رواية لقاء القدر الفصل السادس عشر 16 - بقلم لمياء نبيه

داده: مستر يزن الحق مدام حور بعد ما أكلت أغمي عليها. ليجري يزن ويأتي مع الدكتور حتى يصل إلى البيت. يدخل الدكتور لحور، ينظر يزن للداده والغضب يملأه: "لو حصلها حاجة مش هخلي يوم ليكي تاني في الدنيا، مش بس في البيت." الداده: "وأنا أعرف منين يايزن باشا إن الأكل منتهي الصلاحية؟ يزن: "ده شغلك، يبقى الدنيا مش حباكي. لو حصل ليها حاجة، يلا شوفي تميم." يخرج الدكتور،

يجري عليه يزن: "خير يادكتور، انقلها مستشفى، أي حاجة المهم تبقى بخير." الدكتور: "اهدي يا يزن باشا، تنقلها مستشفى؟ الأمر مش مستحق، مبروك." يزن بعدم فهم: "هو إيه اللي مبروك؟ مراتي أكلت أكل منتهي الصلاحية وتقولي مبروك؟ حضرتك واخد الشهادة منين؟ مال الدكتور: "حضرتك الإغماء اللي حصل بسبب أن المدام حامل، مش بسبب الأكل. الأكل مسببش حاجة." يزن بصدمة وفرحة: "قول والله كدا." الدكتور: "مبروك يا مستر يزن."

أخذ الدكتور في حضنه يزن: "شكراً أووي يادكتور، انت عارف انت أحسن دكتور شفته في حياتي، هيا صحت؟ الدكتور: "هتفوق كمان شوية، وأنا هكتب ليها شوية فيتامينات، ومبروك للمرة التانية." يزن: "الله يبارك فيك. اتفضل أوصلك." وصل الدكتور، وكان هيطير من الفرحة. راح لتميم، لقي هناك الداده بتعيط. يزن: "حاجة سهام." الداده: "نعم يابيه." يزن: "أنا آسف اتعصبت عليكي." الداده: "ولا يهمك يابيه، بس والله ما كنت أعرف إن الأكل بايظ."

يزن: "وأنا عارف يا حاجة. ها، مقولتيشلي، مش تقوليلي مبروك؟ الداده: "مبروك، بس ليه يابيه؟ يزن: "أول حاجة، معتّيش تقوليلي سلبية، قوليلي يزن، أو قوليلي يابني." الداده: "حاضر يابيه." يزن: "قولنا إيه، ها؟ الداده: "حاضر يابني، ها، في إيه؟ يزن: "مدام حور حامل." الداده بفرحة: "مبروووك، لولوووووي." يزن: "عايز أعملها مفاجأة." الداده: "واجب بردوا يابني، وأنا هخلي بالي منها."

يزن: "لو سألت عليا، متقوليلهاش حاجة، ولو قالت أي حاجة، قوليلها إن الأكل كان بايظ." الداده: "تمام يا بني." عند عز. عز: "عجبك اللي أنا فيه؟ وعد بتضحك في سرها: "مالك ياحبيبي؟ عز: "حبيبي؟ لا، قوليلي يا أختي يا قمر. حرام على أبوكي دا." وعد: "ليه، عمل إيه؟

بيحاول يقلد سامر والد حور: "مفيش خروج ولا فيه مقابلات، وليك مرة كل شهر تيجي تشوفها لحد ما نشوفك ونكتبوا الكتاب. يا وعد، أربع شهور بأربع زيارات، مرتين منهم فضلت قاعد مع أبوكي، ومرة كانت نص ساعة، ومرة كانت ساعة وأخوكي معانا. ويوم ما أخرج معاكي أبقى بالمنظر ده." وعد بتضحك ولكن تحاول إخفاء: "ماله ياحبيبي؟ بس منت حلو أهو. أي دا، فين الجوانتي؟ كدا إيدك تبان." عز: "يا جدعان، هتموتني والله. بس نشرب الأول. نطلب إيه؟

نادى الجرسون. الجرسون: "نعم يا آنسة." عز: "آنسة إيه؟ انت متخلف." الجرسون: "إيه دا، دا صوت راجل." عز: "شوفت. تعالي بقا أقولك." أخذت وعد بيدها ورجعت لحور. وعد ضحكت. عز قعد تاني. عز: "دي أول وآخر مرة هخرج كدا. يعني هيحصل إيه؟ وعد: "مالك ياعز؟ والله شكلك كيوت." عز: "هتخليني أشالك وأرميكي في البحر." وعد: "إيه دا، مش دا بابا وآمال؟ عز بيتلف: "صلاة النبي أحسن." سامر وآمال قربوا ليهم. سامر: "إيه دا، وعد بتعملي إيه هنا؟

وعد: "قاعدة مع صحبتي يا بابا." آمال بصت لعز: "مين دي يا وعد؟ وعد: "أظن قولت صحبتي." سامر: "طيب ياحبيبتي، ازيك يابنتي." عز يحاول يرّق صوته: "السلام عليكم يا عمو." آمال: "طب ما نقعد معاهم." وعد بتبص لعز، وعز بيبصلها. سامر: "والله فكرة يابنتي. اقعدي يلا، وانتي يابنتي روحي جنب صحبتك في الكرسي اللي هناك دا." عز بابتسامة وفي سره: "قولت بردوا، أكيد هيعمل حاجة حلوة في حياته." وعد: "حاضر يابابا."

سامر: "وانتي هتعملي إيه يا آمال بعد ما بقى كل حاجة باسمك؟ آمال: "هتجوز بقا يا عمي." سامر: "مين سعيد الحظ اللي هياخد آمال؟ وعد بصوت خافت يسمعه عز: "أمه دعت عليه في الحج." عز ضحك. سامر وآمال بصوا لضحكته. سامر: "صاحبتك ضحكتها غريبة." وعد: "لا، هيا عادية." سامر: "بس هيا شكلها حلو بالنقاب. لبساه بقالك قد إيه؟ عز: "من وأنا في الثانوي يا عمو." سامر: "بارك الله فيكي ياحبيبتي، اهو دي الصحاب." عز: "ربنا يخليك."

آمال بخنقة: "إيه، مش هنطلب حاجة؟ نادت جرسون. جه. عز بص له وعمله بإيده حركة: "هقتلك لو اتكلمت." بص له سامر، عمل أنه بينفش ذبابة. عز: "الدبان كتير النهارده يا وعد." وعد: "آه، مش بيرشوا. بتبص لباباها، مش ملاحظ حاجة زي دي؟ سامر: "آه، شوف يابني، الأنسات يطلبوا." ابص الجرسون لعز: "لا، حضرتكم، أنتم رجالة أوي." سامر بيضحك: "تسلم ياحبيبي. بس شوف الستات يطلبوا إيه." الجرسون: "لا ياباشا، أنتم رجالة." سامر: "فيه إيه يابني؟

ليه يقولوا إننا مجتمع ذكوري؟ روح شوف عاوزين إيه." الجرسون: "والله انت حر." وبيبص لعز: "تطلب إيه ياباشا؟ عز بيحاول يغير صوته: "عاوز واحد قهوة." جرسون: "طيب، وحضرتكم، كل واحد طلب." مشي وجاب الطلبات ورجع. جم يحسبوا. سامر: "الحساب جه؟ الجرسون: "آمال: "خلي الحساب عليا يا عمي." سامر: "يابنتي، أنا الراجل اللي هنا." الجرسون: "متتكش أوي على الكلمة يا أستاذ." سامر: "هو في أي يابني ومالك كدا؟ وإيه اللي في وشك دا؟

الجرسون: "منا علشان كدا بقولك، بلاش يا أستاذ تتك على الجملة." سامر بعدم فهم: "مش فاهم حاجة." آمال: "هدفع يا عمي، أنا المرادي بقا." سامر: "ياحبيبتي، لا، أنا قولت كلمة خلاص." يقع فون آمال على الأرضية. تنزل تجيبه لتري جذمة رجالية ترتديها صديقة وعد، فتفهم آمال ما يحدث. آمال: "نلعب ياعز؟ وماله." تعدل نفسها وتبص لعز اللي خاف لما شقها بصاله كدا. عز بصوت مصطنع: "هو في إيه يا أخت آمال؟ آمال: "انتي تعرفي وعد من زمان؟

سامر: "لا، لأن وعد عمرها ما قالتلي عليها. بس ياريت تبقي معاها على طول. أنا استريحتلك." عز: "تسلميلي يا عمو." آمال: "إيه دا، إيه اللي ماشي على النقاب دا؟ عز بخوف: "فين؟ آمال: "على النقاب من فوق." وعد: "مفيش حاجة يا آمال." آمال: "بتهزري يا وعد؟ سامر: "فين يابنتي؟ آمال: "آهي يا عمي." عز: "ممكن تحوشيها، أختي في الله." سامر: "شوفي الأدب والاحترام." وعد بتضحك في سرها. آمال: "طبعاً ياحبيبتي." تقوم آمال وتفك النقاب. فيقع.

سامر: "إيه دا؟ عز؟ عز بص لآمال: "اهدي يا عمي، هفهمك." سامر: "تفهمي؟ عز: "اصل يا عمي." سامر: "عمك إيه؟ قولي يا مقطف، قاعد وعامل لي حرمة." عز: "كنت عاملاها لك مفاجأة، بس بنت الناس الطيبة دي كشفتها." سامر: "يا شيخ." عز: "دقيقة، هفهمك." ويقوم يجري. عند حور. كانت بتلعب مع تميم ويزن جه. قعدوا يلعبوا معاه. آلاء: "حور، الحقيني. تعالي بسرعة." حور: "في إيه؟ آلاء: "تعاليلي على البيت، الحقيني."

حور: "طيب، يزن، تعالي وصلني لآلاء." يزن: "حاضر. داداه، تعالي خدي تميم." يطلع يزن العربية وينطلقوا. حور: "إيه دا، دا مش الطريق يا يزن." يزن: "انت خطفني؟ يزن: "أيوا." حور: "متهزرش، البت بت... قاطعها يزن: "هتفهمي كل حاجة دلوقتي." يوصلوا لمكان تلاقي آلاء وعمر. فتدور لحور. يزن: "هفهمك، بس تعالي." تروح معاه حور. فيوصلوا لمكان على البحر فيه كيكة مكتوب عليها: "هلو مامي". حور بتبتسم: "حبيبي يا يزن. حلو المكان والكيكة؟

يزن: "بيديها ورقة." حور بتفتحها: (كنا أسرة مكونة من ثلاث أطفال، أنا وأنتي وتميم حبيبي، ولكن أراد القدر غير ذلك، وسيصبح هناك فرد جديد بيننا. هلو مامي من جديد.) حور ابتسمت وبصت لآلاء. آلاء بتشاورها برأسها والفرحة في عينيها. آه، فتحضن يزن. حور: "أنا حامل." يزن بفرحة: "أيوه يا أجمل مامي." آلاء تروح لحور وتحضنها: "مبروك يا أجمل وأحلى حور." حور: "عقبالك يا عيوني." عمر بيبص لآلاء ويبص ليزن ويحضنه.

عمر: "يا فرحتي بيك يا يزن." يزن: "بكرة تبقى أجمل أب يا حبيبي." اليوم عدى على حور كأنه جنة. روحت هو ويزن. يزن: "براحة يا قلب يزن." حور بتبتسم: "ياااه، إيه الهنا دا." بعد مرور ست شهور. عند آلاء. آلاء: "أنا عاوزة أجيب نونو يا عمر." عمر: "آلاء حبيبتي، نامي." آلاء: "مهو أنا عاوزة أعرف ليه كل أما أجيبلك سيرة الأطفال نعمل رواية؟ عمر: "آلاء ياحبيبتي، وماله، شوفتك حملتي وأنا زعلت." آلاء: "خلاص، نروح لدكتور." عمر: "دكتور؟

لا يا آلاء، معدش كتير على جوازنا، دي سنة." آلاء: "طب يا عمر، أنا عاوزة أخلف." عمر: "يالهوي، حاضر يا آلاء. اشربي بس عصير المانجا." آلاء: "حاضر يا حبيبي." آلاء شربت العصير وذهبوا في بحور عشقهم. عند وعد وعز. عز: "وحشتيني ياست وعد." وعد: "عز، صليت؟ عز: "آه والله، ومعتّش ليه غير قيام الليل." وعد: "أشطر كتكوت. وها البنات اللي في الشركة؟ عز: "مشيتهم ياست. وانتي بقا." وعد: "إيه؟ عز: "الطرحة." وعد: "مالها؟ عز: "تطول شوية."

وعد: "حاضر. إيه دا؟ عز: "إيه؟ وعد: "قيام الليل يا عز." عز: "حاضر. تصبحي على جنة." وعد: "وانت من أهلها." وقفلوا. بيدور عز يلاقي مراد بيبصله. عز: "في إيه؟ مراد: "اتغيرت أوي يا عز." عز: "هي تستاهل بجد يا مراد. علشان كدا بحاول أكون حلو، لأنها غالية. ف عاوز أغلى، أبقى زيها. هتصلي؟ مراد: "يلا." عند سامر. مامت حور: "كفاية ياسامر، انت شايف الولا حاله انصلح، ولا بيتقابلوا ولا حاجة." سامر: "بيتكلموا في الفونات ياسعاد."

مامت حور: "الولد والبنت مخطوبين ياسامر، ومن ست شهور منعته يجي. وقبلها كنت مديله مرة، وانت شايفه اتغير. خليك حنين عليهم علشاني ياسامر." سامر: "حاضر، علشان عيونك يا وعد." وعد: "أيوا يابابا." سامر: "قولي ل عز يجي بكرة، لينا قاعدة مع بعض." وعد: "حاضر. ممكن أعرف بخصوص إيه؟ سامر: "قوليله بس." وعد: "حاضر." بعتت رسالة ل عز، اللي رد وقالها حاضر. "يارب يبقى خير." عند حور. يزن: "مش قولتلك كام مرة تفصلي في السرير؟

أنا قصرت في حاجة؟ حور: "الدكتورة قالت أتحرك. طيب." يزن: "طب، منا مخليكي تتحركي في الأوضاع أهو." حور ابتسمت وطبعت على خد زين قبله، ودخلت في حضنه. لتتذكر أيام ما كانت في الشهر السادس في تميم. ياااه، كأنك نجاة يا يزن. بحبك. وتذهب في النوم. عند نرمين. حور: "ماما، بصي." نرمين بخضة: "انتي أكلتي إيه؟ أكلتي فلافل صح؟ ومحدش في البيت. ولازم دول الحساسية. وبابا مدي إجازة لناس. لازم أروح أجيبه. خليكي هنا." حور: "حاضر."

نرمين راحت تجيب دوا. وهيا راجعة، تلمح العربية وتتخبط. عند عز. مراد يجيله مكالمة، فيجري هو وعز على المستشفى. مراد: "الحالة اللي لسه داخلة في حادثة." الاستقبال: "في غرفة العمليات." يجري مراد ويقف ويستنى الدكتور يطلع. بعد مدة يخرج الدكتور. مراد: "يادكتور، طمني." الدكتور: "حضرتك جوزها؟ مراد: "أيوا." الدكتور: "للأسف، مش عارف أجبهالك إزاي." مراد بخوف: "في إيه؟