رواية لقاء الاحبة الفصل الحادي عشر 11 - بقلم فيولا عماد

بعد مرور أربع سنوات. أربع أعوام مضت على زين وكأنهم قرون وليس أربع سنوات. أربع سنوات وهو قالب العالم على معشوقته. لم يغفل له جفن، يبكي وكأنه طفل صغير تاه من أمه. حزين لعيون خديجة ودموعها، ولم يتردد في أذنه شيء غير خديجة وهي تقول: "بكرهك، بكرهك يا زين". الدادة فاطمة: زين يا ابني. زين بهلع: نعم يا تيته. فاطمة بحزن: مالك بس يا حبيبي؟ لأمتى هتفضل كده؟

زين بوجع: لحد ما خديجة ترجع وتسامحني ونبدأ من جديد. وحشتني أوووي يا تيته. هي ممكن تكون فاكراني صح؟ فاطمة بدموع: يا ابني أكيد فاكرك ولسه بتحبك كمان. هي بس واخدة على خاطرها منك. أي حد مكانه كان عمل كده. وهي كانت برضه أول حب ومفكرة الدنيا وردي. زين بحزن: شكت فيا. أنا حزين جداً أنها شكت فيا. والكلمة "بكرهك" اللي بتتردد في أذني. أنا تعبان أوووي. عايزها تسامحني.

فاطمة: هتسامحك يا حبيبي، هتسامحك. بس انت خليك قوي وأوعى تيأس. ربنا كبير وعارف إنك مظلوم، وإن شاء الله يجمعكم بخير. زين بحب: يارب. يلا بقا حضري لنا فطار حلو كده عشان عندي ميتنج مهم جداً وسفر لمدة أسبوع برة. وهتيجي معايا. فاطمة: حاضر يا حبيبي. *** خديجة بصريخ: حد يلحقني! قاسم بخوف: مالك؟ سليم بهلع: مالك يا حبيبتي؟ في إيه؟ ها؟ انتي كويسة؟ خديجة باستغراب: انتوا بتعملوا إيه هنا؟ سليم: مالك يا بنتي؟

خديجة ببعض الخوف: معرفش يا بابا، بس شفت حلم وحش جدا. ثريا وهي تضمها لحضنها: إيه اللي حصل يا حبيبتي؟ خديجة بخوف: معرفش، حلمت إني مسجونة وفي كلاب بتنهش فيا، وبعدين فوقت. أنا خايفة أوووي. سليم بحب وخوف: متخافيش يا حبيبتي، أنا معاكي. حسن بحب: متخافيش يا دودو، إحنا جنبك. قاسم بحب: إيه رأيكم بلاش نخرج النهاردة وتيجي معايا الشركة بتاعت أبي وباباكي؟ خديجة بخوف: لا يا عم، أنا خايفة.

ثريا بحب: خلاص يا جماعة خليها ترتاح النهارده وبكرة تخرجوا لـ الشركة. قاسم: تمام. باي. وذهب وخلفه الجميع ما عدا ثريا. ثريا بعد أن خرج الجميع: الحلم ده أنا بقيت أخاف منه، وبالذات إن زين عنده سفر النهاردة، ومحدش عارف هيسافر لفين. هنعمل إيه؟ خديجة بدموع: أنا حلمت وشوفت زين، وبستنجد بيه وهو شافني وبعدين مشي بعيد. زين وحشني أوووي، بس هو اتجوز.

ثريا بحب: بكرة يجيلك الأحسن منه. هو ابني آه، بس بعد اللي عرفته أنا بقيت أخاف عليكي منه. متخافيش وغيري وانزلي نتمشى شوية يا حبيبتي. و لكن قاطع رد خديجة رن هاتفها: آنسة خديجة، ممكن تشرفينا في الكلية النهاردة. خديجة بخوف: ليه يا دكتور؟ : في أوراق لازم إمضتك عليها عشان التخرج من كلية الطب. خديجة: تمام، حاضر. ساعة وهكون موجودة. باي. ثريا بحب: يبقى نروح نمضي الورق ونمشي شوية. يلا جهزي.

وذهبت ثريا وخديجة بدأت تجهز نفسها مع بعض الخوف والقلق. *** : تمام يا بيه، كل حاجة زي ما حضرتك قولت. : فلوسك هتوصلك بعد ما تخلص المهمة. الورق، انت فاهم. : أوامرك يا بيه. : غلطة واحدة فيها رقبتك. وإنهاء الاتصال. *** زين: تيته، خلصتي؟ فاطمة بحب: اها يا حبيبي. بس مقولتليش هنسافر فين؟ زين بتوتر: ممكن أقولك لما نوصل. اعتبريها مفاجأة. فاطمة: مش مطمنالك. زين بحب: يا حبيبتي، إن شاء الله خير. يلا. وذهب زين وفاطمة للمطار للسفر.