رواية لعنة الحب الفصل العاشر 10 - بقلم حبيبة نادي

عز رجع القصر. عز بصوت جهوري وغاضب: ملللللللللك ي ملللللللللك. ملك: إيه ي عز. عز: إنتي إزاي تتجرأي وتتكلمي عن مراتي، مين اداكي الحق؟ الكل مصدوم. ملك: وأنا اتكلمت عليها فين؟ عز: بلاش كدب، الحقيقة ظهرت. ملك: حقيقة إيه؟ عز: إنك إنتي اللي عملتي المسخرة دي، إنتي اللي عملتي الصور لروفان، وإنتي اللي نشرتي الخبر في الجريدة. عز: ولا هتنكري؟ ملك بصدمة: إنت بتقول إيه؟ عز: خلاص لعبتك اتكشفت، مفيش داعي للتمثيل. الجد:

أكيد في غلط ياعز، ملك متعملش كده. عز: لأ يجدي، أنا اتأكدت بنفسي. ريم ومنار: لأ أكيد هيا، هيا أصلاً بتكره روفان. ملك: هههههههههه. الكل بص لها بجمود. ملك: طالما لعبتي اتكشفت ومفيش داعي للكدب والتمثيل، أيوه أنا اللي فرّبت الصور لروفان، وأنا اللي قلت للصحفي ينشر الأخبار والصور في الجريدة، لأني أنا بحبك، بحبك، وإنت غلطت غلطة عمرك لما اتجوزت من روفان. بس كان لازم انتقم. وفجأة عز قرب عليها وضربها بالالم. الجد:

عز إيه اللي إنت عملته ده، إحنا من امتى بنضرب الستات؟ عز: وهي لما تغلط في مراتي أنا أسكت لها؟ ملك: عز إنت نسيتني كده، أنا حبيبتك ملك، أنا ملك. عز: حبيبتي إيه، هو إنتي صدقتي يعني عشان كنت بحترمك وبعاملك كإنك أختي بقيتي حبيبتي؟ لأ ياماما، فوقي لنفسك. روفان قربت على ملك بدموع: أنا عملت لك إيه عشان تفضحيني وتعملي فيا كده، حرام عليكي، حرام عليكي، ليه تعملي فيا كده؟ عز:

قرب من روفان وحضنها. خلاص خلاص، أهدي. مفيش داعي للكلام مع واحدة لأ بتحس ولا بتفهم زيها. وأنا آسف، حقك عليا إني جبتها هنا وعرضتك لموقف زي ده. الجد: اطلعي من البيت ده فوراً ومش عاوز أشوفك هنا تاني. ويخسارة إنك بنت أقرب صديق ليا، بس للأسف ما عرفش يربي. عز: قبل لما تمشي، قولي لأبوكي الشراكة اللي بينا انتهت. ملك طلعت تجيب أغراضها من فوق، وهي ونازلة: والله والله لهنتقم منكم كلكم، واحد واحد. ومشت. الجد:

شوفوا، أنا قلت لكم روفان مستحيل تعمل كده. عز: بص لروفان بصة تحمل معاني كتيرة أويي، ندم وحب وشوق. الكل طلع على أوضته، عند عز وروفان فوق. عز: روفان، إحنا اتجوزنا لسبب. روفان: السبب ده انتهى، يعني إنت كده هتطلقني؟ عز: لأ، مستحيل إني أطلقك، مش عارف، أنا حاسس ناحيتك إحساس غريب، أول مرة أحسه، من أول يوم شفتك فيه وأنا حسيت باتجاهك بمشاعر مش عارف أحددها إيه هي. روفان: أنا هقول لك حاجة. عز: اتفضلي. روفان:

على فكرة يا عز، أنا بحبك. أنا بحبك من زمان أوي، من وإحنا أطفال. عز اتصدم. عز في نفسه: معقول بتحبيني كده وأنا مش واخد بالي، دا أنا طلعت غبي أويي. عز: وإنتي مش خايفة إنتي وبتعترفيلي كده؟ روفان: لأ مش خايفة، طالما أنا بقيت معاك ما بخافش من أي حاجة، بحس معاك بالأمان. عز: طيب، أنا مش عارف مشاعري تجاهك إيه، اديني وقت، بس كل اللي أعرفه إنك شخص مميز في حياتي. روفان فرحت أوي إن عز بيعتبرها شخص مميز في حياته.

بعد شوية كانوا أخدوا شاور، وراحين يناموا. روفان: عز تعال نام على السرير ده، بيكفي اتنين. عز: تمام، مش هضايقك يعني. روفان: لأ. عز نام، وروفان قربت منه وحطت راسها على صدره وناموا هما الاتنين على السرير. بعد تلات شهور. كان عز وروفان قربوا من بعض أكتر، وعز حب روفان واتعلق بيها أويي. اليوم ده كان خطوبة ريم وآدم. فوق عند روفان وعز. روفان واقفة قدام التسريحة وبتلف الحجاب. عز جه من وراها وحضنها وباس رقبتها. عز:

اممم، إيه القمر ده، دا أنا كده أخاف عليكي من العين. روفان: بطل رخامة بقى وابعد عشان أخلص. عز: بقا أنا رخمة؟ روفان: مش قصدي. عز: لأ، أنا زعلت. روفان: بس بقى. عز: لأ، عاوزك تصالحيني. روفان: أوك. وروفان قربت من عز وعز غمض عينه، وروپان عطته بوسة في خده وجريت بسرعة على تحت. عز فتح عينه: آه يبنت الـ... مش هتهربي مني الليلة. وقام نزل. والحفلة كانت شغالة، وريم وآدم لبسوا الخواتم. في الحفلة وبدأوا يرقصوا. عز:

تسمحي لي بالرقصة دي؟ روفان: أوك. عز وروپان كانوا بيرقصوا ومنسجمين جداً، والأنظار كانت عليهم. زينب ونادية: شوفي شكلهم، الأولاد حبوا بعض، مين كان متخيل إنهم هيبقوا كده. عند منار ووليد. وليد: أنا خلاص هقول لعز، مش قادر أستنى. منار: إيه؟ وليد: مش قادر خلاص، أنا هخطبك رسمي ولازم نعمل حفلة كبيرة كده. منار: شوف بابا وأبيه عز. وليد: حاضر ياقشطة. منار: وليد اتلم، إحنا لسه قرينا فاتحة بس. وليد:

ههههه، م كده اعتبريني خطيبك يستي. منار: إنت رخيم صح. وليد: ماشي. بعد شوية. روفان كانت واقفة مع مامتها ومامت عز. وجه عز. عز: اممم، شايفكم مبسوطين. زينب: مننبسطش ليه، م النهارده عندنا حفلة، ولا ممنوع؟ عز: والله مقصدي ياحماتي، وغمز لروفان. زينب: بطلت تقولي يمرات عمي وبقيت تقولي حماتي. عز قرب من روفان وقال لهم: ما إنت جبتيلي أغلى حاجة في الدنيا، وباس إيد روفان، وهي كانت خجلانة أويي. عز:

هستأذن دقيقة، أنا بقى عاوز مراتي في حاجة، واخدها ومشي. زينب ونادية: ربنا يحميهم من العين يااارب. انتهى.