رواية لعشقه قواعد الفصل الحادي عشر 11 - بقلم رحمة محمد

أميره : يعني انتوا هتجوزوا الواد فجأة كده يا عيني عليك يا زيد لسه صغير يا بني سليم : ابنك مين وصغير مين، لا زيد كبير يا ستي. وبعدين هنا كمان بنوتة ما شاء الله عليها، متتسابش الصراحة. أميره : وانت سبتها ليه بقى؟ سليم : مش عارف ليه أشم رائحة غيرة في الموضوع، بس عموماً لأن لسه مجاش النصيب. وهنا دي عندها 19 سنة، يعني أنا أكبر بحوالي 10 سنين، وبالنسبالي أختي الصغيرة من زمان لأن رزق يبقى أبوها، فأنا عشان كده أعرفها.

أميره : أبوها رزق اللي بيشتغل عندك، مش كده؟ طيب زيد يعرفها منين؟ سليم : زيد معرفهاش قوي لما كبرت لأنه بقاله كتير في القاهرة وهي أمها بتشتغل في بيت جدي. وهنجوزها لزيد ليه؟ عشان هي عايزة تكمل جامعة لأنها في صيدلة بس أبوها رافض، وأنا بالعافية لولا قدرت أساعدها تقدم. بس هو بقى برضه أصر إنها توقف وتتجوز، ففكرنا نجوزها لزيد عشان تعرف تدرس في الجامعة وفي نفس الوقت تونس زيد، فهمتي؟

أميره : اااه فهمت، بس برافو عليها والله. طيب افرض زيد رفض؟ سليم : هو مش افرض، هو فعلاً هيرفض بس إحنا هنتصرف وإنتي هتساعديني لو لزم الأمر. أميره : هتدفع كام؟ مهو أنا مش هبيع ابن عمي لله وللوطن وكده. سليم : بتقولي حاجة يا ميرو؟ أميره : ميرو الله، بتدلّعني. أكاد من فرط الحنان أذوب يا جدع. اللي يقولي يا سليم، هي أمك كانت نحلة عشان جبتك عسل كده؟ سليم : بت انتي. أميره : أيوا يا عبد الواحد، أنا جاية أهو. زيد : إيه ده؟

دول عندهم فرح يا حج، طب يلا بينا بقى ونيجي وقت تاني. محمود : لا يا ولدي، مهو انت اللي هتتجوز، ده فرحك. زيد : ولدك مين؟ انتي خلفتي غيري يا صفاء وأنا معرفش ولا إيه؟ سليم : لا يا بطل، ولده انت اللي هتتجوز دلوقتي. زيد : انت مين وبطل؟ لا أنا قولت أشوف إنما أتجوز لو قطعتوني هنا مش هيحصل. آآآه أنا محدش يستغلني أبداًااا. بارك الله لكما وبارك عليكما وجمع بينكما في خير. أميره : مبروك يا زيد، ألف مبروك.

زيد : الله يبارك فيكي يا أختي. عملتي الواجب وفرحتي فيا ليه؟ ده أنا كنت ناوي أكون ضهرك. طب تصدقي لو سليم فكر يضربك والله لكمل معاه يا جزمه. سليم : انت ياض مفيش في عضمك حتة سليمة، فاسكت. زيد : منورة يا أميرة، منورة. محمود : يلا يا ولدي قوم عشان تجيب عروستك. زيد : ربنا على الظالم يا رب، يا هنا يا بت أم هنا. شيلي لك عربية يكون سواقها أحول بدل ما يحود يمين على الطريق يحدفك على الآخرة يا شيخة. ممكن اتنيل أدخل؟ هنا : نعم؟