رواية لعنة حبه الفصل الحادي عشر 11 - بقلم جنى محمد

بدر جاه يفتح الباب كان مقفول بالمسوجر. ضحك سامر وقال: أصلهم عاملين المسوجر عشان الأطفال. يعقوب صاحب سامر سرّع من سرعة العربية. بدر مسك إيد جنى وقال: بتثقي فيا؟ جنى بلعت ريقها وقالت: آه. بدر: اقعدي على رجلي! جنى بصدمة: أنت سافل في أوقات غلط كمان. بدر بجدية: اسمعي كلامي. جنى قعدت على رجل بدر، وبدر استجمع كل قوته ورمى نفسه على الباب لغاية ما اتكسر ووقع بدر وجنى في حضنه، وعربية كانت بتتحرك.

بدر اتألم من جرحه، وجنى اتعورت في رجلها وبدأت تنزف. قام بدر بتعب وبص على العربية لقاها وقفت. بدر قال بزعيق: قومي بسرعة. جنى ساندت عليه وقامت وبدأت تعيط من شدة الألم. بدر شالها وجرى بيها بسرعة. عند سامر. سامر ضرب إيده بقوة في تابلوه وقال ليعقوب: أنت وقفت ليه! يعقوب: العربية خلصت بنزين. سامر سحب مسدسه ونزل من العربية، ويعقوب نزل وراه. بدر دخل شوارع متفرقة وكان شايل جنى. بدر بدأ يتعب فقالت جنى: نزلني يا بدر أنا كويسة.

بدر بتعب: متأكدة؟ جنى بهدوء: أيوه يا بدر. بدر نزلها وحس بحركة، مسك إيدها وجريوا. جنى بتبص على بدر اللي بينهج من التعب ووقف فجأة وقال: إحنا لازم نفترق. جنى مسكته إيده بخوف وقالت: ارجوك يا بدر متسبنيش. بدر: أنا هشتت انتباههم وأنت تجري، ولو مجتش روحي بلغي البوليس. جنى: أنا مش هسيبك يا بدر. بدر طبطب عليها وقال: يلا يا جنى مفيش وقت، اجري.

جنى جريت وبدر دخل شارع جانبي، ولكن المشكلة أنه شارع مسدود. ولف ليرجع بسرعة يلاقي يعقوب قدامه ومعاه سلاح. بدر يبص حوله يلاقي عمارة وبابها مفتوح، يدخل بسرعة ويركب الأسانسير قبل ما يعقوب يمسكه، وهو طلع بسرعة على السلم. بدر وصل لسطح العمارة وبص على فرق المسافة بينها وبين سطح العمارة التانية، وكان بيرجع لورا استعداد لينط. ويخبط في يعقوب وكان هيمسكه. ضرب بدر يعقوب بقوة ووقع منه المسدس. فمسكه بدر وقال: سليم عايش ولا مات؟

يعقوب مردش عليه. بدر ضرب بالبوكس وقال: انطق بدل ما أخلص عليك. يعقوب بلع ريقه وقال: سليم عايش. جنى بتجري في شوارع وهي مش عارفة هتروح فين. وقفت تنهج من التعب، بتلاقي حد بيخبط على كتفها. بتلف وتلاقي سامر واقف وماسك مسدس وقال: حبيبتي الجميلة. جنى بتعب: ارجوك يا سامر اعقل. سامر: كان كل حلمي تحبيني. جنى: أحبك! كل مقابلتنا تتعد على الصوابع، امتى حبتني؟

سامر: عارفة الحب من أول نظرة. وبعدين سليم الغبي كان دايماً يحكيلي عنك وعن ذكائك وطيبة قلبك. سامر وجه المسدس اتجاه جنى وقال: دايماً قبل ما يحصل الإعدام بيسأله المجرم عن آخر طلب له، بس أنا هجاوبك على سؤالين. جنى بلعت ريقها وقالت: سليم عايش ولا ميت؟ سامر: عايش، أنا حبسه في المزرعة القديمة، أظن أنت عارفاها. جنى برعب: هتعمل إيه لما تموتني؟ سامر: هموت نفسي وراكي عشان نبقى زي روميو وجولييت. سامر عَمّر

سلاحه وقال: أنا كده جاوبتك على سؤالين. جنى بعياط: ارجوك بلاش! سامر: أنا ممكن أعفي عنك. جنى: طب إزاي؟ بدر كان بيجري ومعاه مسدس وهدومه ملتخة دم، ودخل شارع وشاف سامر حاضنها والمسدس في ضهرها. جري بدر ناحيتهم وزق سامر بكل قوته، وقعه على الأرض ووجه سلاحه وكان هيضربه. جنى صوتت وقالت بعياط: استنى يا بدر ارجوك... بس كان فات الأوان وصوت طلقات المسدس كانت سيدة الموقف.