قلب أمك. حسام مش هيبقى لغيرك. عند جميلة. هبه: جهزتي يا وش الفقر. جميلة تصلها من غير رد. الباب خبط. هبه: يلا يا بومة. فتحت الباب. هبه: أهلاً يا حسام عامل إيه. حسام: بخير. جهزتوا. هبه: اه. يلا. مي بخبث: ماما أنا جاية معاكم. كانت لابسة فستان قصير وفرده شعرها. قربت من حسام وقالت بصوت رقيق: عامل إيه. حسام: بخير. نزلوا عند سيارته من أفخم السيارات. مي جات تركب جنب حسام. بتبص لجميلة.

حسام: معلش يا أستاذة مي ده مكان جميلة. مي بغيظ بس. حسام: فتح الباب وقال اتفضلي يا أميرتي. جميلة بصتله بكسوف وبصت لمرات عمها. مرات عمها شورته لها. جميلة قالت: لا أنا أعد ورا. حسام بص لمرات عمها وقال: يلا حبيبتي كده هنتاخر. جميلة ركبت وركبت وراها مي وأمه. بعد وقت وصلوا محل الصاغة. الراجل: وراهم تشكيلة خواتم. جميلة اختارت واحد. مرات عمها: لا ده أجمل. حسام: اللي جميلة تقولي عليه هاتوه ده.

وبدأوا يختاروا شبكة غالية قوي وكلها على ذوق حسام وجميلة. خلصوا. مي قربت من حسام وعملت نفسها هتقع ووقعت في حضنه. جميلة بصت لها بغيظ. مي: آسف يا حسام مكنش قصدي. وغمزت لجميلة. حسام: ولا يهمك. بعد وقت وصلوا لبيتهم. حسام: معلش يا طنط بس هاخد جميلة مشوار مش هنطوله. هبه بنرفزة: ماشي. طلعوا. مي بغيظ: ماما الجوازة دي لازم تبوظ وأنا هعملها بطريقتي. هبه: أما نشوف آخرتها. عند حسام وجميلة. حسام: تحبي تروحي فين.

جميلة: أي مكان هادي. حسام: احكيلي بقى عنك شوية. جميلة بتوتر ودموع: عايز تعرف حكايتي. حسام: يا ريت. جميلة بدموع: أنا يا سيدي اتولدت ملقتش حد جنبي. لا أمي ولا أبويا. وحيدة. عمي ومرات عمي اللي بتشوفهم تقول بمثابة أمي وأبوي. وأكملت بدموع: بيكرهوني مش عارفة ليه.

وبصتله وقالت: هو أنا وحشة قوي كده عشان يكرهوني بالشكل ده. أنت تعرف كان بيجي عليا وقت بتدعي ربنا ياخدني. آه والله. عايشة خدامة وفي ذل. انت تعرف إني مبعرفش أنام بخاف قوي. وأنام في الضلمة. عمي يجي كل يوم وقت النوم يقطع النور عن غرفتي. وبصتله وكملت: حسام أنا حاسة إني وحشة. أنت تستاهل حد أحسن مني. حسام مصدوم وبخنقة: كل ده جواكي. ومسك إيدها وقال: عمري ما هسيبك. بس إسلام عمره ما حكالي حاجة زي دي.

جميلة: إسلام ده يعتبر أبويا واخويا. هو الوحيد اللي كان بيقف جنبي. هو اللي كان بيطمني.