رواية لم اختارك الفصل السابع 7 - بقلم سحر سمير

أحمد: سيبك انت، إحنا لازم منسبهاش لوحدها. أنا هطلع لها. إسلام: وأنا خلصت. يلا. طلعوا وشافوا صدمة، واحد واقع على الأرض وسحر بتضربه بالمقشة. أحمد بلهفة: سحر! سحر بحماس: حرامي! مسكت الحرامي يا أحمد، مسكت الحرامي! أحمد بلهفة وهو بيشدها: تعالي هنا، ملكيش دعوة بيها. إسلام قرب بحذر من الراجل. أحمد: خد بالك. إسلام: تمام. ولسه بيشوف وش الراجل. إسلام بصدمة: بابا! سحر بخوف استخبت في أحمد: بابا؟ هيضربني.

قاطعها إسلام بزعيق: بااااس! خلااص، دا أبويا أنا. سحر بخوف من طريقته: هو بيزعق لي كدا ليه؟ والنبي روحني يا أحمد، يالا نروح علشان خاطري. أحمد: معلش يا سحور، هتلاقي خايف على أبوه. يالا إحنا نساعده. روحي اتفرجي على الكرتون وإحنا هنتصرف. إسلام بلهفة وهو بيفوق في أبوه: بابا، بابا، أنت كويس؟ فوق يا بابا. أبو إسلام (فريد) بخمول: آآه، آآه. إسلام، إيه اللي حصل؟ إسلام بيسنده، وأحمد سنده من الناحية التانية.

أحمد: قوم يا بيه، قوم. فريد: آآه. أنا فين؟ كله من إلبت اللي ضربتني على دماغي! الألا مين دي؟ (وبيُشاور على سحر) إسلام: آآه، آآه. دي مراتي؟ ثانية واحدة. وراح لسحر بيشدها وحط إيده على كتفها. سحر بحدة عضت إيده. إسلام بوجع: آآه يا عضاضة! سحر بحدة: ما هو مش معنى إنك متجوزني زي ما بيقولوا، تحط إيدك على كتفي؟ أنت اتجننت؟ أحمد كاتم ضحكته بالعافية. وفريد محدش باله من اللي حصل لأنه بيسترجع أيامه في الفيلا.

فريد وهو بيبص للجدار: آآه يا ماما، وقفت هنا أنا وأمك، وياما لعبنا وجرينا ورا بعض. سحر وهي بتضرب إسلام: رخمة! إسلام وهو بيرد لها الضربة: أهو، أنتِ… يا أحمد، تعالا شوف أختك دي. أحمد بهمس لإسلام: لا، ما هو اتعدل نفسك، ماهي مش زي البنات الزبالة اللي أنت عارفهم. إسلام: لكن دي مراتي. فريد لف. فريد: أنتِ مراته؟ سحر وهي بتبص لإسلام بحدة: بيقولوا. فريد بفرحة: بسم الله ما شاء الله، تبارك الله الرحمان فيما خلق. إيه القمر ده؟

بسم الله ما شاء الله، قمر بس تبان صغيرة وقصيرة، بس شكلها ما شاء الله قمر 14. فريد معقباً لإسلام: جرا إيه يا واد، مش لما تتجوز واحدة تراعي فرق الطول بردوا؟ إسلام وهو بيمسك إيديها: الحب يا بابا أجمل شيء. قاطعته سحر اللي دست على رجله بالكعب علشان يسيب إيديها. فاكمل إسلام بوجع: آآه، أجمل شيء في الوجود. فريد بفرحة: أخيرًا عيشته يا حبيبي. آآآه. إسلام: آآه يا بابا، مع سحورة. فريد لأحمد: مين حضرتك؟ أحمد بارتباك: أنا…

إسلام: آآه، دا السفرجي. أحمد بحدة: سفرجي مين؟ إسلام غمزها. إسلام معقباً بحدة: أيوا، أنت السفرجي. يلا على المطبخ وخد الهانم معاك وهاتوا حاجة ساقعة وتعالوا. أحمد: أوامر ساعتك يا بيه. يلا يا سحر. فريد بحدة: يا ولد، سحر هانم، مش سحر حاف كدا، اتأدب. أحمد: حاضر يا بيه. تعالي يا سحر هانم. سحر جريت في حضن أحمد ودخلوا. في المطبخ. أحمد في نفسه: كدا يا إسلام؟ الزفت! أنا السفرجي؟ ماااشي، مااشي.

قاطعته سحر: أحمد، هو يعني إيه اتجوزت؟ أحمد وهو بيصب العصير: يعني بقيتي مرات الزفت ده. سحر: آآه، مراته. يعني إيه بردوا؟ أحمد: يعني ملزومة منه. سحر: يعني إيه بردوا؟ مش فاهمة. أحمد: يعني، يعني هو جوزك، زي ما بابا متجوز ماما كدا. سحر بخوف: يعني هيضربني زي ما بابا كان بيضرب ماما؟ أحمد بحب: هو يقدر؟ أنا موجود، دا أنا أقتله لو جه جنبك. متخافيش بقا، أنا جنبك. سحر بفرحة: خلاص، ماشي.

أحمد بحب: يالا بقا ناوليني السكر من عندك، وكفاية أسئلة. سحر: حاضر. دا… أحمد: لا، مش دا اللي جنبه. أحمد معقباً بخبث: ولا أقولك، هاتيه، هاتيه. عند إسلام وفريد. فريد: اتجوزت إمتى؟ إسلام بارتباك: آآ، آآ. بقولك إيه، رأيك في سحورة؟ عسل، مش كدا؟ قمر.

فريد: بسم الله ما شاء الله عليها، قمر مفيهاش كلام. بس الفرق في الطول ما بينكم كبير بردوا. هيييه، فكرتني بأمك، كانت بردوا قصيرة، بس كانت عسل. كانت ست ولا كل الستات، دمها خفيف، وكان مافيش في أدبها وأخلاقها ولا طيبتها. إسلام: يالا الله يرحمها. فريد: مراتك من عائلة إيه؟ إسلام بارتباك: آآ، هاه، مقطوعة يا حبة عيني، ملهاش حد. فريد: أما اتعرفت عليها إزاي؟ قاطعهم دخول سحر وأحمد. فريد: أهلاً أهلاً بست العرايس.

إسلام بخبث مصطنع: تعالي يا سحورة. سحر قعدت على الكنبة جنب إسلام. فريد: بس إيه القمر ده. إسلام بهمس لسحر: قولي له ميرسي. سحر بارتباك: آآه، راسي، راسي. فريد: إيه؟ مش سامع؟ إسلام بارتباك: هههههه، هههه. بتقول لك ميرسي. أنت عارف عروسة ومكسوفة بقا. قاطعه أحمد: اتفضل يا بيه. إسلام وهو بيدي لأبوه: اتفضل يا بابا. فريد: حبيبي. فريد معقباً وهو بيشرب: وأنتِ يا سحورة يا حلوة، أنتِ خريجة إيه؟ إسلام بارتباك: هي، هي…

أحمد: خريجة كلية تربية قسم موسيقى يا بيه. فريد: وأنت تعرف منين يا بجم؟ أنت إيه اللي واقف هنا؟ يالا انجر على المطبخ. قاطعته سحر بغضب طفولي: متشتمنيش أخويا. فريد بصدمة: إيه؟ أخوكي؟ إسلام بارتباك: آآه، آآه. أصل سحورة حبيبتي بتعامل الكل على إنهم أخواتها. قاطعه فريد بوجع: آآه، آآه، بطني. إسلام بلهفة: بااابااا. فريد: …