رواية لكنني احببتك الفصل التاسع 9 - بقلم شهد

وفجأة فريدة رجعت لورا وسندت على الكرسي قبل ما تقع. وهي بتبص لأمير. أمير مسك إيد ليلي وباسها وقال: "والفرح بعد بكرة." أدم: "أمير." أمير بص له وقال: "الله يبارك فيك." فريدة لأختها: "مبروك." فريدة خرجت من البيت وكلهم مستغربين ما عدا أمير وليلي. فريدة كانت ماشية بتعيط وهي بتقول: "أنا مش بحبه، مينفعش أحبه أساساً." في بيت أمجد. أمجد لأمير: "أنا عايز أفهم إزاي تتجوز ليلي؟ أمير: "بابا، مش أنت واثق فيا؟

اتأكد إني مش هعمل حاجة غلط." في بيت فريدة. فريدة: "حاضر." اللي بيخبط. فريدة فتحت ولقيت أدم في وشها. وجت تقفل الباب بسهولة. حط إيده. أدم: "اسمعيني." فريدة: "خير؟ أدم: "مكنتش أقدر أتجوزك لسببين." فريدة بصت له وهو قال: "أنا كنت، ولحد دلوقتي، بحبك، بس مكنش ينفع لأني عرفت إن أمير أخويا بيحبك." أدم خد نفس وقال: "ولأني عندي كانسر وحالتي متأخرة." فريدة بصت له بحزن وهو قال: "عايزك تسامحيني عشان لو مت."

فريدة حطت إيدها على بقه. وأمير كان الباب مفتوح ودخل شافهم. أمير بص لهم وخرج. يوم الفرح. ليلي بزعيق بفستانها الأبيض: "أمير اتصرف، أنت مجنون؟ لأ نتجوز ولا هنتجوز. أنا وافقت أساعدك عشان أنت بتحب فريدة." أمير: "أختك عنيدة والظاهر هستخدم معاها آخر أسلوب." في شقة والدة فريدة. فريدة كانت خارجة من الأسانسير بس لقيت أمير واقف قدامها ببدلته السودة. فريدة بحزن: "إيه اللي جابك؟ أمير بتهديد: "ادخلي يا فريدة."

فريدة: "لا مش داخله." أمير زقها جوه الأسانسير وضغط على آخر دور اللي فيه شقتها وقال: "النهاردة هنحدد نهاية الحكاية يا فريدة." فريدة جت بعد حاوطها وطلع منديل فيه مخدر من جيبه ومسك فريدة وهي بتحاول تبعد. ومفيش ثواني إلا وفريدة وقعت في حضن أمير. وباب الأسانسير اتفتح. فريدة فتحت عيونها بتعب وبصت لأمير وهي بتحاول تفك إيديها اللي مربوطة ورا ضهرها. فريدة: "أنت اتجننت؟

أمير: "لا، وأنتي الصادقة. تعبت وأنتي عنيدة ومش عايزة تعترفي." فريدة: "أعترف بإيه؟ أمير: "إنك بتحبيني." فريدة بضيق: "أنت مجنون؟ أنت متجوز أختي." أمير بزعيق: "مش متجوزها، عملت كده عشان أخليكي تغيري وتحسي شوية." فريدة بزعيق: "فكني يا أمير." أمير قرب منها وقال: "اهدي خالص يا فريدة." فريدة بدأت تتعب وقالت بتعب: "فكني." أمير فكها بخوف ومسك وشها بين إيديه وقال: "فريدة." فريدة بعدت عنه وهو قال: "يعني مش بتحبيني؟ فريدة: "لا."

أمير اتنهد وقال: "تمام يا فريدة." أمير قام وقف ومشي تجاه البلكونة ودخل جوه. فريدة باستغراب: "بتعمل إيه؟ أمير وقف على السور وفريدة صرخت بخوف وهي بتجري عليه. فريدة: "انزل يا مجنون." أمير: "متقربيش يا فريدة." فريدة ودموعها نازلة: "طب انزل، انزل." أمير وهو بيرجع عن السور: "بحبك." فريدة بصريخ ودموع: "وأنا بحبك يا أمير، متتحركش." أمير بص لها وقال: "لا."

فريدة بدموع: "واللهي بحبك، اكتشفت من فترة إني بحبك بس شيلته جوايا عشان أختي." فريدة قربت منه ومسكت إيده وهو نزل. أمير بص في عيونها وقال: "تتجوزيني." فريدة ابتسمت وهزت راسها. بعد ست سنين. أمير كان اشترى بيت صغير ليه هو وفريدة. وليلي رجعت سافرت بره لشغلها. وأدم اتعالج. أمير رجع البيت وأول ما دخل بص لتحت لما لقي حد بيشد بنطلونه. أمير ميل وشال نور وقال: "حبيبة بابي." نور باست أمير من خده وقالت: "اتأخرت عليا."

فريدة كانت واقفة مضايقة ودخلت المطبخ. أمير: "أمك زعلانة." نور ببراءة: "مامي غيرانة عليك مني." أمير باس خدها وقال وهو بينزلها: "يلا يا نوري روحي أوضتك ومتطلعيش إلا لما أناديلك." نور جريت على أوضتها وأمير شمر أكمام قميصه وراح المطبخ. فريدة كانت بتحط دقيق وأمير حضنها من ضهرها. فريدة بضيق: "ابعد عني." أمير باس خدها وقال: "غيرانة من بنتك، عقلك صغير." فريدة لفت وحطت صباعها على راس أمير وقالت: "مبقتش هنا ولا في قلبك." أمير

كشر وقال وهو بيقرب منها: "أنتي فعلاً مش في قلبي." فريدة: "شوفت." أمير: "لأني أنتي قلبي." فريدة كانت هتتكلم أمير شدها ليه وباسها برقة. فريدة بعدت عنه وفيه خصلات من شعرها في ذقنه. أمير: "فريدة، أنا عايزك تبقي عارفة ومؤكدة إني محبتش ولا هحب غيرك." فريدة حضنته. ونور الصغيرة دخلت المطبخ وقالت بطفولة: "بتصالحها وبتسيبني." أمير قرب منها وشالها وقال: "وأنا أقدر أسيبك يا فرولتي."