رواية لقاء القدر الفصل السابع عشر 17 - بقلم لمياء نبيه

الدكتور: حضرتك جوزها؟ مراد: أيوه. الدكتور: للأسف مش عارف أجبهالك إزاي. مراد بخوف: في إيه؟ الدكتور: المدام مش هتقدر طول عمرها تخلف تاني، لأن الحادثة كانت صعبة وللأسف اضطرينا نشيل الرحم بالكامل. مراد: طب ممكن أشوفها؟ الدكتور: هننقلها أوضة تانية والزيارة من بكرة. مراد: تمام. يادكتور. بص عز لمراد واستغرب أنه مش زعلان زي ما كان متوقع لخبر زي ده، وأنه مش هيبقى أب تاني. مراد بقلق: عز، حور في البيت لوحدها.

عز: بعت واحدة تقعد معاها. مراد: تمام. في الصباح عند حور. حور: يزن يا يزني. يزن بيفتح عينه: حد يصحى على حاجة زي القمر كده. حور بتضحك، فيقوم يزن يخطف قبلة ويدخل يأخذ شاور. حور: أنت قليل الأدب. يزن من الداخل: يا حوري تحبي أوريكي قليل الأدب. حور: إيه ده؟ تميم بينادي. وتنزل تحت تروح المطبخ وتبدأ تأكل. عند آلاء. عمر: حبيبتي اصحي. آلاء: صباح الخير. عمر: صباح النور. أنا رايح الشغل. آلاء: تمام يا عموري.

عمر: عمورك. إنتي رايقة. ممكن أعرف ليه؟ آلاء قامت وقفت قدامه: عشان عموري حبيبي هياخدني النهارده ونروح للدكتورة. عمر: ليه مالك يا حبيبي؟ دكتور إيه؟ آلاء: أنا تمام. ودكتور إيه؟ دكتور النسا يا عمر. عمر ينفخ: مش قولنا لا يا آلاء. آلاء: عشان خاطرك يا عمر. عمر قاطعها: عشان خاطري أنا يا آلاء. ارحميني. قولت لا. ومشى. عند نرمين. مراد: حمد الله على السلامة يا نرمين. نرمين: إيه حصل يا مراد؟ مراد بص لعز وعز بص له.

مراد: مفيش حاجة حصلت يا نرمين. حادثة بسيطة. عز بص له ومش فاهم هو ليه هيخبي عنها. نرمين: حور بنتي فين؟ مراد: في البيت مع داده. عز جابها. نرمين: شكراً يا عز. عز: حمد الله على سلامتك. وعد رنت عليه. وعد: أيوه يا عز. بابا بيقولي النهاردة هيستناك. عز: معلش يا وعد. اعتذري له. مش هقدر أجي. وعد: ليه يا عز؟ ده إحنا مصدقنا. عز: مرات مراد عملت حادثة. وعد: يا ساتر يا رب. وهيا عاملة إيه؟

عز: بخير الحمد لله. وكمان يومين وتخرج. واجبهم وأجي. وعد: تمام. ألف سلامة ليها تاني. ووصل سلامي. بعد مرور أيام. نرمين ومراد روحوا واستقرت حالتها وبدأ يقرب منها. ووعد وعز اتفقوا مع سامر على يوم. ويزن وآلاء كل دقيقة حبهم بيزيد. وعمر وآلاء في خناق دائم. عز: يا مراد يلا أنت ونرمين. مراد بص لنرمين: إيه الجمال ده. نرمين: محدش جميل غير. بقولك يا مراد. مراد: إيه يا نرمين؟ نرمين: بفكر أجيب بيبي تاني لحور.

مراد: حاضر يا نرمين. بس حور تكبر. نرمين: حور بقت سنتين أهو، وأنا عايزة كمان بيبي. علشاني. مراد بزعل: حاضر يا قمر. حور لبستيها؟ نرمين: آه. لبستها. خدها وانزل أكون خلصت. مراد نزل بحور. عز أول ما شافها. عز: هاتها. وأخدها وباسها. إيه القمر دي؟ دي إزاي بنتك يا مراد؟ دي قمر. مراد: هموت من الضحك على الظرافة اللي إنت واخدها دي. عز فضل يلاعب حور. ونزلت نرمين وركبوا ومشوا ووصلوا. عز: أقدر حضرتك أعرف طلبتنا ليه؟

سامر: فاكر آخر مرة عملت إيه؟ بس أنا عشان شايفك اتعدلت، فقررت. هنكتب الكتاب كمان تلات شهور. عز: وأنا موافق يا عمي. وحبيت أقولك إني مش هعمل فرح. مراد ونرمين بصوا لبعض. وسامر بص لأم حور. أم حور: أمال هتعمل إيه يا عز؟ عز: هطلع بعدها رحلة عمرة في شهر رمضان. بص الجميع لعز وابتسم. مراد في عقله: معقولة دا عز بتاع البنات اللي كان كل يوم في بار وبيشرب؟ بص لوعد: ربنا يبارك فيكي ويخليكي له. وقفوا عند حور.

حور: يلا يا تميم يا حبيبي. قول أنا. تميم: أنا. حور: تميم. تميم: ميم. حور بضحكة: لا. تميم. تميم: تميم. حور: يزن. تميم: أن. حور: لا يا حبيبي. يزن. تميم: يزن. حور: تميم يزن. تميم: ميم. يان. يزن يدخل: يان يان يا قلب بابا. تميم يجري على يزن: بابا. يزن شاله ويبوسه: وحشتني أنت وماما. حور: أحضرلك العشا. يزن: يا داده العشا جاهز. الدادة: أيوه يا ابني. يزن: طب يلا العشا. تسلمي يا داده. الدادة: ربنا يخليك يا ابني.

راحوا كلهم العشا. عند آلاء وعمر. آلاء: عموري الحمد لله إنك جيت. اتأخرت ليه؟ عمر: الشغل يا حبيبتي كتير. آلاء: طيب يا حبيبي. بدأوا يتعشوا. آلاء: حبيبي. عمر: نعم يا قلب حبيبك. آلاء: أوعى تكون زعلان. عمر: حد يقدر يزعل من قلبه؟ بقولك. مش إنتي عاوزة بيبي؟ آلاء: أيوه. عمر: طب يلا. هجبلك العصير بتاعك اللي بتحبيه. تشرب آلاء العصير. آلاء: بحب حاجة اسمها فراولة. عمر: وأنا بحب حاجة اسمها لولو أوي. واشتلها. بعد مرور تلات شهور.

عند عز. مراد: والله قمرين يا عز. مين كان يصدق أن عز يتجوز؟ عز: يعني أنا حلو؟ متأكد؟ مراد: أيوه يا حبيبي. مبروك. حور تجري على عز. حور: عز مبروك. عز: قلب وعيون عز. عقبالك. أنا حلو. حور: آه. أحلى من بابا. مراد: دي آخر قعدتها معاك. حد أحلى من بابا. حور: لا. بابا. وباسته. نرمين: حور تعالي هنا. مش قولنا نسيب بابا مع عز. عز: سبيها. دي حوريتي. بوسة لعمو. باسته. عز: الله. دي الجنة دي. صح؟

نرمين: اقعد دلعها لحد ما هي مش عاوزة تسيبك. عز: دي بنتي الأولى يا نرمين. قبل ما تكون بنت مراد. ولا إيه يا مراد؟ مراد: أكيد. بص في ساعته. طب أنا بقول يلا أحسن محنا اتأخرنا. عند حور. آلاء: يا آلاء. سنة متجوزين ومفيش أي حاجة. حور: يا آلاء. اهدي. مش كدا. آلاء: حور. كل أما أقوله أروح الدكتورة مش راضي. حور: يمكن سايبها على ربنا وخايف. لو كان في عيب. آلاء: ولو يا حور. حتى لو إحنا سوا بس نعرف. ده بيرفض من قبل ما نكلم. حور

تشعر بالألم ولكن تتخطاه: يا آلاء. عمر بيحبك. ليدخل يزن: سمعت اسم عمر يا خونه. صحبي ماله؟ حور بضحكة: مفيش يا حبيبي. خناقة بينه وبين آلاء. يزن: بردوا موضوع الأطفال يا آلاء. يا حبيبتي. مش لازم دكتورة. آلاء: يزن. أنا نفسي في بيبي. أنا بقيت بشك أنه عارف حد. يزن بضحكة: عمر لا يا شيخة. ده غلبان. حور يشتد عليها الألم. آلاء: مين يطبل للعروسة غير أمها. حور تبدأ في الصراخ. فيجري عليها يزن وآلاء. يزن: مالك يا حبيبتي؟ في إيه؟

آلاء: شكلها بتولد. يزن اشتلها. وحور الألم بيزداد وتصرخ. وصلوا المستشفى. حور: منك لله يا يزن. أنا مش مسامحاك. يزن: وأنا عملت إيه؟ حور: كل ده وتقول عملت إيه؟ يزن: مش كان بمزاجك؟ وغير كده. أول ولادة بتبقى كده. حور: لا. الأولى كانت سهلة. يزن: ليه؟ وإنت جربتي؟ حور: منك لله يا حفيد الأسيوطي. في غرفة العمليات. يزن دخل. يزن: حبيبتي. بإذن الله خير. اهدي. بس تصدقي شكلك قمر وإنتي بتولدي كده. حور: بجد والله.

يزن: أيوه. إنتي قمر طول الوقت. بس النهاردة فيكي حاجة تشد. حور: مبحبش قدك. يزن: إنتي عارفة إني أصلاً مش شايف غيرك. وبالمناسبة دي. هاتي بوسة. حور: تاني يا يزن؟ إيه ده؟ هما الدكاترة بيبصوا كده ليه؟ يزن ابتسم: يمكن عشان بتولدي. حور: آه. فكرتني. آاااااااا. منك لله يا ابن الأسيوطي. يزن كان جنب حور وفضل معاها يخفف عنها. وفجأة يظهر الصوت المنتظر. ليبتسم يزن وينظر لحور. مبروك يا حبيبتي. الدكتور: مستر يزن. مبروك.

يغادر يزن الغرفة. وينقل الممرضين حور غرفة عادية. بعد فترة يدخل يزن وهو يحمل البيبي. يزن: حمد الله على السلامة يا قمر. أدي البيبي قمر زيك. حور أخدته لحضنها وبدأت ترضعه. آلاء: أيوه يا سيدي. على الناس الجميلة. حور: آلاء. آلاء: يزن اطلع شوف صاحبك. يزن: حاضر. آلاء: مبروك عليكي يا حور. حور: الله يبارك فيكي. آلاء: وإنتي بتولدي. استغليت انشغال عمر ورحت عملت تحاليل وأشعة. حور: ليه يا آلاء؟ بس.

آلاء: متشغليش دماغك. أنا كنت هتجنن. وريني كدا البيبي. حور أدته ليها. شافته آلاء وحضنته. طلعت بره. وقفت جنب عمر. يزن: مش هتيجي تشوف ابن أخوك؟ عمر: إزاي؟ لازم أشوفه. دخلوا جوه. شاله عمر. حس بحنان وحب ناحية الطفل. وبص لآلاء اللي أخدت منه الطفل. ونفسها في طفل. عمر: آسف يا آلاء. إني حارمك من حاجة زي دي. عند عز ووعد. المأذون: بارك الله لكم وبارك عليكما وجمع بينكما في خير.

ليطلق أصوات الأفراح في كل مكان. ويذهب عز في أحضان وعد ويلف بها المكان. عز: يااه. وعد: عز. ابعد. إحنا. هتفضل كدا. عز: خلينا كدا. بعد مرور وقت من الأفراح والتقاط الصور. تدخل وعد بيتها. عز: يلا روحي غيري واتوضي. وأنا هتوضى ونصلي جماعة. ذهبوا كل منهم وصلى جماعة. وليذهبوا بعدها في بحور عشقهم. عند نرمين ومراد. مراد: كان يوم جامد. نرمين: آه فعلاً. يرن فون نرمين. نرمين: عن إذنك. وترد.

نرمين: أيوه. يعني التحاليل خلصت. تمام. هاجي أخدها بكرة. ينام جميع أبطالنا. في الصباح. مراد: صباح الخير يا قمر. نرمين: صباح النور يا قلب القمر. مراد: راحة فين كدا؟ نرمين: راحة للدكتورة. مراد: ليه مالك؟ نرمين: هقولك لما أجي. ممكن تبقى مفاجأة. مراد: تمام يا قمر. هتاخدي حور معاكي؟ نرمين: لا. جبت حد يقعد معاها. راحت نرمين للدكتورة. نرمين: والله يا دكتورة. نفس أعراض حملي في بنتي. الدكتورة: اتفضلي نكشف. لتنصدم الدكتورة.

نرمين: ها يا دكتورة. في إيه؟ الدكتورة: تعالي. اتفضلي اقعدي. نرمين راحت قعدت. الدكتورة: هو إنتي اتعرضتي لخبطة حادثة قوية؟ نرمين: آه. عملت حادثة. بس إيه العلاقة في دا؟ الدكتورة: للأسف حضرتك مش حامل. نرمين: إزاي يا دكتور؟ دي نفس أعراض حملي في بنتي. الدكتورة: يا مدام. اللي هقوله. آسفة فيه. بس حضرتك الرحم. إنتي عاملة له استئصال.