رواية لقاء بعد زمن الفصل التاسع 9 - بقلم منة مصطفى

سامح.. الرقم يا فندم مش متسجل، بس المكان اللي توصلت له الترددات هو مكان غريب. هبعت لوكيشن ع واتس. محمد.. تمام. بعت سامح اللوكيشن ووصلوا هناك. الطريق كان مقطوع وضلمة. فجأة طلع عليهم حد. كان الحد ده هند. هند.. أنا هربت. يلا بسرعة قبل ما يجوا وراكم.

احمد.. طبعا يا ملوكتي، هند زمانها هربت. أنا أصلاً قولت لهم يسبوا الباب مفتوح من برا عشان تهرب ويروحوا يسلموا على بعض ويطمنوا، وبعدها أكون هربت بيكي لإيطاليا. خطة محكمة مش كده ولا إيه؟ ملك.. أنت إنسان مريض، سيبني أروح، أنا عمري ما آذيتك. احمد.. لو سبتك تروحي أبقى آذيتيني يا ملك. ملك.. أنت مستحيل تكون عاقل، مستحيل. احمد.. فعلاً، أنا مش عاقل. أنا مجنون بحبك. هههههههههههه. آه، حاجة كمان، كلها سبع ساعات ونكون في الطيارة.

هند.. أومال فين ملك يا عمي؟ وصلتوها؟ محمد.. هناخدها واحنا راجعين. اطلع ع مستشفى يا مازن. طلعوا ع المستشفى وكانت الصدمة. مازن بيسأل السكرتير وقالوا أستاذة ملك طلعت من المستشفى. مسك مازن السكرتير وضربوه. بيقولوا إزاي. ورن ع جميلة ودلال وقالوا له مفيش حد أصلاً خد ملك من المستشفى. محمد.. يعني إيه؟ يعني ملك اتخطفت؟ هند.. يبقى مكنش صدفة ولا حسن حظ. محمد.. هو إيه ده؟

هند.. يا عمي، اللي خطفني واحد مجنون بيحب ملك وبيقول أنا اللي هوصله. وبعدها بيوم واحد غيره جه والتاني كان بيتكلم. بكلوا الممرضة والدكتور عملوا الواجب والزيادة وخدوا فلوسهم. وبعدها جاب أكل وساب المفتاح من بره، دي أول مرة يعمل كده. كان عايزني أهرب. قصدنا لازم ندور ع ملك. محمد.. متتكلميش اسم الدكتور أو أي حاجة تقول عليه. هند.. لا والله. جت الممرضة سلمى من المستشفى وسمعت كل حاجة وراحت.

سلمى.. محمد بيه، ممكن كلمة في العربية؟ محمد.. اتفضلي. سلمى.. أنا عارفة كل حاجة. أنا سلمى اللي كنت ماسكة العيادة. وجيه دكتور عمرو طلب مني إني أدي ملك حقنة منومة وهاخد مبلغ، وأنا رفضت بكل الطرق. وهددني إن لو فتحت بقي هاذي. وأنا مقدرش أشوفكم بحالة دي. محمد.. تمام، شكراً. مازن.. فين الدكتور عمرو؟ سلمى.. خد انهاردة إجازة بدون مرتب ومحدش يعرف أي حاجة عنه. كانوا فص ملح وداب.

مازن.. يبقى العربية اللي كانت هتخبطنا مكنتش صدفة ولا حاجة. محمد.. رقم العربية ده اللي هيوصلنا لمكان ملك. عند ملك. تليفون احمد وقع من غير ما يحس. شافته ملك وكانت عايزة تتصل بأي حد بس كانت مربوطة في الكرسي. وكان في سكينة ع الطرابيزة. فضلت تتحرك بكرسي لحد ما خدت السكينة وبدأت تقطع الحبل. ومسكت التليفون. حاولت تتصل بباها بس كان بيكنسل، كان مفكر حد من الشغل. وبعدها بتحط إيدها في جيبها لقت ورقة مكتوب فيها رقم معتز.

معتز.. دا رقمي لو عاوزتي أي حاجة، رني وميهمكيش. ملك.. شكراً يا معتز. والله أد إيه أنت إنسان جميل جداً وشكراً ع كل مساعدتك. معتز.. إيه يا ملك؟ إحنا مش بقينا صحاب ولا هتفتري عليا وتقولي أنت حطت موظف في الشركة وشيل عربيتك متركنهاش؟ والي رشيه بشكولاتة غيرك ترفدي؟ ملك.. ههههههههههه. معتز.. تدوم الضحكة. رنت ملك ع معتز. معتز.. ألو. ملك.. أنا ملك يا معتز، الحقني أنا مخطوفة. معتز.. إيه؟ إزاي ومين خطفك؟

ملك.. مش وقت تفاصيل. الحقني، ٤ ساعات وهيسفرني إيطاليا. الحقني يا معتز. هبعت اللوكيشن. روح لبابا أو أي حد. معتز.. ابعتي يا ملك بسرعة. بعتت ملك اللوكيشن. فجأة دخل احمد وصدمة هنا. لقي ملك مربوطة عادي. وبعدها بيقول: ملقتش تليفوني. ملحقتش تشاور كأنها متعرفش. لأن حاطه ع بوقها بلاستر وكان في خشبة كبيرة. لف احمد وكان خارج. وهوب ملك ضربته ع راسه وهربت.

معتز نزل جري وراح يدور ع محمد أبو ملك. وراح البيت وكل حتة. وحاول يرن ع محمد بعد مرات كتير. محمد.. الو يا معتز. معتز.. عمي، أنا عارف مكان ملك. كلمتني بعتت اللوكيشن. محمد.. أنا جاي حالا. ملك طلعت ع الطريق ولقيت واحد بمسدس وموجه المسدس راسها. وفجأة.