رواية لم اعلم عنه الكثير الفصل الحادي عشر 11 - بقلم نجلاء عبد الظاهر

مراتى!!؟ =يعني انت سبت بيهين و مسكت في مراتك. -اه انا امسك في اللي يخصني. بسجودي حاولت تتكلم معرفتش، فقعدت تشاور. واللي فهمناه منها انها بتسأل على مايكل. معرفناش نقولها ايه، كلنا سكتنا. ففهمت اللي فيها وعيطت. ياسين خدها في حضنه. واسلام خدني وخرجنا برا. =تفتكر هتبقى كويسة؟ -متقلقيش مادام ياسين معاها. سيبك منهم وقوليلي ايه موضوع مراتي دا. =هو دا وقته يا اسلام؟ انت لسه قاتل واحد، وجودي في المستشفى و...

-خلاص غوري انا غلطان. =انت زعلت يا وحش؟ -وحش!!! =اه دا اسمك الجديد. اي رأيك فيه؟ -زي الزفت. =لا دا جميل خالص، دا انا حتى مسمياك كده على الفون. -مسمياني الوحش؟ طلعي الفون حالا وغيريه. =لا لا. -رررغد انا بقولك بالأدب طلعي الفون وغيريه. =وانا بقولك لا. -رررررغد. =اطلعوا برا انتو الاتنين. دا كان ياسين بيطردنا. خدنا ما تبقي من كرامتنا وخرجنا. الوحش فضل قالب وشه طول ماحنا راكبين العربية. اول ما وصلنا عند بيتي. -انزلي.

=اي دا انت زعلت يا ولا. -رغد انزلي انا تعبان وعايز انام. =خلاص يا زفت هغيره، دا انت رخم. -ايوه كده اتظبطي واعملي حسابك هجلكوا الخميس الجاي اكتب كتابي عليكي. =مرفوض. -مرفوض!! الله يرحم لما كنتي مبتغسليش ايدك لما اسلم عليكي. =ليه ياخويا ديتول. فضلنا نتخانق كده لحد ما ماما رجعت من السوق وشفتنا. يوم الخميس.

الوحش كان قاعد قدامي بالبدلة السودا اللي هتاكل منه حتة. كان ماسك ايدي تحت المنديل بحنيه اوي. فضلت سرحانه في جماله لحد ما لقيت الفرح كله بيضحك علينا. اتاري الشيخ خلص ورفع المنديل وانا لسه متبتة على ايده. -مبروك يا حبيبتي.. اخيراً بقيتي مراتي. =اخيراً ايه يا اسلام؟ دا انت عرفت اني بحبك من كام شهر. -طب والله العظيم انا زبالة اني اتكلم معاكي.

=لا اصل حسيت وانت بتقول اخيراً اكنك حاربت العالم كله عشان توصل لي. انا مكنتش عايزة اتجوز كده. -ماتتهدي بقى، مشوفتيش نفسك كل ما تحصل حاجة بتفضلي متنحة ومرعوبة. =على الأقل مش بتقعي في حتة والناس تفضل تضرب فيا. الفستان يلا. -لا بقى انا المرادي دا بالقصد. =اخرسوا فضحتونا. دا كان ياسين كالعادة وكان معاه جودي. =انت مش شايف صاحبك كل شوية يدوس على الفستان. -صاحبي ويعمل اللي هو عايزه.

=نعم نعم.. بت يا رغد لو زعلك في يوم سيبيله البيت وتعالي عيش عندي. -عندك ازاي وانا هروح فين؟ =روح ياحبيبي عيش مع صاحبك. بص اسلام وياسين لبعض. =ادبسنا. -ادبسنا. وضحكنا كلنا. وكان يوم جميل جدا بكل ما يحمله من حب واخلاص والتخلي عن الماضي بالتشبث بالحاضر. بين ياسين وجودي فقد وجدت تحقق حلمها بزواج بمن تحب وتعيش حياة كريمة كباقي البشر.

على الجانب الآخر الوحش والعنيدة ينظر لها ويتعجب، فكيف لم ينتبه لذلك الجمال في الماضي. تذكر ما مرت به من معاناة فأقسم بداخله على تعويض كل ما فقدته. فقد اصبحت طفلته وحبيبته وزوجته المصونة. غرقت بسحر عينه الفتاك، شعرت وكأنها ملكت الدنيا. صبرت وتحملت الكثير فعوضها الله بإنسان أحبها من قلبه، يسعى لسعادتها. والآن فقط أحست بالراحة والطمأنينة فقد أصبحت حرم المقدم "اسلام الوحش".