رواية لم اختارك الفصل الثالث 3 - بقلم سحر سمير

قاطعهم صوت صويت سحر. أحمد بلهفة: سحر! إسلام بلهفة: سحر! طلعوا جري وراحوا على المطبخ، وشافوا إزاز واقع على الأرض وسحر قاعدة في جنب في انهيار. سحر بخوف: ووقعت غصب عني والله. قاطعها أحمد اللي خدها في حضنه: سحر، سحر، اهدي، اهدي. انتي كويسة؟ سحر بانهيار وبتزق في أحمد: لأاااااا، باباااا، والنبي. أحمد بلهفة: سحر، أنا أحمد، بصي لي، أنا أحمد أخوكي. سحر بانهيار: أحمد! احمد! خبيني والنبي، بابا هيضربني والله. الكوباية وقعت مني.

أحمد وهو بيبص على إيديها: طب حصلك حاجة؟ وريني. سحر بخوف شدت منه إيديها. أحمد: انتي اتعورتي؟ هاتي إيديك. سحر بانهيار: لأ، بابا هيضربني. إسلام بلهفة قرب منها: متخافيش، بابا مش هنا، وأنا مش هقوله. تعالي قومي معايا قبل ما يجي. سحر بانهيار: بابااا. إسلام بلهفة: والله ما تخافي، وفداكي يا ستي ١٠٠ كوباية. قومي يلا، مش عايزة تتفرجي على التلفزيون وأجيب لك شوكولاتة؟ سحر وهي بتمسح دموعها بحركة طفولية: بس مش هتقول لبابا.

إسلام بضحك على طريقتها: والله ما هقوله. إسلام وهو بيمد لها إيده: يالا، هاتي إيديك. سحر ادته إيديها، وأحمد سندها لحد ما قامت. أحمد بلهفة: هاتي إيدك بقى يا سحر. سحر وهي بتحبي في إيديها: لا لا. إسلام: طب وريها لي علشان أجيب لك اللي اتفقنا عليه. إسلام شد إيدها بيتفحصها، لقى حتة إزاز في قلبها. أحمد: آآآه، معلش، معلش يا سحورة، هتبقي كويسة، بس ممكن تستحملي. إسلام: خليك معاها، متعملش حاجة. هروح أجيب المعقم وأجي.

أحمد: متتأخرش. عند منصور وعصمت. منصور بحده: عاجبك كده؟ أهو الواد مجاش لحد دلوقتي. عصمت: وانت شاغل بالك بيه ليه؟ ما يختفي في داهية هو وأخته في ساعة واحدة. منصور: هتلاقيه عملنا مشاكل وبهدل الدنيا. عصمت: وماله، علشان نخلص منه. أمال انت مفكرني بعته هناك ليه؟ علشان البيه يتعصب، وكلمة من دا على كلمة من دا، وطاخ وبوم، وطاخ وبوم، ونخلص منهم هما الاتنين. منصور: طب وسحر؟

عصمت: ما هو أكيد هينوبها من الحب جانب. هي يعني هتسيب أخوها يتضرب قدامها؟ مستحيل يعني. منصور: أما نشوف آخرتها. عند سحر. سحر بوجع: آآآآه. إسلام بلهفة: معلش، استحملي، خلصنا أهو. إسلام معقباً لأحمد: هات الشاش من جنبك. أحمد: خد يا سيدي... معلش يا سحور بقى. سحر بوجع: آآآه. إسلام: بس، احنا كده خلصنا. يالا تعالي معايا أفتح لك التلفزيون. فتحها لها التلفزيون على الكرتون. سحر بفرحة: الله! توم وجيري دا!

ماما كانت بتحبه أوي. ماما كانت بتقعد تتفرج معايا عليه. أحمد بحب: آآه، أيام زمان، الله يرحمك يا ماما. إسلام بحب: طب يالا يا سحورة، متتحركيش من هنا، على ما أظبط أنا وأحمد المطبخ ونحضر الغدا. سحر: ماشي. وفتحت المصاصة وقعدت تأكلها. في المطبخ. أحمد وهو بيلم الإزاز: شكراً إنك قدرت تتعامل معاها. إسلام وهو بيطلع الأكل: أختك دي في عينها طيبة، الدنيا بس الظاهر إنها بتخاف من أبوك جدا.

أحمد: الله يسامحه، كان بينزل عليها بالحزام، وكان يتعصب عليها من أقل موقف. إسلام: للدرجة دي؟ أحمد: وأكتر كمان، انت مش عارف حاجة. سيبك. إسلام: لا، إزاي؟ أنا عايز أعرف كل حاجة عنها علشان لما بابا يسألني أعرف أجاوب عليه. أحمد: سيبك أنت، إحنا لازم منسبهاش لوحدها. أنا هطلع لها. إسلام: وأنا خلصت. يالا، طلعوا وشافوا صدمة.