تحميل رواية «لعشقه قواعد» PDF

-قومي يلا شنطتك جاهزه هتاخديها وسافري علطول ومترجعيش بقى يا حبيبه امك غير بورثك

اميره: أصبحنا وأصبح الملك لله رب العالمين امي الله يكرمك انا مش حمل مناهده على الصبح وشنطه أي إلى انتي جهزتيها دي مش هسافر لحد انا وبعدين إلى طردوكي بيا لما كنت عيله ٧ سنين هيقبلوا بيا وانا عندي ٢٣ سنه اعقلي الكلام وريحي دماغك مني انا مش هسافر الصعيد وقولي بقى لجوزك يخف زن لاني انا مش عايزه منهم حاجه

صابر: بس احنا عايزين يا غندوره مهو انا مش هفضل اصرف عليكي وجهازك ده مين اللي هيجهزك روحي دوري على ورثك عشان تعرفي تتجوزي

اميره: انت اي إلى دخلك بينا اصلا خليك بعيد عني وعن اي حاجه تخصني مش هفضل اعيد في الكلام ميه مره

صابر: وانتي في شقتي ولاما تسمعي كلامنا لاما يا حلوه يبقى بالسلامه كدا والقلب داعيلك ووريني بقى هتعيشي بطولك ازاي

اميره: شقتك اي دي شقتي وشقه أبويا الله يرحمه انتي كتبتيها باسمه

فايزه: الله جرا اي يا بت جوزي ان مكنتش استأمنه على حاجتي هستأمن مين الله وبعدين دي شقه عادل جوزي التاني مش ابوكي الي خلفك يا ختي

اميره: ليه وهو انا كنت عرفت غيره في حياتي ده لولا هو الله يرحمه الله اعلم كان هيبقى مصيري اي

صابر: كان فك نحسنا يا ختي بدل الطرح الطويله الي ماشيه تلبسي فيها حتى في البيت دي طب ده انا حتى زي ابوكي

اميره: حسبي الله ونعم الوكيل فيك يا شيخ انا هغير بس مش عشان ورث لا عشان اخلص منكم حسبي الله ونعم الوكيل

وسابتهم ومشيت

فايزه: هي البت دي بتتحسبن في مين

صابر: سيبك منها وتعالى عايزك في موضوع مهم جدا

فايزه: هههههه انت مش وراك غير المواضيع دي

اميره: ويا ترى مخبيلك اي الدنيا لسه يا أميره يارب انا مش بعترض وانا مين اصلا عشان اعترض بس طالبه رحمتك يارب ارحم قلبي الضعيف الي مبقيش قادر يستحمل حاجه يارب

-قولي بس انتي يارب وهو اكيد هيستجيب

اميره بتبص لقيت شاب طويل وعنده دقن وشكله ما شاء الله قمور خالص استغفرت ربها وبصت في الأرض: ونعم بالله شكرا

زيد: على أي بس بصي يا ستي انا مش بعاكس والله بس انا الكرسي بتاعي رقمه جمبك في التذكره وعشان كده طلبت اقعد فمتفهميش صح اينعم انتي قمر الصراحه بس برضو انا محترم

اميره بابتسامه خفيفه: لا مهو واضح

زيد: متفهميش صح اوي كدا قوليلي بقى نازله فين

اميره: مع اني مش مضطره اني اجاوب بس في مركز*'في قنا

زيد: بتقولي فيين 😯😯

اميره: في أي يا عم مال وشك اتقلب كدا

زيد: معلش بس اصل البلد صغيرة، انتي رايحة لمين هناك

أميره: رايحة لبيت الحج فاروق شاهين

زيد: لا والله، جاية بيتنا يعني على كدا، عايزة مين هناك

أميره: بيتكم مين، انت بتقول اي، انت انا غلطانة اني بتكلم مع واحد زيك اصلا

زيد: يا شيخة اتهدي، اتفضلي أدي البطاقة اهي، خليني اخلص

أميره: اي ده، زيد محمود فاروق شاهين، انت ابن عمو محمود هههههه، قولي بقى انت الواد الي كانت الجلابية بتوصل لبعد ركبته ولا الي كان ماشي يتشنكل فيها ههههه

زيد: لا الي كان ماشي يتشنكل فيها، اي ده انتي عرفتي الموضوع ده ازاي

أميره: ما هي تدابير ربك، انا بقى اميرة سليم فاروق بنت عمك

زيد: يا صلاة النبي احسن، بنت عم سليم وبتتريقي على الجلابية، الله يرحم شعرك الي كنتي بتمشي هتتشعلقي فيه في البيت كله

أميره: ما خلاص بس انت ازاي فاكر، يمكن انا فاكرة لان الفترة اللي قعدتها شوفت فيها الي عمري ما شفته، وانت بقى

زيد: عشان الي حصل انا اسف، بس صحيح كنت صغير، بس لما جدي خرجك انتي وامك برا البيت مش ممكن بتنسي، بس صحيح قوليلي متجوزة ليش لحد دلوقتي، ده احنا قولنا تلاقيها بتشتغل رقاصة

أميره: مين يا فاشل ده، انا خريجة حقوق ياض

زيد: طيب منا بدرس في كلية الطب

أميره: لا تصدق اقنعتني، انا الي فاشلة

زيد: طيب بعيد عن الهزار، انتي اي اللي فكرك بالعيلة دي، أنا نفسي هربان منهم

أميره: تقدر تقول مليش مكان تاني في الدنيا دي غير بيتكم، أمي طردتني وقالتلي روحي شوفي اهل أبوكي وورثك وشغل، لحد دلوقتي مش قادرة اعمل منه حاجة اقدر اعيش بيها، مكنش عندي حل تاني

زيد: بصي انا والله مصدقك، بس انتي فعلا داخلة على ناس، أبسط حاجة هيعملوها يقولولك مليكيش حاجة، مش أهلي بس أنا عارفاهم

أميره: طيب قولي هعمل أي، أنا هروح يمكن يقتلوني وابقى كدا ارتحت وربنا كتبلي الرحمة

زيد: والله ما استبعد، بصي احنا مفيش قدامنا غير سليم، بس بصي انا ولا اعرفك، يعني هوصلك عنده واخلع، أنا آمين

أميره: تحس انك واطي ياض، لا وجبان

زيد: لا مهو انتي لما هتشوفي سليم هتعرفي انتي نفسك هتعوزي تنفدي بجلدك، بس بما ان مفيش قدامك حل تاني، يبقى تقولي الشهادة بقى وتتكلمي

أميره: للدرجة، طيب ما اروح لجدي ده علطول

زيد: مهو جدي دلوقتي كبر ومش بيخرج من اوضته غير نادر جدا، واعمامي وابويا لو عرفوا انك جاية تتكلمي عن ورث مش هيوصلوكي عنده

رزق: انتي مين يا بت وبتعملي إيه هنا؟

أميرة: جاية عايزة سليم بيه.

رزق: وه وه سليم بيه مرة واحدة كده، أيوه أيوه فهمت، تعالي ورايا.

أميرة: فهمت إيه يا عم انت، بقولك...

رزق بزعيق: يا تمشي ورايا يا تروحي من هنا، قولتي إيه؟

أميرة: وراك يا كبير، انت بتقفش ليه، اتفضل. منك لله يا زيد انت وأفكارك.

رزق: بتبرطم تقولي إيه يا بت؟

أميرة: اتكلم عدل، وأقول اللي أقوله، ملكش دعوة، انت المفروض إنك هتوصلني بسليم بيه وبس، غير كده ما أظنش إنه شغلك.

رزق: لسانك طويل، شكلك مش هطولي فيها، خشي يا ختي، هتقابلي ست هنية جوا، وهي هتفهمك، وبعدها هتوصلك بسليم بيه.

أميرة: طيب. احم، السلام عليكم.

هنيه: وعليكم السلام، انتي بقى جاية تشتغلي في المطبخ ولا عند البهايم ولا في التنضيف عاد؟ أه واسمعي، طول ما انتي هنا وشك يكون متغطي.

أميرة: إيه كل ده، وأغطي وشي ليه؟ أنا مش منتقبة، وبعدين أنا مش جاية اشتغل، أنا عايزة أقابله، انتوا ليه محسسيني إني هقابل وزير ولا سفير خارجية؟

هنيه: انتي شكلك متعلمة ولهجتك مش زينا، انتي من مصر؟

أميرة: تقريبًا، بس جاية لناس قرايبي هنا، لكن معرفش ليهم طريق، وهما قالولي هنا إن سليم بيه يعرف البلد كلها.

هنيه: آآآه، طيب أنا هبلغه كلامك ده، ولوقتها هتستني برا، لاما هتغطي وشك، كل اللي هنا طالما صغيرة لازم تتغطى وشها، وخصوصًا لو حلوة زيك كده.

أميرة: مع إني مش فاهمة بس ماشي. عن إذنك هتكلم في الفون بس.

هنيه: وه اسمه إيه، التليفون قصدك؟ جلع بنات، صحيح، روحي يا ختي. والله شكلك تستاهلي اللي هعمله فيكي يا مصرواية.

أميرة: السلام عليكم. أيوا يا زيد وصلت أهو ودخلت وقابلت واحدة كده اسمها هنيه.

زيد: بتقولي قابلتي مين؟ هنيه، طيب وشافت وشك ولا غطتيه؟

أميرة: ياربي، البلد كلها اللي عايزاني أغطي وشي دي، لا يا عم، وبعدين الدنيا حر جداً وأنا مش منتقبة.

زيد: يا حلاوة، وطبعاً اتكلمتي بلهجة مصر مع وشك الحلو، طيب اقفلي وأنا هاجي علطول، وانتي شوفي أوضة واقفلي على نفسك لحد ما أجي، يلا بسرعة.

أميرة: في إيه؟ فهمني، وإلا مش هعمل حاجة من كلامك ده.

زيد: هنيه هتجيب مقص وتقص شعرك خالص، ده غير البهدلة، وكل ده لأن حضرتك شكلك حلو ومصرواية، فهي هتشوف إن دي تربية.

أميرة: انت بتقول إيه ده؟ أنا أسجنهم كلهم.

زيد: ده لو عرفتي تخرجي، أبوس إيدك، شوفي أوضة استخبي فيها على ما أوصل، يلا بسرعة.

أميره: انت بتتكلم جد ولا بتقول كدا عشان تخوفني يا زيد

زيد: للأسف بجد وسليم مش هيمنع حاجة هنيه تقول عليها تخص البنات فبالله عليكي شوفي أوضة واقفلي على نفسك أنا في العربية أصلا يلا

أميره: طيب

بعدها فضلت تدور لكن كل الأوض مقفولة وسمعت هنيه بتتكلم من بعيد شوية: اسمعي يا بت منك ليها تمسكوها زين لو عرفت تفلت مش هسيبكم

أميره: مسكتك عقروب يا بو مه هعمل إيه دلوقتي بس يارب

(وجعلنا من بين أيديهم سداً ومن خلفهم سداً فاخشيناهم فهم لا يبصرون)

يارب

لكن فجأة لقيت اللي بيشدها وقفل الباب براحة لكن بسرعة

أميره: كان لسه هتصرخ بس هو كان الأسرع

هشششش لو طلعتي نفس بس هسيبك ليها جايه عايزه إيه يا أميره ولا أقول يا بنت فايزة أحسن

أميره: لا اسمي أميره سليم فاروق اللي هي المفروض بنت عمك وبعدين انت عرفت إزاي إني هنا

سليم: يعني هتدخلي بيتي وتوصلي لحد قدام أوضتي ومعرفش طب كيف ده إنما انتي مين

فدي عرفتها من زيد هو اللي قالي الحقك من يد هنيه ارتحتي كدا

أميره: انت بتتكلم كدا ليه زيد قالي إن مفيش غيرك هيساعدني آخد ورثي عشان كدا جيتلك إنما غير كدا أنا عمري ما كنت هفكر إني أشوفك أو أجي عندك أصلا

سليم: ورثك انتي مجنونة ولا عبيطة ولا إيه نظامك جايه تدوري على ورثك دلوقتي ده أبوكي ميت بقاله أكتر من ١٥ سنة لسه فاكرة بس عموما ريحي دماغك عمك محمود أخدهم ووضع يد ومش هيديكي جنيه هما اصلا مش عايزين يعترفوا بيكي فريحي دماغك وخذي بعضك كدا وارجعي على مصر

أميره: بس ده اسمه أكل مال اليتيم عموما شكرا لحضرتك عن إذنك

هنيه: أهي امسكيها يا بت منك ليها كويس

زيد: هنيه ابعدي عن أميره واوعى خليهم يبعدوا

هنيه: زيد بيه هو حضرتك تعرف البت المصراوية دي

زيد: دي أميره بنت عمي سليم الله يرحمه

قابلتي سليم

أميره: ااه قابلته وعرفت الرد خلاص شكرا يا زيد لأنك حاولت تساعدني مش عارفة أقولك إيه بس ربنا يجازيك خير إن شاء الله سلام

بعدها سابته ومشيت

زيد: ليه كدا عملت معاها كدا ليه

سليم: انت عارف السبب بلاش تعمل فيها الصغير

زيد: بس هي ملهاش أي ذنب في كل ده وبعدين دي معندهاش مكان تروحه لا هنا ولا حتى في مصر أنا كنت فاكرك سند وراجل يعتمد عليه يا سليم عشان كدا بعتلك إنما طلعت ولا حاجة ولا حاجة يا سليم

يا اهلا يا اهلا ببنت اخويا الغالي نورتي الصعيد.

بس غريب لبسك، يعني ده احنا قلنا تربية فايزة هتطلع اقلها رق.

أميرة: مالهم دول يا أمي؟ يلا اهي اكملت.

أحم يعني حضرتك تبقى عمي؟

راضي: أيوا يا بنت الغالي.

زيد: سبها يا عمي، أميرة في حمايتي.

راضي: هههههه مش بقولك تربية فايزة، لحقتي وقعتي الواد. وبعدين ده أصغر منك بسنتين، ولا انتي مش بيفرق معاكي؟

زيد: عمي كدا كفاية قوي، وأميرة جاية تشوف جدي وتاخد حقها، وأنا هساعدها.

راضي: وانت مين هيساعدك ها؟ محدش يقدر، حتى محمود نفسه لما هيعرف انك عايز تساعد بنت فايزة عشان تاخد مننا قرش مش هيقف معاك وهيسيبك ليا. وانت روحت ولا جيت لسه طالب يعني متعرفش تعمل حاجة، فخاف على نفسك عاد.

أميرة: خلاص يا زيد محدش فيهم يقدر يعمل حاجة، أنا دارسة قانون كويس وهعرف آخد حقي.

راضي: هههههه نشوف يا قمر.

زيد: عمي دي بت أخوك بتقول إيه؟

راضي: سليمان خد زيد روحه لأمه زمانها قلقانة عليه. أما انتي يا بت فايزة فحسابك معايا هيبقى تقيل.

سليم: ومين اللي هيحاسبها يا راضي؟

راضي: وه وه وه، كمان سليم ده انتي اتفوقتي على فايزة كمان، انتي طلعتي *** منها. فجأة لقى بوكس من سليم.

سليم: كلمة كمان يا عمي المصون ومش هتمشي من هنا. عايش أميرة في حمايتي وعايز أعرف بقى هتلمحها بس إزاي.

راضي: بدافع عن البت اللي أمها كانت سبب في موتها.

سليم: بدافع عن بت عمي، البت اليتيمة اللي انت واخواتك مش عايزين تدوها حقها. بس أنا عارف كيف هخليها تاخده.

راضي: مش هتعرف. أبوها باع كل حاجة لجدك زمان، يعني مضطرة بقى تستنى جدها يموت زينا تمام كدا.

أميرة: مستحيل، انت أكيد بتكذب. أبويا مات في القاهرة، يبقى إمتى باع الحاجات دي؟ حرام عليك.

راضي: عندي استعداد أديكي اللي عايزاه بس ترضى.

سليم نزل فيه ضرب: عينك على مراتي يا بن ***. ما هنقول إيه تربية فوزية هتطلع إيه يعني، والأم مش عيب لحد فينا. إحنا الي بنخلي الناس تدعيلهم أو تعيب فيهم زيك كدا. روح ورجالتك برا، مهو محدش يدخل عندي هنا. ومكنش عارف أحطه تحت إيدي كويس. يلا.

أميرة: واو، أنا كبِير انبهرت.

سليم: انتي اخرسي. رزق هنية خدوا البت دي من هنا دلوقتي.

أميرة: الله يرحمني كنت طيبة والله، وكان نفسي أشتغل محامية.

سليم: هنيه خدي أميرة وطلعيها على أوضة الضيوف فوق، وأنت يا رزق اتصل بالماذون وهات معاك واحد كمان عشان تشهدوا على عقد الجواز.

أميرة: إيه إيه، هو فرح يروح فين ومأذون مين؟ ولا هو استغلال حاجات البشر وخلاص.

سليم: بقيت أنا بستغلك إنتي ليه إن شاء الله؟ من قلة البنات ولا أنا اتعلمت؟

أميرة: لا، عشان أنا زي القمر وأتحب من أول نظرة طبعًا.

سليم: آه، طيب نشوف الموضوع ده بعدين. أما بقى حوار الجواز فده عشان أولًا مينفعش نقعد في مكان واحد وحضرتك تجوزيلي، ده مش هيخلي حد فينا واخد راحته وأنا مبحبش كده. ثانيًا عشان حضرتك هنا في الصعيد وده مرفوض هنا نهائي، وكمان عشان أعرف أجيب حقك ولما أتكلم يبقى ليا كامل الحق لأنك مراتي طبعًا.

وسبها ومشي.

أميرة: إيه ده، سابني ومشي؟ أنا معبرتش عن رأيي كمواطنة.

هنيه: سليم بيه مش بيحب الكلام الكتير، واللي بيقوله يتنفذ على طول، محدش هنا بيعارض، وإنتي كمان هتكوني منهم يا ست أميرة.

أميرة: وعلى أي ست؟ ما تخليها يا بت يا أميرة يا زفته يا أميرة، ما براحة شوية.

هنيه: أنا أوعدك إنك طول ما إنتي هنا مش هتعرفي طعم الراحة يا بنت فايزة، ومبقاش هنيه لو مخلتكيش تكرهي عيشتك.

أميرة: إيه البيت اللي بيزيق الواحد؟ وميلحقش يرد ده. أما أشوف الواد زيد... زيزو، ازيك يا قلب أمك؟ اتهزقت ولا لسه؟

زيد: دمها خفيف، الأخت إنتي يعني؟ أنا قلقان عليكي وإنتي بتستهبلي.

أميرة: يا عم صلي على النبي كده، ده أنا طلعت بعريس وأخوك هيتجوزني. أينعم هو قل ورخم وبجح في نفس الوقت، بس أهو يلا، ضل راجل ولا ضل حيطة.

زيد: ههههه، يا بوي لو سمعك مش عارف هيعمل فيكي إيه.

أميرة: هيعمل إيه يعني؟ كبر دماغك. المهم إنت كويس؟ أنا آسفة إنك اتحطيت في موقف زي ده بسببي. بس هو مين الراجل اللي بيقول إن عمي ده؟ أنا آخر حاجة فاكراها كان أبوك وأبو سليم وأبويا. إيه جدي لعب بعد ما الدوري خلص ولا إيه؟ هه.

زيد: بس يا خفة، بعدين خدي بالك من راضي عشان مش سهل أبدًا.

أميرة: خليها على الله، هتتيسر. يلا هروح أنا عشان ألحق أتجوز أخوك، سلام.

زيد: إنتي بتتكلمي جد ولا بتهزري؟ ده جدك هيقوم الدنيا لو سليم عملها بجد.

سليم: لا، هعملها يا زيد، وإنت يلا عشان المأذون وصل.

أميرة بخضة: إنت هنا من إمتى؟

سليم بسخرية: من أول ما قلتي.

أميرة: سليم، أنا كنت بهزر.

سليم: لما تبقي على ذمتي وقتها هعرف كيف أخليكي تهزري مع راجل وتشتمي على جوزك، أو بمعنى هتتبرمجى، هتمشي على قواعدي أنا.

زيد: مبروك يا كبير والله ودخلت القفص.

سليم: الله يبارك فيك، بس أنا برضو مش فاهم أي اللي جابك.

زيد: احم، أي الإحراج ده يا عم، أخويا وابن عمي هيتجوز، لا ومين أميرة بنت عمي برضو، وبعدين عشان أبقى وكيل العروسة يا عم، أحسن تفكر إنها ملهاش أهل ولا حاجة.

أميرة: عاش يا زيد، مش أنا لسه أعرفك من قريب، لكن أنت من أجدع الناس اللي أنا شوفتها في حياتي.

زيد: طبعًا، هو أنا أي حد.

سليم: طيب ما أجيب شجرة واتنين ليمون أحسن، ولا على الشجرة مهو أنا أسد.

أميرة: والله بتفهم، ده الواد ريقه يعني نشف، فمش كدا يا زيزو.

زيد: أنا ولا أعرفها ولا عايز أعرفها، وأمي معندهاش غيري، سلام عليكم.

أميرة: خد يا زيد، أه يا واطي، سايبني مع هولاكو ده لوحدي.

سليم: هو أي. اسمعي يا بت انتي، أنا أكتر حاجة ممكن تخليني أفقد أعصابي هي قلة الحيا اللي أنا شايفها دي، وأنتي بنت عمي ويتيمة ووجودك هنا بس عشان نجيب حقك، لأن زي ما عرفت إنك متبقيش ليكي أي مكان تروحي فيه بعد ما جوز أمك أخد الشقة وتقريبًا طردك.

فنهدي كدا ونخلينا محترمين الفترة اللي هتفضلي فيها هنا عشان محدش فينا يزعل من التاني، وأنا كلامي مش بحب أعيده، لا تتكلمي مع زيد ولا غيره إلا في حالات الضرورة وبحدود، مفهوم؟

ولسه هيمشي، مسكت ايده.

أميرة: لا مش مفهوم، أنا مراتك دلوقتي مش جارتي، وإذا كان جوازي منك هيكون سبب إهانة ليا فشكراً، أنا مش عايزة الجواز ده ولا الورث، أنا بابا عادل رباني على إن كرامتي فوق كل شيء، وإن الواحد يقبل أي حاجة إلا إن كرامته تتهان.

سليم: وأنا لما أقولك تتعاملي مع الأغراب بحدود يبقى كدا أنا باجي على كرامتك، دي اسمها غيرة على أهل بيتي اللي أنتِ بقيتي أولهم.

أميرة: أمال حجابك الطويل وهدومك الواسعة ودماغك تبقى فاضية كدا.

أميرة: ممكن تفهمني براحة وأنا هسمع كلامك، على فكرة طاعة الزوج واجبة طالما مش هيغضب الله، بس لما تعاملني أنت على أساس كدا، عمومًا حاضر، بس زيد أخويا والله، وهو حتى وقف جمبي من غير أي مقابل وبيحبك جداً وبيحترمك.

سليم: عارف، بدليل إنه مشي لما أنتِ هزرتي وموقفش، بس برضه مراتي ولازم تعرف حدودها وطباعي.

أميرة بفرحة: حلوة مراتي دي، طيب بص، همشي أنا عشان دقيقة كمان وهقولك بحبك وهتبقي حاجة تكسف أوي الصراحة.

سليم: شكلك مجنونة وعايزة تخليني أتجنن معاكي.

هنية: وده شكله هيحبها، أي بنت فايزة هتاخد قلبك يا سليم، بس لا، ابداً مش هيحصل، لازم أتصرف ولازم البت تبعد.

سليم: تعالي يا هنيه واقفه عندك ليه.

هنيه: مستغرباك يا سليم يا ولدي، كيف كدا نسيت أمك والي حصل فيها بسبب فايزه؟ لا واي بتساعد بتها عشان تاخد حقها.

سليم: أنا بساعد بنت عمي قبل ما تكون بنت فايزه، وبعدين كنتي عيزاني أعمل أي بعد كل اللي عرفته؟ وجوز أمها الأخير ده عامله فيها. بعدين هي ملهاش ذنب، وقتها كنا عيال وأنا بعمل الي ضميري قلي عليه.

هنيه: يبقى حبك بتاع زمان ليها رجع، لما كانت عيله أو بمعنى أصح أعجبت بيها أكمنها بقيت حلوه قووووي.

سليم: هنيه، أنا مقدر إنك كنتي صاحبة أمي وإنك الي ربتني عشان كدا أنا بسكت، إنما غير كدا محدش يتعدى حدوده معايا.

هنيه: مش بقولك بنت فايزه لعبتها معاك صح، دي بكرة تقول إنها هي اللي هتمشي البيت وأموره ما خلاص بقيت مرتك.

سليم: يوووه، اسمها أميره يا هنيه، ولا اطمني هتفضل زي الضيفة لحد ما أقابل فاروق بيه وأتفق معاه ونشوف حل، ارتحتي كدا.

هنيه: ااه يا ولدي، شويه هسيبك أنا ترتاح.

جمال: أنا مش فاهم يا راضي، حاطط بت أخوك في راسك ليه؟ وكيف أصلاً ده مينفعش.

راضي: ومين قالك إني حاطط البت دي بس في دماغي؟ لا، ده العيلة كلها.

جمال: كيف يعني؟

راضي: هي مش البت جايه عايزة ورثها ومحمود بيمشي ورا كلامي وأبويا كأنه مش موجود في معانا أصلاً، فكده ميتبقاش غير البت وسليم الي بعد جوازه منها بقيوا واحد، والبت مصروايه وسليم دمه حا؛ مي يبقى خلصانة ولا لا.

جمال: انت دماغك دي أي بس، دول عيال أخواتك، ده انت عمهم، ولا عشان مجربتش إنك يبقى معاك عيل.

راضي: الفلوس في الزمن ده أهم من كل كلامك ده، وحاجة متخصكش عندي عيال ولا لا، وقوم يلا خليني أاقعد مع حالي.

أميره: سليم هو أنا ممكن أتكلم معاك.

سليم: قولولي يا أميره بس يلا عشان مش فاضي.

أميره: مش فاضي إزاي يعني؟ مهو انت مش بتعمل حاجة أهوه.

سليم: يوووه، خلاص مش عايز أسمع حاجة منك واتفضلي على أوضتك، انتي أصلاً بتعملي أي هنا. ريحي دماغك، أنا مش هكمل جوازنا ده مهما يحصل.

أميره: انت فهمت أي، على فكرة أنا كنت جايه عشان أقولك إني هسافر مصر لأنهم اتصلوا بيا من مكتب محاماه كبير كنت مقدمة فيه، وكنت بقولك باعتبار إننا اتفقنا إنك جوزي فلازم أقولك قبل ما أمشي، بس احذف كل ده ومحدش فينا ليه دعوة بالتاني، وأنا مستحيل أتقبلك كزوجك عادي، فريح نفسك يا بن عمي.

سليم: خدي هنا، إيه جاية تزيني وتمشي؟

أميرة: آه، اعتبريها فسحة. وسيب إيدي، إنت ماسكها بأي حق؟

سليم: بحق إني جوزك. وقبل ما تكملي، أي حاجة بمزاجي. وأنا مراتي متسافرش لوحدها. وبعدين إنتي إزاي هتشتغلي هناك أصلاً وإنتي قاعدة معايا هنا؟

أميرة: لا، مهو أنا هرجع القاهرة. ولما يبقى يخلص أو ياخد خطوات جدية في موضوعي، هبقى آخد إجازة وأرجع.

سليم سابها وقعد على السرير وحط رجل على رجل: اااه، طيب ابقى وريني هتعملي كدا إزاي ده لو خرجتي من هنا.

أميرة: إنت هتحبسني يعني؟ لا، الظاهر إنك متعرفنيش.

سليم: ولا عايز أعرفك. اسمعي يا أميرة، أنا بعترف إني دلوقتي غلطت. بس إنتي متعرفيش اللي بيا واللخبطة اللي أنا فيها. فارجوكي بلاش تضغطي عليا. أنا والله ما قادر.

أميرة قعدت جنبه بهدوء: ممكن نتشارك؟ بص أنا دايماً بأمن إننا في حياة بعض مجرد أسباب. يعني ربنا بيبعت ناس لينا يكونوا سبب في فرحتنا، وناس سبب في تعبنا، وغيرهم. ويمكن أنا من الناس اللي ممكن تكون سبب في راحتك يا سليم. احكيلي ده لو حبيت.

سليم نام على رجلها: هشششش، اهدى. أنا بس عشان أعرف أحكي. لما عمي سليم مات وإنتي جيتي مع مامتك هنا، أنا حبيتك جداً. بس الظاهر إني مش لوحدي اللي حبيت. لا، كمان أبويا حب والدتك وكان عايز يتجوزها. وفعلاً جدي كان هيعمل كدا عشان إنتي تتربي في وسط أهلك. بس وقتها أمي اتحرت بسبب أبويا وأمك. وبعدها أبويا اتضايق جداً وخرج ومرجعش. وعرفنا إنه بعدها هو كمان اتحر. عشان كدا جدي اضطر يبعدكم من البلد كلها. أنا كنت عايز أبعد عن الكل، وأولهم جدي نفسه. اللي فضل يزن على أبويا عشان يتجوزها في كام يوم. كنت خسران أهلي كلهم. محدش وقف جنبي غير هنيه. هي اللي اهتمت بيا. وعشان كده سايبالها كل أمور البيت تقريباً. ودلوقتي إنتي هنا مراتي وحلالي. بس أمك كانت سبب وجعي لسنين ومحتار أعمل إيه.

أميرة: إيه ده؟ استنى، يعني إنت مش متعقد من البنات وبتاع وعشان كده بتغطوا وشهم واللي تكرهوهم وبتاع؟

سليم: ههههههه، نكهرب مين؟ لا طبعاً. هنيه هي اللي حطت القواعد دي عشان أي بنت تفضل هنا أو في المزرعة. وأنا مش بدخل غير نادر جداً. بس ده منعا للاختلاط وكدا، مش تعقيد يعني. بس إنتي إيه اللي جاب في دماغك حوار الكهربا ده؟

أميرة: روح نام يا سليم، روح نام يا بني. واه صحيح، هسافر ولا لأ؟

سليم: يعني ساعة بشرح، فكرك يبقى إيه؟

أميرة: 😁😁 موافق طبعاً.

سليم بغيظ: برا يا أوزعة، إنتي برا.

أميرة: 🤔 يعني أنا طلعت ماشية على قواعد هنيه.

راضي: أهلاً أهلاً بست الحسن اللي مش عايزة تحن عليا أبداً.

هنيه: رااااضي! في إيه؟ أنت كل ما هتشوف وشي هتتكلم في نفس الموضوع اللي أنت عارف رأيي فيه كويس؟ إيه مش بتزهق؟

راضي: ولا هزهق. بتضيّع عمري وعمرك على الفاضي. فيها إيه لو قبلتي تتجوزيني؟ ما كناش وصلنا لهنا من زمان. فيه إيه؟ سالم عني؟ تحبيه بالرغم من إنه متجوز ومخلف، واللي بيجري وراكي بقاله سنين ولا هو في حسبانك أصلاً؟ أنا تعبت. وبعدين إنتي إيه اللي فكّرِك بيا؟ ما كنتي خلاص تبتي وهتعيشي مع سليم اللي بيفكرك دايماً بحبيبك؟ إيه الغيرة أكلتك من بنت فايزة؟ ها؟ الواد حيّها زي ما أبوه حب أمها بالظبط، مش كدا؟ ههههههه. مش عارف أقولك إيه بصراحة، بس دي آخرة اللي دايماً بيعوز اللي مش ليه.

هنيه: شمت إن فيا يا راضي، تمام. خلي بقى في علمك إن سليم هيساعد البت دي تاخد حقها منكم. يعني هيدور في الدفاتر القديمة يا راضي. ومش أنا لوحدي اللي هتأذى، وأنت عارف كدا كويس.

راضي: عايزني أعمل إيه من الآخر؟

هنيه: أحبك لما تدخل في المفيد. هقولك.

زيد: بابا، أنا كنت عايز أتكلم معاك شوية.

محمود: خير يا دكتور زيد يا رافع راسي. محتاج فلوس يا ولدي؟

زيد باس إيد أبوه: لأ، بس محتاج أحس إني كبرت يا حج. محتاج مكنش تحت تهديد أي حد، حتى لو كان عمي أو جدي.

محمود: إحنا اتكلمنا في الموضوع ده كتير يا ولدي. أنا مش هسيب جدك ولا بلدي. وأنت كمان مش هتسيبني. هتخلص وتشتغل هنا وتتجوز هنا. ولا عايز سليم ياخد كل حاجة بعد ما أمه ماتت وأنت مطولش حاجة؟

زيد: بس يا بابا، أنا محتاج أستقل. محتاج إني أعتمد على نفسي. أنت ربيتني على إني أكون راجل، فلازم أعيش على إني كدا. أما بالنسبة لموضوع الجواز، فأنا مش هتجوز هنا دي.

محمود: ليه؟ ومالها هنا ياواد؟ دي آخر احترام وأدب وست بيت شاطرة.

زيد: وشكلها إيه نظامه دي؟ علطول ماشية عاملة زي المتكفنة بسوادها ده. يا بابا، أنت مش بتشوف البنات عامله إزاي؟ ولا بنات مصر؟ وتقولي أتجوز هنا؟

محمود: والبنت اللي تستّر نفسها تبقى وحشة يا ولدي؟ ده ربنا قال: (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا) صدق الله العظيم. لسه برضه شايف إن اللي هي بتلبسه سواد وإن شكلها أهم حاجة؟

زيد: خلاص يا كبير. نروح وأشوفها ولو عجبتني نتوكل على الله. أظن حتى لو منتقبة، من حقي أشوفها في الرؤية الشرعية.

محمود: طبعاً.