رواية لعنة سيرين الفصل الثالث 3 - بقلم ملك محمد

دخلوا أوضة سيرين بس المفاجأة أنهم ملقوش سيرين. قعدوا يدوروا على سيرين في كل مكان في البيت حرفيًا. بس مفيش. كان سيرين فص ملح وداب. نزلوا بلغوا الشرطة عشان يدوروا عليها جايز تكون اتخ"طفت. الظابط قالهم يروحوا عشان ملوش لزوم إنهم يقعدوا. بس سيرين كانت في البيت. سيرين لما كانت بتكلمها والدها جاتلها فكرة إنها تدخل جوا الدولاب وتقفل على نفسها من جوا. بس دخلت ومخرجتش. أمها وأبوها فتحوا الدولاب ودوروا فيه كتير بس هي مكنتش موجودة. بيتهم ده هما ساكنين فيه جديد. بس واضح جدًا إنه مسكو"ن. أمها وأبوها ناموا بعد معاناة وعياط كتير. سيرين كانت بتصرخ وبتقول: بابا.. بابا.. الحقنييي بموووت ابوس إيدك الحقني. أبوها: انتي فيين يا سيرين.. يا سيرييين. وفجأة أبوها صحي من الحلم. أم سيرين: اسم الله عليك يا حبيبي.. أهدي.. أهدي. خرج عشان يشرب ماية. لقي سيرين واقفة في المطبخ مش بتتحرك وعينيها حمرا جامد وشعرها منكوش ولابسة أبيض. أبوها اتخض وقالها: سيرين! وفجأة سيرين اختفت. أو اللي كان فاكرها سيرين. أبوها اتفزع ودخل حكى لمراته اللي حصل. بس كالمعتاد مراته افتكرته بيخرف عشان خاطر سيرين بنته مش لاقيها. قالتله: أهدي يا اخويا ووحد الله يمكن بيتهيالك ولا حاجة. وفجأة سمعوا صوت ضحكات متتالية مرعبة. وصوت سيرين وهي بتقول: الحقوني ابوس ايديكو الحقوني. دخلوا مكان الصوت لقوا عروسة في الأرض ومتغطية د"م.