رواية لقاء القدر الفصل الثالث عشر 13 - بقلم لمياء نبيه

سامر: معنديش بنات للجواز، المقابلة انتهت. عز: حضرتك، إيه اللي حصل؟ سامر: أظن كلامي واضح، معنديش بنات للجواز. وعد: بابا بس... بص سامر لبنته فسكتت. مراد: طب يا أستاذ ممكن... عز قاطعه وشده من كتفه: يلا يا مراد. مراد: يلا يا نرمين. جرت وعد على غرفتها والدموع تسيل. بصت أم وعد لسامر: ليه يا سامر تكسر قلب بنتك؟ سامر: أنا عملت الصح، محدش هيخاف عليها قدي.

مراد في العربية ينظر إلى عز خايف من هدوئه، ونظر لنرمين اللي بصت له بعدم فهم من هدوء عز. وصلوا لبيت مراد. مراد: نرمين، اطلعي انتي وأنا هروح مع عز النهارده. وبص لحور وطبع بوسة على جبينها وراح مع عز البيت. في بيت عز. عز كان في هدوء تام. بص مراد لعز: عز حبيبي، أكيد في حاجة. عز: خلاص يا مراد، كلهم زي بعض. الفرق بينهم إن واحدة باعتني عشان الفلوس والتانية... قاطع مراد.

مراد: أنت عارف وعد يا عز، فيه حاجة غلط. باباها كان مرحب بينا، إيه اللي حصل؟ عز: خلاص يا مراد. مراد بدأ يفكر في اللي حصل: الفون يا عز. عز: مش فاهم. مراد: أبوها كان مرحب بيك لحد ما الفون رن. عز رن على وعد. عز: أرن عليها ليه؟ هي كانت المفروض ترن عليا. مراد: معلش يا عز، رن عليها. عز باستسلام: حاضر. ورن على وعد. عز: وعد...

سمع صوتها اللي كله عياط. أهدي، أنا معاكي يا حبيبتي. آه يا حبيبي، هنحاول معاه، مش مرة بس. متعيطيش تاني. طول ما أنتي غاوية، أنا شاري. والله أبيع العالم وأشتريكي. امسحي دموعك يا حبيبتي. وعد... عز الدين، متعيطش. وابتسم. بص مراد عليه وفي سره: دا مش عز الدين، دا عز الوعد. مراد: قولي لها تشوف آخر حد رن على باباها مين. عز: وعدي، شوفي آخر رن على أبوكي مين. تمام يا حبيبي، هستنى مكلمتك بكرة. تصبحي على خير. وقفل.

مراد: دلوقتي الضحكة عريضة. عز: عرفت أختار المرة دي صح. مراد: قولتلك وعد غير آمال يا عز. عز: ربنا يهني آمال. مراد: يلا نام. عز بابتسامته: يلا. في صباح. الاء بتروح المطبخ تلاقي يزن قاعد وجنبه تميم. يزن بيلعب تميم وتميم بيضحك، فاخده في حضنه. يزن: يا اختي قمر، بس اسمك إيه؟ الاء: تميم. يزن: تعالي يا الاء. الاء: مش دا اللي كنت بتقول مش عاوزه؟ يزن: أنا قولت كده. الاء ضحكت: لا، بس مدام صاحي، مدتهوش لحور ليه؟

يزن: قولت ألعب شوية وأشوف حور حباه ليه، لقيته بيتحب. وهدية لحور ليه؟ منا ممكن أعمل اللبن وهي شكلها مرهق، وهي أصلاً تعبانة. الاء: آه صح، طب أنا هقوم أعمل فطار. يزن: تمام، وأنا هلعب مع تميم. تصحى حور تدور على تميم جمبها متلقهوش، تقوم... حور: الاء يا الاء. تطلع بره وتنزل تحت للصالة تلاقي يزن وتميم. يزن: ها يا حبيبي، تعالي. يزحف ليه تميم. يا خراشي على القمر والجمال. تبتسم حور. حور: صباح الخير يا حبيبي.

يزن مبيردش ويكمل لعب مع تميم. حور: يزن، في إيه؟ يزن مبيردش، فبتقرب ليه حور وتحط إيديها على كتفه. حور: هترد صح، ماتقول في إيه يا يزن. يزن: الاء يا الاء. الاء بتروح ليزن: أيوا. يزن: خدي تميم، أنا رايح الشركة. الاء: الساعة لسه سبعة. يزن: أنا رايح. الاء بتبص لحور وحور بتبص ليها. الاء: هو إيه حصل؟ حور: شكله زعلان من امبارح. الاء: احكيلي إيه حصل. عند مراد. مراد: عز، أنت يا ابني. عز بنوم: في إيه يا ابني؟

مراد: قوم يلا افطر، وأنا هروح أنام. عز: والشركة؟ مراد: روحها أنت. عز: طب وأنت هتروح تنام ليه؟ منتا كنت نايم. مراد: عز، أنت مبتشوفش نفسك؟ ده أنت رجلك لقيتها في جنبي تلت مرات. عز ضحك: طيب يا خفيف، سلام. مشي مراد وطلع فوق، لقي نرمين وجنبها حور. مراد: شال حور وطبع بوسة على خدها ونام. عند حور. كانت قاعدة بتفطر هي والاء، لقت ناس داخلين عليها. حور: مين دول؟ الاء: معرفش، دقيقة. حور: خديني معاكي. قامت حور وحطت يزن في المشاية.

الاء: حضراتكم عاوزين مين؟ _حور الاسيوطي. حور: أفندم، أنتم مين؟ _أنا منه، ميكب أرتست. الاء: أيوا، جايين ليه؟ _مستر يزن بعتنا للاستاذة حور الاسيوطي نعمل ميكب عروسة. بصت حور بفرحة وصدمة في نفس الوقت للاء اللي كانت فرحانة. _ممكن أعرف أوضة النوم فين عشان نبدأ نشتغل؟ حور: اتفضلي. دخلت مع الميكب أرتست وبدأت تعملها ميك أب، والاء شايلة تميم ونامته. =لو سمحتم حد هنا. الاء: أنت مين؟ =أنا تبع إتيليه الملكة. الاء: أفندم.

=في فستان باسم حور. الاء: فستان إيه؟ =فرح يا فندم، وفيه واحد سواريه باسم الاء. الاء: شكرا. اخدت منه الفساتين. طول عمري بقول مبحبش قد يزن، افتكرني. بدأوا يجهزوا. وحور خلصت ميكب وفردت شعرها. حور: الاء. جت الاء ليها: أيوا. حور: حلوة؟ الاء: يا خراشي! إيه القمر ده! احم، لسه ناقص حاجة صغنن قد كده. حور: إيه هي؟ الاء راحت جابت الفستان: ده. حور فرحانة واخدته وحضنتها. في الليل.

خلصت الاء لبس وعملت ميكب خفيف، كانت شبه أول وردة تفتح في الربيع، وكان الفستان طويل وأسود وشعرها كان مغطي ضهرها. خلصت حور وفونها رن. يزن بضحكة: الو، معايا الملكة. شش، متكلميش. انزلي يلا، وأنا جبت حد يعد مع تميم. نزلت حور اللي شافت تحت الاء بجمالها، ويزن باصص ليها بابتسامته، وكان شبه أمير اللي بتتخيله البنت المراهقة. يزن منبهر بجمالها في فستانها الأبيض، فهي كحورية من الجنة. نزلت ليه.

يزن قرب يأخذها: عاوزة أقولك كلمة سر. حور: إيه؟ يزن: أنتي معاكي روحي، متقوليش لحد. حور ضحكت، فتزلزل قلب يزن. عمر جه وشاف الاء وفضل باصص وساكت. الاء: في إيه يا عمر؟ عمر: أنتي حقيقية؟ الاء: لا، كارتون. يلا حور ويزن هيمشوا. عمر: يعني هتركبي معايا؟ الاء: لا، أخاف. وضحكت، هروح أركب مع يزن. عمر: أنا مش هسكت على فكرة. الاء: هتعمل إيه؟ عمر: هتشوفي. ركبت الاء مع يزن وحور وراحوا قاعة. عند عز في بيته.

عز: أيوا يا حبيبتي، عرفتي مين اللي رن؟ شاور مراد لعز إنه يفتح الاسبيكر. عز: بصي، هفتح الاسبيكر عشان مراد عاوز يعرف مين. وعد: تمام يا عز، بس مفيش. آخر حد رن امبارح بنت عمي. عز: مقولتليش قبل كدا إنك ليكي بنت عم. وعد: عشان مش بحبها ولا بكلمها. عز: طب قولي رقمها. وعد: ليه إن شاء الله؟ عز بضحكة: يا خراشي! عشان أشوف ما يمكن هي قالتله. وعد: طيب، الرقم هو 010*******4. مراد: مستحيل! عز: في إيه؟ مراد: دا رقم آمال ماهر.

عز بصدمة: آمال! في القاعة، يدخل يزن وحور وفرحهم بيتذاع في لايف. يزن: كلها دقايق ومحدش يقدر يبعدنا يا حور، وأهو اتعملك فرح. حور: بموت فيك كده. يزن: طب ما تجيبي بوسة. حور: بطل عيب. ويأتي المأذون. المأذون: قول ورايا يا ابني. بدأ يزن يقول وراه. المأذون: قولي ورايا يا بنتي، قبلت الزواج. يأتي صوت من الخلف: وقفوا الجوازة دي! لا يمكن أن تتم! يزن وحور يقفوا.