رواية لعنة حبه الفصل العشرون 20 - بقلم جنى محمد

بدر شد جنى من وسطها وباسها كأنه بيطلع عصبيته فيها. بدر بيبعد عنها وبيلاقي أضواء عربيات بتقرب وجنى مسكت إيد بدر. العربيات وقفت ونزل منها شخص مش باين ملامحه. قرب أكتر منها وقال: Hello mr and mrs Badr Elrifa'y. بدر بصدمة: بيتر!! الخواجة بيتر واقف وحواليه رجّالته وكلهم مسلحين. جنى بتعيط ومكياجها اتبهدل والكحل ساح من حوالين عينها وبدر ماسك إيدها وقال: انت مش هتستفاد حاجة من موتنا يا بيتر ولا حتى بضاعتك هترجع. بيتر ولّع

سيجارة وقال: وانت تفتكرني بالغباء ده. بدر: طيب انت عايز ايه مني دلوقتي؟ بيتر: تحط إيدك في إيدي. بدر بتسرع خوفاً على جنى: موافق.. موافق. وفجأة بيخرج شخص من العربية وقال: بس ده مش اتفقنا يا ريس. بدر: سامر! سامر ماسك سلاحه وموجهه ناحيتهم: أنا بكرهكم كره انتوا متتخيلين إني ممكن أنسى اللي حصل فيا وكرامتي اللي راحت.. مش سامر اللي يحصل معاه كده. بيتر طلع مسدسه وضرب طلقة في دماغ سامر مات في وقتها.

جنى صوتت وهي بتغمي عينيها بإيدها. بدر بخضة من المشهد ولكن مبينش وفضل ثابت وقال: اتفقنا يا بيتر.. ممكن نمشي بقا عشان الجماعة معايا. بيتر باص لجنى وقال: أوي أوي. بدر مسك جنى وركبها وجاي يركب بيتر صده وقال: متحاولش تعمل فيها حويط يا بدر. بدر ركب العربية ومشى. جنى بإنهيار: انت كلب وخسيس وأقذر بني آدم شفته على وجه البشرية كلها. بدر وقف

العربية ومسك دراعها وقال: بصي بقا مش معنى إني ساكت إني مش هقدر عليك، اخرسي بقا بدل ما أوريكي اللي عمرك ما شوفتيه. جنى: أيوه اظهر على حقيقتك يا بتاع العصابات يا مافيا. بدر: عصابات ومافيا عظيم أوي جبته لنفسك. بدر مسكها من ورا راسها وخبطها في تابلوه العربية وساق العربية واتصل على سليم ولكن مردتش بعتله رسالة صوتية وقال: يا ريو أول ما تفوق ما غيبوبتك دي حصلني على فيلا المعادي. صباح تاني يوم.

بدر بيدخن سيجارة وقميصه كان مفتوح زراريه كلها. جنى بدأت تفوق بتعب وحاطت إيدها على رأسها وافتكرت اللي حصل وبدأت تعيط قامت وقفت وقالت: انت اتجننت انت بتضربني وكمان خطفني! بدر قرب منها بهدوء: مش هو شغل مافيا أنا هوريكي بقا المافيا على أصولها.. وبعدين يا حلوة هو في واحد يخطّف مراته؟ جنى ترجع لورا بخوف: خليك بعيد عني، انت شخص سايكو. بدر: أنا مش هبعد.. قولتلك أنا وحش. جنى بعياط: انت متناقض، انت إنسان مش سوي، انت حيوان.

بدر رفع إيده علشان يضربها بالقلم ولكن فضلت إيده في الهوا لما لاقاها غمضت عينيها. بدر اتكلم بهدوء: للأسف قدرك هو قدري طالما اسمك مكتوب على اسمي. جنى: أنا بكرهك بجد، أنا بقيت بكرهك. بدر مسك إيدها ولواها وقال: لو قولتيها تاني هموتك. بدر زقها على السرير وفتح الباب وقفل وراه. جنى بتمسك إيدها بألم وبتعيط في صمت. في المساء.

بدر كان شارب وحالته صعبة وافتكر اللي عمله في جنى واللي حصل مع سامر وضعفه الظاهر قدام الخواجة بيتر وكان حاسس بتأنيب الضمير مسك رأسه بغضب وراح ناحية كورنر مخصص للمشروبات الكحولية زي بار صغير وخلع قميصه ونكش شعره وكان عينه حمرا.. بدأ يشرب وقال بصريخ: هو أنااااااااااااا بعمل في نفسي كده لييييييييييه خسرت كل الناس اللي بحبها. وكسر الكوباية بإيده وإيده اتعورت. الجرس رن قام بدر وكان ماشي بعدم توازن.

فتح بدر الباب لقى بنت لابسة قصير وبتنفخ اللبانة وبتفرقها بلسانها وقالت: وحشتني يا بدر بيه. جنى كانت واقفة من بعيد بتشوف اللي بيحصل. بدر تخيلها إنها جنى وقرب منها وباسها. جنى دموعها نزلت بقهر. البنت بمياعة: يا بدر بيه أنا حامل. جنى أغمى عليها واتزلقت من على السلم ونزفت و...