رواية لعنة حبه الفصل الثاني عشر 12 - بقلم جنى محمد

بدر شاف سامر حاضن جنى والمسدس في ضهرها. جري بدر ناحيتهم وزق سامر بكل قوته ووقعه على الأرض ووجه سلاحه وكان هيضرب عليه. جنى صوتت وقالت بعياط: استنى يا بدر أرجوك. بس كان فات الأوان وصوت طلقات المسدس كانت سيدة الموقف. سامر وقع على الأرض ونزف. جنى جريت على سامر وقالت: ليه يا بدر؟ لييييه؟ مكنش هيموتني. بدر بغيرة: خايفة عليه هاااا!!! جنى جريت عليه وحضنته وقالت: يا بدر انت عارف إني بحبك بلاش أسلوبك ده.

بدر: طب يلا سليم في خطر ولازم نلحقه. جنى: هو موجود في المزرعة بتاعة باباهم. بدر: طب يلا بسرعة. جنى: لازم ناخد سامر. بدر بص لها بصدمة وقالت: ده لسه فيه الروح... عشان خاطري يا بدر. بدر ببرود: ماشي يلا. عند الخواجة. -يا باشا وإيه منخلصش على بدر ونخلصنا. الخواجة بيشرب من الكاس بتاعه: بدر ميتأذيش. أنت ناسي إن بدر مخبي شغله الوسخ كله في حوار الاستيراد والتصدير. -شغل إيه يا باشا. الخواجة: شغل مافيا. -ده إزاي ده يا باشا.

الخواجة: بدر ذكي وأصحابه دول شغالين وعاملين عصابة صغيرة. بدر سايق وجنى قاعدة جنبه وسامر نايم ورا وبينهج. بدر سايق بسرعة وقال: لو عليا كنت أدفنك. يعني حاضن مراتي وكمان عايز تموتني. جنى بملل: يا بدر إحنا في إيه ولا إيه... مش وقته الكلام ده. بدر: صابرك عليا يا سامر الكلب.. عارف لو سليم حصل له حاجة مش هيكفيني موتك. بعد فترة وصلوا قدام المزرعة وجنى نزلت جري وبدر وراها. جنى وقفت لما لقت الباب مقفول بالقفل.

بدر قال: ابعدي كده يا جنى. مسك بدر فاس وجرى ناحية الباب وكسر القفل بالفاس. دخلت جنى لقيت سليم مرمي على الأرض ومضروب رصاصة في رجله. جنى صوتت وجريت وقالت بعياط: سلييييم. جنى قعدت على الأرض جنبه وقالت: قوم يا سليم عشان خاطري. بدر وقف مصدوم وراح ناحيته ولقى ماية. حط شوية ماية في إيده وحطهم على وش سليم. سليم بدأ يفوق وبيكح دم. جنى بفرحة: سليم عايش يا بدر. سليم بتعب: جنى. بدر شالها وقال: يلا يا جنى لازم نطلع على المستشفى.

سليم بتعب: لا يا بدر عشان التحقيق.. اطلع على البيت وانت شيل الرصاصة. بدر حط سليم ورا جنب سامر المغمى عليه وهو قعد مكان السواق وجنى قعدت جنبه. سليم بتعب: سامر ملهوش ذنب يا بدر... أبويا السبب! إحنا لازم نوقف شغلنا ده يا بدر. جنى قالت بإستغراب: ماله شغلنا يا سليم؟ سليم: أصلنا بنشتغل تبع مافيا. جنى بصدمة: ماااافيا.