رواية لعنة حبه الفصل الخامس عشر 15 - بقلم جنى محمد

فتح بدر الرسالة ولقى صور لجنى في وضع مخل. بدر راح لجنى اللي كانت بتدور على بنطلون ومسكها من إيدها وقال: "إيه ده؟ جنى شافت الصور وبلعت ريقها وقالت: "هشرحلك." بدر بص لها بصدمة ومسكها من إيدها وشدها. الناس بتتفرج عليهم وجنى قالت بدموع: "يا بدر براحة الناس بتتفرج." بدر مكنش مركز في حاجة وطلع برا المول وركب العربية. جنى قالت برعب من شكله: "استنى يا بدر انت مش فاهم." بدر بعصبية: "أفهم إيه؟

مراتي لابسة مايوه بيكيني ومتصورة في حضن شاب." جنى طلعت موبايلها وطلعت نفس الصورة ولكن والدها اللي كان حاضنها وقالت بعياط: "الصورة دي متفبركة وبعدين الصورة دي من آخر سفرية مع بابا قبل ما يتوفى وده كان في الشاليه بتاعنا ولذلك بابا مرضاش يرفض إني ألبس بيكيني عشان مكنتش هنزل البحر." بدر مسك إيد جنى وقال: "أنا آسف مقدرتش أمسك غيرتي."

جنى سحبت إيدها وقالت: "لأ يا بدر انت شكيت فيا وبعدين أنا عايزة أعرف الصور دي وصلت إزاي وأنا منزلتهاش على مواقع التواصل الاجتماعي بتاعتي." بدر بشك: "مش عارف بس أنا مش هسكت... ارجوكِ بقا متزعليش مني." جنى بعياط: "أنا عايزة آكل بيتزا طيب." بدر بص لها بذهول وقال: "بيتزا! أمري لله حاضر." بعد فترة. جنى قاعدة بتاكل بيتزا بإستمتاع. بدر بيبص عليها بذهول من تغير حالتها وقال: "هو مش أنتِ من شوية قولتي إنك تخنتي؟

جنى كان في بواقي صلصة حوالين بوقها وماسكة قطعة من البيتزا وقالت: "يعني أنا بجد تخنت! بدر قرب منها وباسها مكان الصلصة اللي جنب بوقها وقال: "أنتِ قمر في كل حالاتك يا جنى." بدر مسك تليفونه وقال: "كملي أكلك وأنا هعمل مكالمة تليفون وجاي." بدر نزل وكلم سليم. سليم رد وقال: "إيه يا عم الحبيب أخبارك؟ بدر: "تمام بقولك هبعتلك رقم تليفون عايزك تجيب قرار أمه." سليم: "بسيطة عقبال ما تيجي يكون الحوار خلص." بدر: "تسلم يا صاحبي."

بدر رجع العربية لقى جنى خلصت أكل وبتشرب العصير فقال: "يلا بينا هنروح." جنى بنعاس: "تمام ابقى صحيني لنا نروح." بعد فترة. بدر قاعد وسليم وسامر حواليه وجنى نايمة على الكنبة. فقال سامر: "براحة علينا يا بدر يعني انت عايزني أمثل إني سليم." بدر: "الله ينور عليك بتفهم." سامر: "ثواني والخواجة مش هيشك فيا وبعدين لما أنا أمثل دور سليم هو هيعمل إيه... وانت عرفت إزاي إني مش سليم؟

بدر ابتسم وقال: "بكل بساطة سليم معندوش وحمة في إيده اليمين بس أنت عندك... وبعدين انت مستعجل ليه يا سامر على التفاصيل؟ سليم: "وانت من امتى بتهتم بالتفاصيل دي يا بدر." بدر بيشرب قهوته وقال: "طول عمري يا سليم." سليم: "واضح إن جنى بس اللي اتغيرت." بدر بإستغراب: "إزاي؟ سليم: "جنى اتغيرت بشكل كبير بعد وفاة أبوها متنساش إنه كان أقرب حد ليا وبعدين جنى عمرها ما هتكون دي ردة فعلها على موضوع الصور." بدر

باص لجنى اللي نايمة وقال: "بقولكم أنا متأكد إنه الخواجة اللي عامل كل ده." سامر: "ما الرقم طلع برايفت هنعمل إيه؟ بدر: "اكيد هنتصرف." تليفون بدر رن فرد وقال: "الوو.. مين؟ -كده متسجلش رقمي؟ بدر بسخرية: "الخواجة بنفسه." الخواجة: "مش كنت تسأل على مراتك الأول." بدر بعصبية: "مراتي أشرف منك يا بيتر وانت عارف إن الصور متفبركة." الخواجة (بيتر) : "سيبك من كل ده عندي ليك عرض هايل ويخليك تخلص من كل ده."

بدر: "ما انت عارف إني مش هحط إيدي في ايدك تاني بعد ما رجالتك كانوا هيموتوني أنا ومراتي." بيتر: "اسمعوا بس." بدر: "عايزة إيه يا بيتر." بيتر بخبث: "اقضي ليلة مع مراتك!