رواية لقاء بعد زمن الفصل الأول 1 - بقلم منة مصطفى

في قصر فخم من قصور الفيوم عشت أنا ملك بنت اللواء محمد الكيلاني. لواء كبير واسمه مسمع في البلد. أحب بابا جداً من غير ما تتخيلوا، وأحب ماما جداً جداً. ماما بنت المستشار سامي حسين. كلنا عيلة وسطى يعني اللي ينسبنا يبقى لقى وسطه. القصر اللي عايشة فيه عمري ما طلعت منه، كانوا سجن عمري ما خطيت العتبة حتى لحد ما اتقدملي عريس. كفاية كده بقي. نبدأ. عنايات: يا ست ملك يا ست ملك قومي البيه والهانم عايزينك تحت الفطار. جهزت لك.

ملك: يا دادا يا قمر، انتي ما قلتيش اسمي ملك، هو أنا مش زي مروة بنتك؟ عنايات: والله في معزتها. يلا عشان البيه ما يزعقش. ملك: حاضر. قمت روقت سريري. أينعم عندنا خدم بس بحب أروق سريري. وتوضيت وصليت ونزلت. ملك: صباح الخير. محمد: صباح النور. ماما: صباح الفل وياسمين. ملك: أومال رامي فين؟ محمد: القائد بتاعه عاوزه في تدريب. هيدرب صف ظابط لسه واصلين امبارح في المركز. ملك: ربنا معاهم.

محمد: اللواء مصطفى عدنان ومدام وابنه هيشرفونا على الغداء. ماما: يتفضلوا، بس ليه الزيارة؟ محمد: طالبين إيد ملك. ملك: بصدمة. الصراحة فكرت، وكان نفسي أعيش جو الخطوبة زي صحابي، ومرة أطلع من القصر اللي محبوسة فيه. ده ماما وبابا بيعملوني كويس جداً بس بيخافوا علي جداً جداً. وقررت أجرب وأحضر الخطوبة بتاعتي. رامي: الله الله، مين هيتخطب كده بقي؟ ماما: أومال بابا قال هترجع بليل. جيت يعني؟ رامي: مش عاوزني؟

لا لا أنا أروح أقعد وسط العساكر حبايب قلبي اللي بيعملولي قيمة، مش هنا. على العموم أنا كنت جاي آخد شوية حاجات من فوق. محمد: ماشي يا ابني وارجع بدري النهارده. رامي: حاضر يا حج يا حج. محمد: اشتري أي فستان يعجبك أون لاين وادفعوا الحساب. ملك: يا بابا أنا عايزة أنزل اشتري. محمد: يا ملك يا حبيبتي أنا ما أضمنش الدنيا برا. بالله عليكي متزعليش. ملك: حاضر، بس هشتري حاجات تانية. محمد: اللي يعجبك يا ست بالمهندسة. ملك ضحكت وطلعت.

*** في بيت اللواء مصطفى عدنان. مصطفى: هند يا هنده. هند: أه‍ انعم يا بابا. مصطفى: أومال فين مازن؟ هند: كان وراه في الشركة شوية حاجات بيخلصها وجاي. مصطفى: تمام عشان هنخطب ملك بنت محمد الكيلاني. هند: دي بت قمر وأكيد هتعجب. مصطفى: نادي ماما يلا وعشان ناكل. هند: حاضر. ماما يا ماما. الأم: نعم يا هند، صوتك ما سمع ليه؟ هند: آه، الحق عليا. على العموم يلا عشان ناكل وبابا هيخطب ملك لمازن. الأم: ما أنا عارفة.

هند: لا لا، بقيت تخبي عليا يا ماما يا مامتي يا طيوبة انتي. الأم: عايزة إيه بالحنّية دي؟ هند: دائماً فهماني، عايزة دريس جديد. الأم: شوفي اللي يعجبك ونجيبه أون لاين. *** مازن وبيفكر: أنا ليه أتجوّز وأشيل مسؤولية؟ ولازم أرجع بدري عشان مباكلش من غير ما آكل. ولازم هدايا في الخطوبة. أنا ناقص أي القرف ده؟ بس ميهونش عليا زعل بابا برضه. أنا هروح ولا إيه؟ لا خلاص هروح. *** عند ملك. ملك: دا تحفة يا مروة.

مروة: هيبقي جميل عليكي جداً جداً. ملك: تعالي نشوف. وطلبوا وبعد ساعتين بالظبط. الشخص: اتفضلي يا فندم. دريس باسم آنسة ملك الكيلاني. عنايات: أيوا يا بني هات. الشخص: ممكن الآنسة ملك عشان تمضي إنها استلمت الدريس. عنايات: أكيد. يا آنسة ملك. ملك: نعم يا دادا. وصل! هيييييي! الشخص: اتفضلي. *** الساعة 6:30. مصطفى: يلا يا هند نادي مازن وماما يلا أنجزوا. هند: حاضر. عند قصر الكيلاني الجرس بيرن. عنايات: اتفضلوا اتفضلوا.

رامي: دادا مين دول؟ عنايات: جاين يطلبوا إيد ملك. رامي: آه ماشي. طلع رامي خد دش ولبس ونزل وشاف هند أخت مازن. وكلهم قعدوا ياكلوا إلا ملك. طلع رامي يجيبها. رامي: يلا يا عروستنا. ملك: حلو الفستان. رامي: والله انتي اللي محلياه. خسارة في الواد التنح ده. ملك: يعم اتنيل يلا. نزلت ملك وقعدوا على السفرة وكلوا وراحوا الصالون. مصطفى: إحنا لينا أمنية جاين ناخدها. محمد بضحك: من أولها كده.

مازن ماسك الموبايل ولا همه. وشاف ملك برضه ولا همّه. هند: سيب التليفون، الله يخرب بيتك هتفضحنا وبابا هيزعل. مازن: طيب. هند: والله جدع. أما أقوم أشوف مرات أخويا. مازن: غوري. وكلهم بيتكلموا. مدام دلال ماما ملك، ومدام جميلة ماما مازن. وكل واحد بيتكلم. وملك بتكلم مع هند. وانتهى الأمر أن الفرح الجمعة الجاية. مازن وملك في نفس اللحظة وتعبير الصدمة على وشهم.