رواية لعنة حبه الفصل الرابع عشر 14 - بقلم جنى محمد

رأسها يؤلمها، وتنظر لتجد دماً على السرير. ترى بدر نائماً بجانبها، فتبدأ بالبكاء وتضربه. يستيقظ بدر بتعب، ويصبح فوقها قائلاً: "حد يصحى حد كده؟ وبعدين بتضربيني ليه؟ جنى بصدمة: "أنت اغتصبتني يا مجرم." بدر بصدمة أكبر: "تفتكري إني هعمل كده؟ أنتِ مراتي، أولاً، مش واحدة من الشارع، وأنا مش حيوان." جنى بشحتفة: "أومال إيه الدم ده؟

بدر ضحك وقال: "وإحنا بنتكلم امبارح، أغمي عليكي. شيلتك وجرحك كان بينزف، وبس طهرته ولفيته بشاش، ومن كتر التعب نيمت جنبك." جنى تتنفس بسرعة من قربه وتقول: "طب ابعد عني." بدر بخبث: "طب ما إحنا حلوين كده." جنى بملل: "يا بدر بقى." بدر باس رأسها وقام بتعب. جنى قامت وقالت بكسوف: "أنا آسفة." بدر ابتسم وقال: "عادي يا جنى." جنى ضربته على ذراعه وقالت: "بس ده ميمنعش إني مش مسامحاك على موضوع شغلك في المافيا."

بدر حاوطها من وسطها وقال: "أنتِ عارفة إنك الوحيدة اللي غيرتيني بالمنظر ده... عملتي فيا إيه؟ جنى باست خده وزقته وطلعت جري على الحمام وقفلت الباب وقالت: "اعملي حسابك هننزل نشتري هدوم ليا." بدر ضحك وقال: "داخلة على طمع." بدر طلع لسليم ودخل الأوضة، لقى سليم قاعد جانب أخوه سامر، فقال بدر: "بعد كل ده يا صاحبي؟ سليم لف لبدر وقال: "ده أخويا، مهما يعمل هيفضل أخويا." سامر يفتح عينه وكانت تدمع وقال بحزن: "أنا آسف يا سليم...

الحقد ملى قلبي يا أخويا." بدر بسخرية: "مضطر أقطع عليكم اللحظة. أنا هنزل كام مشوار مع جنى عشان من بكرة عندنا شغل كتير، وكلنا هنشارك عشان نحل المشكلة اللي إحنا فيها." سامر: "ممكن تعتذر لجنى بالنيابة عني؟ بدر: "أكيد يا سامر، على فكرة أنت كمان معانا... يلا عيشوا، البيت بيتكم." بدر دخل أوضة لقى جنى بتحط برفان وقالت: "مش تخبط يا محترم." بدر حضنها من ضهرها وقال: "أنا زي جوزك يعني." جنى: "طب يلا عشان منتأخرش." بعد فترة.

جنى كانت بتقيس في غرفة القياس، البنطلون كان ضيق، فنفخت بتعب وقالت: "هو وزني زاد إمتى؟ ما أنا دايماً بلبس small." جنى طلعت متعصبة. بدر كان قاعد، أول ما شافها قرب منها وقال: "مالك؟ جنى: "هو أنا تخنت يا بدر؟ بدر بص عليها وقال: "جنى، أنتِ مش بتاكلي أصلاً." جنى بخنقة: "أنا هروح أشوف حاجة تانية." بدر بص لخيالها، وجاه إشعار برسالة على تليفونه. فتح الرسالة ولقى صور لجنى في وضع مخل.

بدر وشه احمر، وراح لجنى اللي كانت بتدور على بنطلون، ومسكها من إيدها وقال: "إيه ده؟ جنى شافت الصور وبلعت ريقها وقالت: "هشرحلك." بدر بص لها بصدمة و...