رواية لاجلك احببت الصعيد الفصل الثاني 2 - بقلم الحسناء

ظهر ظل كبير في ضوء الكشاف، وكان يقترب منها. منسه حرفيًا ماتت من الخوف. مراد: انتي مين؟ منسه: بسم الله الرحمن الرحيم. أول مرة أشوف عفريت بيتكلم. مراد: عفريت؟ لما يلبسك! بت انتي مين؟ منسه: الله أكبر. دا كمان بيقول بت! بسم الله الرحمن الرحيم. مراد: يمسح وجهه بعصبية ويفتح النور. منسه: يا اختي! دا كمان بيفتح النور. مراد: بت انتي اتعدلي واتكلمي عدل. أول ما شافها، هوا! انتي! منسه: هوا انت!

ياريتك كنت عفريت، على الأقل كنت شوية وهتختفي. مراد: وانتي ياريتك كنتي متي من الخضة يا شيخة. منسه: بعد الشر عليا. مراد: وانتي نازلة ليه؟ منسه: أغير جو، وبعدين هقرر. مراد: هوا أنا بقولك نازلة فين؟ ولا بقولك؟ هوا أنا هجوزك علشان تقرري؟ منسه: انت اللي مش عارف تتكلم، وبعدين انت ملكش قصة نازلة ليه؟ مراد: أنا غلطان. وسابها وطلع. منسه: إيه اللي أنا عملته دا؟ أنا مش عارفة مكان المطبخ فين يا أخ انت. مراد: اممم.

منسه: فين المطبخ؟ مراد: في البيت. وسابها وطلع. منسه: عيل بارد، ما أكيد في البيت، أمال في الجنينة يعني؟ عيل مستفز. مراد: سمعت. منسه: ماشية تدور لغاية ما لقت، وشربت وطلعت. نتعرف بقى على بطلنا (مراد عزالدين الأنصاري، باش مهندس، يتميز بالعيون البني الكاتم وبشرة بيضاء وذقنه محددة سودا وشعر أسود ناعم وجسم رياضي لأنه بيحب الرياضة، وأجمل ما فيه الغمزات) نرجع بقى. آتي الصباح. الكل يتجمع على السفرة ما عدا منسه ومراد.

تصحى منسه وتغتسل وتصلي فرضها وتنزل. منسه: صباح السعادة يا سادة. وتبوس يد جدها وجدتها. الكل: صباح الخير. بعدها ينزل مراد. مراد: صباح الخير. ويسلم على عمو أشرف. مراد: أخبارك إيه يا عمي؟ أشرف: عامل إيه يا مراد؟ مراد: تمام الحمد لله بخير. ويتكلم شوية ويقعد يفطر معاهم. الجد: مش تسلم على منسه يا مراد. منسه: لا، ما هو سلم في آخر الليل. فاطمة: إيه اللي حصل؟ تحكي منسه ما حصل. حمزة: أكيد ختمتي القرآن. آسر: هوا القرآن بس؟

دا احتمال كمان الإنجيل. الكل يضحك ويفطروا في جو عائلي جميل. بعد الفطار. مراد: مهاب، هتنزل الفرع اللي في القاهرة تشوف الجو. مهاب: يحط رجل على رجل. علشان طبعًا الجد وعمامهم مش موجودين، أنا واخد إجازة. مراد: ليا إن شاء الله. مهاب: علشان فرح عماد. مراد: الفرح لسه بدري عليه، دا العريس نفسه مش واخد إجازة. وانت يا آسر، هتنزل معاه علشان برضه في شوية حاجات هتعملها. آسر: انت متعرفش؟ مراد: لا معرفش يا حلوة.

آسر: أصلك أنا كمان واخد إجازة. مهاب وعماد يكتموا الضحكة. والبنات. مراد يمسك شعره بعصبية. مراد: لما انتوا فرح عماد وعايزين تاخدوا شهر إجازة، أمال فرحكم هتاخدوا كام؟ آسر يترمي على مهاب: متفكرنيش يا مراد. آآآه يا وجع قلبي يا واد يا آسر. مهاب: معلش معلش يا بيضة. مراد: يارب صبرني. أنا نازل لو هتيجوا. حمزة: مراد، خدني معاكم. مراد: أمال عربيتك فين؟ حمزة: بتتفسح أكيد، بايظة يا مراد. مراد: تعالى، وربنا يصبرني لغاية ما أوصلك.

الكل يروح على الشغل. ويقعدوا البنات ويضحكوا ويتريقوا على سمر وكسوفها قدام عماد. ياتي وقت العشاء والكل يتجمع. يتكلم أشرف: أبويا، أنا هسافر بكرة علشان الشغل هناك. هنروح أنا وسالم. الجد: انت لسه مرتحتش يا ولدي من السفر؟ فاطمة: وإيه؟ انت بتقول إيه يا أشرف؟ لا طبعًا مفيش سفر. أشرف: يا أمي، هنخلص شغل وهنيجي على طول علشان نجهز للفرح. فاطمة: ربنا يستر عليكوا يا ضنايا. أشرف: مراد، منسه هتنزل بكرة معاك الشغل. مراد:

بصلها وقال: فرصة. حاضر يا عمي. منسه: لا، أنا هنزل مع آسر أو مهاب. أشرف: لا يا بنتي، علشان آسر ومهاب بيسافروا كتير. آسر: وبعدين إحنا معاكي، متخفيش، مراد مش هيعضك. منسه تضحك. مراد بصلها وتحلفلها في سره. زينب باصة عليهم وطبع. (معلومة: زينب بتحب مراد بس هو مطنش كدا طبعًا) بعد ما الكل خلصوا العشاء واتفقوا إن منسه هتنزل بكرة مع مراد. البنات مع بعض في الغرف بيتحكوا. هالة: الله يسهلوا، هتروحي مع الوحش بكرة؟

منسه: وحش لما يلهفك، دا كان بيبص ليا هياكلني. ليلى: يا بتي حرام عليكي، دا كان الفرحة باينة على وشه. منسه: أووي، حقه. زينب: مراد مش بيحب بنات تشتغل معاه، بس هو علشان عمي أشرف هياخدك. سمر: وهوا في واحد تمشي معاه واحدة كيف العسل كدا؟ ويقول... لمنسه: تسلميلي انتي يا قمر بتاع البيت انتي وعروستنا المنتظرة. ياتي الصباح. تصحى منسه وتغتسل وتصلي فرضها وتلبس دريس أسود وخمار طوبي.

عند مراد، صحي واغتسل وتوضأ وصلى، لبس بنطلون أسود وتيشيرت أبيض وجاكيت أسود جلد، وسرح شعره وحط البرفان الخاص بيه ولبس الساعة. ونازل لقي منسه نازلة. منسه: صباح الخير. مراد: صباح الخير. إيه رايحة جنازة يا كا؟ حمزة شافهم: صباح الجمال. إيه الحلاوة دي. منسه: صباح الورد عليك يا زومة، كلك ذوق مش زي ناس. حمزة: وبعدين يا مراد، انت مش شايف نفسك؟ ما انت برضه لابس أسود. مراد: بصلهم ومشى. منسه: بارد ومستفز. مراد: سمعتك.

منسه: هوا دا مركب إيه في ودنه؟ وهي بتقلده: سمعتك، سمعتك. حمزة: قاعد يضحك عليهم. انزل أنا بقا يا سوسو علشان أحلق. امشي. منسه: خدني في رجلك. ينزلوا يفطروا. الجد: مراد، خلي بالك من بت عمك. مراد: بنص ضحكة في عيوني يا جدي. الجد: تسلم يا ولدي. بعد الفطار. آسر ومهاب وأشرف وسالم سافروا. عند مراد: مش يلا يا باش مهندسة. منسه: يلا يا باش مهندس. منسه تبوس يد جدها وتقول له: ادعيلي. الجد: ربنا معاكي يا قلب جدي.

تبوس يد جدتها وتقول لها: ادعيلي. الجده: ربنا معاكي يا قلب جدتي. مراد: اللي يشوفها يقول رايحة تموت، مش يلا وإلا إيه؟ الجد: مالك يا مراد؟ براحة على البت. منسه: يلا باي. ليلى وهالة بغمزة عين: باي. يوصل مراد ومنسه الشركة وهما داخلين، ومراد كالعادة داخل بكل ثقة. وطبعًا زي كل يوم بيسمع همسات من الموظفين. ومنسه داخلة معاه والكل طبعًا عايز يعرف دي مين. يقف مراد في الشركة ويقول: دي الباش مهندسة منسه، بنت عمي أشرف.

الكل: اتشرفنا. منسه: متشكره. الشرف ليا. ياخدها مراد على مكتبها ويقول لها على الشغل. وطبعًا طحنها في الشغل. جات خبطة على الباب. مراد: ادخل. تدخل منسه: أنا عايزة أمشي. مراد: نعم؟ عايزة إيه؟ منسه: عايزة أمشي. فيها حاجة؟ مراد: هوا أنا جايب بنت اختي معايا، ولا جاية تتفسحي؟ ولا تفتكري زي بحري عندكم؟ منسه: يعني إيه؟ مراد: استني شوية ونروح. منسه: طيب ما تقول كدا من بدري، بدل المسلسل اللي قولته. بعد شوية مراد خلص شغل.

مراد: يلا بقا. منسه: يلا. ويمر أكتر من أسبوع. وطبعًا منسه اتقربت لمراد جدًا، ومراد اتعود عليها في يومه. لغاية ما في يوم منسه ومراد راجعين من الشغل. منسه: باش مهندس مراد. مراد: اممم. منسه: ممكن ننزل نتمشى شوية في الزرع؟ مراد: بصلها وسكت. منسه: معلش. مراد يقف على جنب ويقول لها: انزلي. منسه: سقفت وقالت: هااااي. ونزلت. مراد في نفسه: طفلة والله. نزلوا وقعدوا يتمشوا وهما ساكتين. منسه قعدت. مراد: يعني قعدتي؟ منسه: عادي.

مراد: قعد جنبها وقعدوا يتحكوا على الشغل. وهما بيتحكوا، عدوا عليهم أولاد عمهم من العيلة. سلموا على مراد. وبعدين: مين دي يا باش مهندس؟ مراد: دي بنت عمي أشرف. واحد منهم: آآآه، البت الباش مهندسة. أخبارك إيه يا باش مهندسة؟ منسه: تمام الحمد لله بخير. واتحكوا شوية صغيرين. مراد دمه بيغلي. مراد: طيب، أستأذن أنام. منسه: بعد إذنكم. هما: اتفضلي. منسه: إيه أستأذن دي؟ مش في واحدة معاك؟ مراد: تعرفي تخرصي؟ منسه: إيه أخرصي دي؟

ومالك اتقلبت مرة واحدة كدا؟ مراد: تعرفي تخرصي؟ طول الطريق ساكتين ومحدش بيتكلم. ومنسه هتموت. ومراد متعصب جدا. قعدوا. ومنها متغاظة جدًا ومراد متعصب جدًا.