رواية لهيب الانتقام الفصل الرابع 4 - بقلم شروق السيد

كريم بغضب: هو مش جوزك؟ افهمي بقى انتي مراتي أنا، مراتي فاهمة ولا لأ؟ مراتتييي! سيا بصدمة: إيه؟ كريم بغموض: اللي سمعتيه. سيا بغضب: انت مجنون يا بني آدم انت ولا إيه؟ كريم بعصبية وهو يمسك فكها: تؤ تؤ يا مراتي المصون. مفيش ست محترمة ترفع صوتها على جوزها كدا، فااااهمة ولا لا؟ سيا بتوهان: انت مين طيب؟ أنا حاسة إني أعرفك بس بس مش فاكرة. كريم بسخرية: هه، عندك حق. متفتكريش، هتفتكري واحد شبهي ازاي يعني؟

سيا بتأكيد: بس أنا متأكدة إني أعرفك قبل كده. فيك حاجة مألوفة أوي بالنسبة ليا. كريم بنبرة كفحيح الأفاعي: لازم تعرفيني يا حلوة. أنا جحيمك. سيا بدوخة: بس أنا مش هسمحلك أبداً إن... سقطت فاقدة للوعي. علي بلهفة: سياااا! حبيبتي يا بنتي، حصلك إيه؟ كريم ببرود: ابعد كدا. وحملها لغرفتها. يحاولون إفاقتها ولم تفق. كريم بقلق: هي مبتصحاش ليه؟ أنا هطلب الدكتورة؟ أو لا لا. أوعى كدا، أنا هوديها المستشفى.

علي بقلق هو الآخر: طيب يلا، وأنا هاجي معاك. وحملها كريم ونزل بها لأسفل وركب سيارته وانطلق باتجاه المستشفى. كريم: عايز دكتورة هنا فوراً. الدكتور: حضرتك سيبها هنا وأنا هشوفها. كريم بغضب: مسمعتش أنا قولت إيه؟ قووولت دكتورة، مفهوم ولا لا؟ الدكتور بخوف: حاضر، حاضر. جاءت الدكتورة كما طلب. الدكتورة: لو سمحت انفضل برة عشان أكشف عليها. كريم بجمود: شوفي شغلك يا دكتورة. أنا مش هتحرك من هنا. الدكتورة: بس حضرتك...

كريم بعصبية طفيفة: مبقاش، شوفي شغلك يلااا. الدكتورة بغيظ: حاضر. وبدأت بفحصها. الدكتورة: هي المدام تعرضت لفقدان ذاكرة قبل كدا؟ كريم: ها؟ فقدان ذاكرة إزاي يعني؟ الدكتورة بعملية: لأن من الواضح إن المدام أجهدت دماغها في التفكير أو حد ضغط عليها في حاجة خلاها يحصل معاها كدا. كريم: مش فاهم، وضحي أكتر. وكمان مأفقتش لية لحد دلوقتي؟

الدكتورة بعملية: هي رافضة تفوق بسبب الضغط الكبير على عقلها. بس الأول لازم نتأكد إزاي كانت فعلاً بتعاني من فقدان ذاكرة ولا لا. لأن لو دا حقيقي، في احتمال كبير تدخل في غيبوبة بسبب رفضها للواقع. كريم بصدمة: غيبوبة؟ الدكتورة: أنا محتاجة حد قريب منها أعرف حالتها إيه بالظبط. كريم بتذكر: آه صحيح، والدها بره. الدكتورة: تمام. نخرجله. علي بلهفة: طمنيني يا دكتورة، بنتي جرالها إيه؟

الدكتورة: اهدي حضرتك. ممكن تجاوبني على كام سؤال عشان نقدر نحدد حالتها. علي بقلق: أكيد، أكيد. الدكتورة: بنت حضرتك بتعاني من أي أمراض مزمنة؟ علي بقلق: لا، أبداً يا دكتورة. الدكتورة: طيب، هي عندها فقدان ذاكرة صحيح؟ علي وهو ينظر لكريم الذي ينتظر إجابته بفارغ الصبر: أيوه. كريم بصدمة: إيه؟