رواية لم اختارك الفصل السادس 6 - بقلم سحر سمير

قاطعهم صوت صراخ سحر. أحمد بلهفة: سحر! إسلام بلهفة: سحر! خرجوا جري وراحوا على المطبخ، وشافوا إزاز واقع على الأرض وسحر قاعدة في جنب في انهيار. سحر بخوف: ووقعت غصب عني والله. قاطعها أحمد اللي خدها في حضنه: سحر سحر اهدي اهدي، انتي كويسة؟ سحر بانهيار وهي بتزق في أحمد: لااااااا بابا! والنبي. أحمد بلهفة: سحر أنا أحمد، بصي لي أنا أحمد أخوكي. سحر بانهيار: أحمد! أحمد! خبيني والنبي بابا هيضربني، والله الكوباية وقعت مني.

أحمد وهو بيبص على إيديها: طب حصلك حاجة؟ وريني. سحر بخوف شدت منه إيديها. أحمد: انتي اتعورتي؟ هاتي إيديك. سحر بانهيار: لا! بابا هيضربني. إسلام بلهفة قرب منها: متخافيش، بابا مش هنا وأنا مش هقوله. تعالي قومي معايا قبل ما يجي. سحر بانهيار: بابا! إسلام بلهفة: والله ما تخافي، وفداكي يا ستي ١٠٠ كوباية. قومي يالا، مش عايزة تتفرجي على التلفزيون وأجيب لك شوكولاتة؟ سحر وهي بتمسح دموعها بحركة طفولية: بس مش هتقول لبابا.

إسلام بضحك على طريقتها: والله ما هقولها. إسلام وهو بيمد لها إيده: يالا هاتي إيدك. سحر ادته إيديها، وأحمد سندها لحد ما قامت. أحمد بلهفة: هاتي إيدك بقا يا سحر. سحر وهي بتحبي في إيديها: لا لا. إسلام: طب وريها لي علشان اجيب لك اللي اتفقنا عليها. إسلام شد إيديها بيتفحصها، لقى حتة إزاز في قلبها. أحمد: آآه، معلش معلش يا سحورة، هتبقي كويسة. بس ممكن تستحملي. إسلام: خليك معاها، متعملش حاجة. هروح اجيب المعقم وأجي.

أحمد: متتأخرش. عند منصور وعصمت. منصور بحدة: عاجبك كده؟ أهو الواد مجاش لحد دلوقتي. عصمت: وانت شاغل بالك بيه ليه؟ ما يختفي في داهية هو وأخته في ساعة واحدة. منصور: هتلاقيه عملنا مشاكل وبهدل الدنيا. عصمت: وماله؟ علشان نخلص منه. أمال انت مفكرني بعته هناك ليه؟ علشان البيه يتعصب، وكلمة من ده على كلمة من ده، وطاخ وبوم، وطاخ وبوم، ونخلص منهم هما الاتنين. منصور: طب وسحر؟

عصمت: ما هو أكيد هينوبها من الحب جانب، هي يعني هتسيب أخوها يتضرب قدامها؟ مستحيل يعني. منصور: أما نشوف آخرتها. عند سحر. سحر بوجع: آآه. إسلام بلهفة: معلش استحملي، خلصنا أهو. إسلام معقباً لأحمد: هات الشاش من جنبك. أحمد: خد يا سيدي... معلش يا سحور بقا. سحر بوجع: آها. إسلام: بس، إحنا كده خلصنا، يالا تعالي معايا أفتح لك التلفزيون. فتح لها التلفزيون على الكرتون. سحر بفرحة: الله!

توم وجيري ده، ماما كانت بتحبه أوي. ماما كانت بتقعد تتفرج معايا عليه. أحمد بحب: آآه، أيام زمان. الله يرحمك يا ماما. إسلام بحب: طب يالا يا سحورة، متتحركيش من هنا على ما أظبط أنا وأحمد المطبخ ونحضر الغدا. سحر: ماشي. في المطبخ. أحمد وهو بيلم الإزاز: شكراً إنك قدرت تتعامل معاها. إسلام وهو بيطلع الأكل: أختك دي في عينها طيبة الدنيا، بس الظاهر إنها بتخاف من أبوك جدا.

أحمد: الله يسامحه، كان بينزل عليها بالحزام وكان يتعصب عليها من أقل موقف. إسلام: للدرجة دي؟ أحمد: وأكتر كمان. إنت مش عارف حاجة، سيبك. إسلام: لا إزاي؟ أنا عايز أعرف كل حاجة عنها علشان لما بابا يسألني أعرف أجاوب عليه. أحمد: سيبك انت. إحنا لازم منسيبهاش لوحدها. أنا هطلع لها. إسلام: وأنا خلصت يالا. طلعوا وشافوا صدمة.