رواية لاجلك احببت الصعيد الفصل الحادي عشر 11 - بقلم الحسناء

مهاب: كنت عايز أخطب ليلي. الجد: بصلة وضحك. مهاب: أفهم إيه من الضحكة دي؟ آسر: كل خير أكيد طبعاً. الجد: طيب وهي؟ مهاب: معرفش يا جدي وخايف. الجد: عيني عليكم يا أحفاد سعيد الأنصاري، بنات تعمل فيكم كدا؟ آسر: زي ما جدتي عملت فيك، والا نسيت؟ الجد: يضربه بعكازه براحة، قوم يواد، منك له، منها وأنت ومراد مش موافق ع الخطوبة بتاعتكم. مهاب: يبقى أنا براءة صح؟

وقعدوا يتحكوا شوية عن اللي هيعمله في مراد عشان يعترف لمنسه، وفهموا الجد عن اللي هيحصل. مهاب: عايز أعرف ليلي بتحبه ولا لأ. طلع آسر ومهاب لقوا الأولاد والبنات متجمعين. حمزة: مش مطمن للقعدة. آسر: لا اطمن، جدك عايز يفتح فرع جديد. حمزة: فرع جديد برضه؟ مهاب: أيوا يا خويا، فرع جديد. وقعدوا يتحكوا شوية كتير، والبنات طلعوا فوق، ومنسه طالعة معاهم. آسر: منسه، أقولك. منسه: تنزل؟ آسر: تنزل. آسر: قولي بقا تعرفي منار منين؟

منسه: تمد إيدها. آسر: متخافيش، عامل حسابي، عارفك مدية أوي. منسه: شاطر، وأخذت الشوكولاتة وحكت لآسر هي تعرف منار وقالتله يتقدم ومتخافش ع ضمانتي أنا. آسر: تعرفي لو رفضت هفتح بطنك وآخد الشوكولاتة. منسه: وأنا مالي؟ آسر: مش أنتي عاملة فيها نونو المأذونة؟ منسه: تصدق أنا غلطانة، وأتفرج ع اللي هعمله. آسر: اتذكر إنها صاحبة منار جداً وممكن تخليها ترفض. آسر: مالك يا سوسو، خلي قلبك أبيض، الواحد ميعرفش يهزر معاكي شوية.

على العموم لو الموضوع تم، ليكي عندي أوديكي أكبر محل شوكولاتة. منسه: اعتبر الموضوع تم يا باشا. آسر: أنا قولتها، مدية أوي. منسه: قولت حاجة يا هندسة؟ آسر: بقول ربنا يبارك فيكي يا هندسة. منسه: أحسب؟ آسر: لا متحسبيش، المهم كنا عايزينك أنتِ وهالة في موضوع. منسه: موضوع إيه تاني؟ آسر: خير إن شاء الله، متخافيش. منسه: وهي بتعدل في نفسها ورافعة راسها، لما أبقى فاضية أبقى أكلمكم. آسر: هو أنا بقولك هتعاقد معاكي في شغل؟

أنا بقول عايزك في موضوع أبو اللي يعوز عيال. منسه: نعم؟ آسر: خلي قلبك أبيض، قولنا يا سوسو، وطلعلها شوكولاتة تاني. منسه: شوف الوقت اللي أنتوا فاضيين فيه وأنا معاكم. وسابته ومشيت. آسر: فطس من الضحك، مكدبتش لما قولت مدية أوي. مهاب: مالك بتكلم نفسك؟ اتجننت يا كحكا؟ آسر: اللي حصل من منسه. وهوا التاني مات من الضحك ع منسه. مهاب: يعني هيا تعرف منار؟ آسر: للأسف أه، وقولتلها إن أنا وأنت عايزينها.

مهاب: تمام، وعايزين نشوف مراد برضه. آسر: إشطات، نادوا ع حمزة وحكوا له هيعملوا إيه. عند البنات فوق، قاعدين يتحكوا مع بعض ويتريقوا ع حمزة وهالة، وبعدين كل واحدة راحت ع غرفتها. عند الأولاد، متجمع عماد ومراد وحمزة وآسر ومهاب. مهاب: بقولكم، في واحد كلمني ع منسه. مراد: إيه؟ كلمك ع منسه دي؟ والباقي ماسك نفسه من الضحك بالعافية. مهاب: يعني عايز يجي يتقدملها.

آسر: هو كويس ومحترم ومهندس زيها، بس هيعيش في القاهرة، يعني أكيد هتوافق. مراد: مين قالك؟ عماد: من غير ما حد يقول، فرصة زي دي أكيد مش هتضيعها من إيدها، وأنا طبعاً معاه. مراد: اتعصب جداً بس ماسك نفسه بالعافية، والباقي ماسك نفسه من الضحك بالعافية. مراد: أنتوا قولتوا لجدكم؟ مهاب: أه، وهوا راضي. مراد: يعني مقالكش أي حاجة؟ آسر: قصدك إيه؟ مراد: لا، لا، مفيش. مراد: هيقوم يمشي. ينادم عليه عماد: مراد! يقعد عماد مع مراد.

عماد: مالك؟ اتضايقت أوي لما عرفت منسه هتتخطب؟ مراد: ولا اتضايقت ولا حاجة، عادي. عماد: مراد، أنا عارف كل حاجة. مراد: عارف إيه؟ عماد: عارف إنك بتحب منسه وكلنا عارفين كدا، وهيا عارفة. مراد: ولما هي عارفة يبقى خلاص، يعني لازم أنا أقولها؟ وبعدين لما أنتوا عارفين، هتوافقوا ليا ع العريس؟ عماد: ما أنت يا واد عمي اللي مش راضي تقوله. مراد: ما كل البنات بتتخطب عادي من غير ما حد يقولها.

عماد: مش أنت اللي قولت لجدك خايف، عن تكون مش بتحبني؟ مراد: وخلاص عرفت إنها بتحبني. عماد: مين قالك؟ مراد: أنا عرفت بطريقتي. عماد: طريقتك غلط في غلط، وأنت بنفسك شوفت حالتها ومهنش عليك تقولها وسايبها كدا. مراد: والله العظيم يا عماد، ربنا يعلم أنا كانت حالتي إيه وأنا شايفها كدا، بس يا واد عمي أنت عارفني، مش من الشباب بتاعت الحب والكلام الفاضي. عماد: ولما هوا كلام فاضي، حبيتها ليا؟

على العموم يا واد عمي، هيا دلوقتي في إيدك، يا عالم بكرة يحصل إيه. وسابه ومشى. تاني يوم الصبح، الكل متجمع ع الفطار. بعد الفطار، آسر ومهاب ومراد ومنسه رايحين الشغل. حمزة: خودوني معاكم. آسر: حد قالك إحنا رايحين الملاهي؟ حمزة: أبو الغباء، قصدي خودوني معاكم في العربية، وعدوا وأنتم مروحين برضه. مهاب: شطور، قلب ماما، هتطلع من الحضانة امتى؟ حمزة: تعرفوا اللي بيفهم بيريح. مراد: خدني معاكم. حمزة: أمال فين عربيتك؟

مراد: أبو السؤال اللي كل مرة بيتعدى، بتتفسح يا مراد؟ أكيد عند الميكانيكي. مراد: طيب قول كدا من بدري، تعالى. وصلوا الشركة وكل واحد راح مكتبه. منسه وهي في مكتبها، يرن رقم غريب. المجهول: صباح الفل يا باش مهندسة. منسه: مين؟ المجهول: حتى ردي الصباح. منسه: حضرتك هتقول مين والا أقفل؟ المجهول: لا لا، استنى، في رسالة ليك، شكلك هتبقى ضحية تاني. منسه: قصدك إيه؟

المجهول: لو مراد متنازلش ع الصفقة اللي داخل فيها، وأنتِ اللي تخليه يتنازل، أنتِ عارفة الباقي، يا إنتي، وممكن يكون هوا برضه. ومعلومة، لو مراد عرف بالمكالمة، والا أي حد، اترحم ع حبيب القلب، باي يا قطة. منسه: الو، الو. اتقفل الخط. منسه: تبحث عن الرقم، مفيش أي معلومات خالص، ومش عارفة تعمل إيه، تقول لمراد والا لا، والا تقول لحد من الأولاد. يخبط الباب. منسه: ادخل. مهاب: مالك؟ لاوية بوزك ع الصبح؟ منسه: أنا لا خالص.

مهاب: يمكن، برضو. المهم، كنت عايزك أنتِ والبت هالة في حاجة. منسه: قصدك اللي قال عليها امبارح آسر؟ مهاب: أه، وما أظن خربتي بيتنا امبارح. منسه: على العموم، هيضاف ع الحساب. مهاب: حاضر يا ستي. منسه: قول. مهاب: حكى لمنسه ع ليلي، وإنه عايز يعرف بتحبه والا لأ، وهل في حد في حياتها والا لأ. منسه: أولاً، أنا كنت عارفة. ثانياً، مفيش حد في حياتها، وأنت عارف كدا. مهاب: وإنتي عرفتي منين إن شاء الله، إن أنا بحبها؟

منسه: 😂😂 كان باين عليك إنك واقع أوي. مهاب: نعم؟ منسه: هدي نفسك شوية يا هندسة، على العموم، سيب الموضوع دا عليا أنا وهالة. وبعدين مالكم كلكم قايمين ع الخطوبة؟ مهاب: الله أكبر. منسه: ع إيه بس؟ وكل واحد عايز يعرف بتحبه والا لأ، يجي لـ منسه. مهاب: عقبال لما يجولكم. منسه: وقد تذكرت، أمين يا رب. مهاب: حس بيها 😉 قريب يا هندسة. منسه: طول ما أنت في وشي، شكلي مش هتخطب. مهاب: عيب عليكي، هووبا موجود، وأنتِ تقعدي.

منسه: طيب يا خويا، روح شوف شغلكم. مهاب: باي. منسه: باي. على قد ما فرحت لهالة وليلي ومنار، على قد ما زعلت ع نفسها. موبايل منسه يرن برقم حمزة. منسه: خير؟ حمزة: أنا غلطان إني بعبر واحدة زيك، كنت عزامك بس بطلت. منسه: خلي قلبك أبيض يا زوووم. حمزة: حاضر يا ستي، خلصي ورني عليا. منسه: طيب، وعربيتك؟ حمزة: الراجل رن عليا وجابها. منسه: إشطا، ع المعاد. حمزة: إشطا.

عند مراد، قاعد يفكر في كلام عماد النهارده معاه، وبكرة يحصل إيه، وتذكر العريس وإنه ممكن منسه توافق فعلاً، لأنها بتحب القاهرة، ف الآخر مسك راسه من كتر التفكير. بعدين رن ع منسه: تعالي، عايزك. الباب يخبط. منسه: ادخل. مراد: عرفتي بـ موضوع العريس اللي جالكم؟ منسه: عريس مين؟ مراد: قالها كل المواصفات، إيه رأيك؟ منسه: مش لما أشوفهم؟ مراد: قصدك إيه؟ منسه: مش دا حقي؟ مراد: يعني ممكن توافقي؟ منسه: شخصية زي اللي بتحكي عنها، أفكر.

مراد: يعني رأيك إيه؟ منسه: أنت رأيك إيه؟ مراد: أنا بسأل، يعني الرأي رأيك في الآخر. منسه: ما أنت ابن عمي برضو، ولازم آخد رأيك، والا إيه؟ مراد: تمام، نشوفه ونقرر. ومنـسه ماسكة نفسها بالعافية، ومراد لاحظ. منسه: هتعوز حاجة تانية؟ مراد: استني، في شوية ملفاتك عايزك فيهم. مراد: طالع من الباب. مراد: يلاحظ حاجة. منسه: يتبع..