رواية للقدر راي اخر الفصل الأول 1 - بقلم سندس محمد

يا بنتي يا بنتي قومي شوفي عملتي إيه في النتيجة. البنت: هعرف لما أقوم. الأم بتعب: خلصيني يا أسيل بقى حرام عليكي. وهنا لقت أسيل مياه بتتكب فوقها. أسيل: ينهار أبيض البيت وقع، طب سقط في إيه؟ أسر: لأ نتيجتك طلعت. هنا قامت أسيل زي المجنونة تشوف الفون بتاعها وتدخل على الابلكيشن وتدخل رقم الجلوس. الأم: يا رب يا بنتي ينولك اللي في بالك وتدخلي هندسة. أسيل بحماس: أهي ظهر... لتبتدي ملامح وجهها للصدمة: إيه ده؟ أكيد في حاجة غلط.

الأم: إحيه خير، في إيه؟ أسر بقلق: أسيل في إيه بالله طمنيني. أسيل بدموع: 75%. أغلقت الأم عينيها بحزن وكذاك أخوها أسر. هنا دخل الأب. الأب: إيه يا ولاد في إيه خير؟ أسر بحزن: 75%، نتيجة أسيل طلعت وجابت. الأب بابتسامة حانية: ده اللي مزعلك يا حبيبتي، بصي لازم تفهمي إن ده قضاء ربنا، هنعترض؟ أسيل بدموع: أكيد لأ يا بابا بس انت عارف كان حلم حياتي. أدخل هندسة إزاي ده حصل بابا، أنا مجهودي فوق 90%.

الأب بابتسامة: يعلم إيه اللي يحصل، ربك أراد كده، وبعدين قومي وامسحي دموعك، كده احمدي ربنا انتي لسه قدامك فرصة لكليات كتيرة. أسيل بأمل: تفتكر؟ الأب: طبعاً. ذهبت أسيل وخرج أسر خلف أخته. الأم: هنعمل إيه يا مراد، مجموعها ده هتعمل بيه إيه؟ مراد: نجلاء ربك يفرجها، متضغطييش على البنت. نجلاء بأستسلام: حاضر. في الخارج. أسر: أسيل متزعليش يا حبيبتي، الحمد لله على كل حال. أسيل بدموع: يا أسر دي صدمة بالنسبالي.

أسر: أنا عارف، بس بإذن الله هتتحل، أنا حاسس. أسيل: يا رب. بعد يومان. مراد: سوسو حبيبتي جهزي نفسك عشان فيه ضيوف جايين. أسيل باستغراب: مين يا بابي؟ مراد: عمك وعمتك جايين يباركولك. أسر بضيق: قصدك يشمتوا فيها. أسيل بلامبالاة: ينوروا. أسر باستغراب وهو يهمس لأخته: انتي مش متضايقة؟ أسيل: لأ عادي، مش جديد عليهم.

دخلت أسيل غرفتها وبدلت ثيابها لبنطلون جينز أزرق واسع وبلوزة باللون الأبيض قصيرة وربطت شعرها البني الطويل على شكل ديل حصان ووضعت قليل من مستحضرات التجميل الخفيفة مما زاد جمالها. أسيل مراد الدسوقي أنهت الصف الثالث الثانوي. تملك من العمر 17 عاماً، متوسطة الطول. عينيها واسعة وخضراء، بيضاء البشرة. أسر مراد الدسوقي في الصف الثاني الجامعي بكلية تكنولوجيا المعلومات، أسر يشبه أسيل جداً، طويل وجسده رياضي.

خرجت أسيل من غرفتها وهي تصرخ بأسر. أسسسسسسسررر الكلب، انت اللي أخدت الشوكولاتة بتاعتي من الدولاب صح؟ أسر ببرآءة: محصلش، أصلاً مايهونش عليا آكلها وانتي تعيطي، مش كفاية اللي انتي فيه. أسيل: يبقى انت اللي خدتها. وقفزت على ظهره وهي تمسكه من رقبته وتعض يده. مراد: إيه اللي بيحصل ده... وهنا أخذ يضحك على المنظر. أسر بغضب وهو يدافع عن نفسه: انت بتضحك يا مراد، متحوش بتك لحسن والله لأطلقها. مراد بضحك: مراد! وأطلقها!

خلصي عليه يا قلب بابي وتعالي يلا عشان زمنهم جاي. وتركهم وخرج إلى الصالة. وهنا رن جرس الباب. أسر: سيبيني بقى يا بنت العضاضة، الناس جت. أسيل: أحسن عشان تبطل تاخد حاجة غيرك. وخرجوا ليستقبلوا الضيف. فتح مراد الباب ودخل إخوته. علاء الأكبر وزوجته ميادة وابنتهم ألين تصغر أسيل بعام. وأسامة بعمر أسر ولكنه في كلية حقوق. سمية وزوجها وابنها عمرو في كلية التجارة وأخوته التوأم نور ونوان في كلية خدمة اجتماعية بالعام الثاني.

وأخته مريم وزوجها وابنهم عامر والذي يملك من العمر 14 عاماً. مراد: اتفضلوا نورتونا. بنورك... دخلت نجلاء ورحبت بهم. سمية: أمال فين أسيل؟ دخلت أسيل وهي على مضض. أسيل: أنا أهو يا عمتو، عاملة إيه؟ نجلاء: الحمد لله يا حبيبة عمتو. مريم: وأنا ماليش سلام؟ نظرت أسيل التي تفاجأت بوجود مريم عمتها لأنها تحبها كثيراً. أسيل وهي تعانقها: مش معقول انتي نزلتِ إسكندرية مخصوص عشاني؟ مريم بحب: طبعاً ياروحي. وبعدها سلمت على عمها وأولاده.

وأسر نفس الشيء وبعدها جلسوا سوياً. عادل وهو يوجه الحديث لمراد: وبعدين يا مراد مش ناوي تحجب أسيل؟ نظرت أسيل لعمها بنظرة باردة وتابعت حديثها مع أسر وعمتها مريم. مراد: طبعاً هتتحجب بس هي اتفقت معايا إنها في أقرب وقت تلبسه بس تلتزم بلبسه لأنها مينفعش تخرج باللبس ده عليه حجاب هيكون لزمته إيه. علاء بغضب: إيه اللي بتقوله ده يا مراد، أنا بنتي أصغر منها ومتحجبة.

أسيل نظرت لعمها: معلش حضرتك يا عمو بتسمي ده حجاب، إنها تكون ماشية نص شعرها بره الطرحة وميكب وديق وقصير، يبقى ده حجاب، لو حضرتك شايف كده فدي حاجة ترجعلك. بس أنا لما البسه هلتزم بس وهلبسه صح. سمية بابتسامة مستفزة: خلاص يا جماعة اهدوا، ده حتى إحنا جايين في خير. مراد بتساؤل: مش فاهم. إياد زوج سمية: إحنا بنطلب إيد بنتك لعمرو ابننا، واعتقد يعني هي مش هتكمل تعليم بسبب مجموعها، فقولنا إن خير البر عاجله. أسيل نظرت لوالدها.

مراد: أنا موافق. أسر: بس ي... وهنا نظر له والده أن يصمت. مراد... نظر الجميع بصدمة ثم. يتبع