رواية لمة العيلة الفصل السابع عشر 17 - بقلم هدير عبد العليم

يمني بحزن: ومين قال إنها مقلتش لخالكم ي حلوين؟ تسنيم بسرعة: طب قالها إيه؟ هيشتري؟ يمني بحزن: ابن... عايز يجوز إسراء للبيه ابنه. فرح رفعت حجابها ومعجبهاش الكلام: طبعاً أمك مش هتوافق على الهبل ده. يمني: ي بت أنتِ عبيطة توافق إيه؟ تسنيم: وآيه الحل؟ يمني: معرفش بقا. إسراء: ربنا معانا وأكيد فيه حل. خالي جى من بره: أمكم فين؟ فرح: نزلت من شوية. خالي: لما تيجي.. تسنيم: أهي جات أهي. خالي: أزيك ي أم يمني عاملة إيه؟

ماما: أنا كويسه، أنت إللي شكلك مش كويس فيه إيه؟ خالي: .. ماما: فيه إيه؟ خالي: أخوكي البيه الكبير. ماما بضحك: عايز إيه؟ متقلقش أنا اتعودت على تصرفاته. فرح بضحك: قوله العروسة وأمها مش موافقين على الجواز. خالي: بصي ي أختي والله لو كان معايا فلوس مكنتش خليتك فكرتي تبيعي الأرض. ماما بحزن: عارفه والله، قالك إيه قول عالطول. خالي: هيشتري الأرض لكن.. تسنيم بعصبية: قول ي خالي إحنا اتعودنا على الظلم خلاص.

خالي بدموع: هيشتري الأرض بنص التمن. ماما بدموع: حسبي الله ونعم الوكيل. فرح: أوعى تعملي كده.. أكتر حاجة بكرها في حياتي هي الاستغلال. تسنيم بابتسامة كلها حزن: فيه حل تاني؟ ماما: على رأيك ي تسنيم مفيش حل غير ده. يمني: ماما بيعي نص الأرض بس. خالي: أنا مع رأي يمني. ماما: أهم حاجة الفلوس تكون موجودة قبل أسبوع. خالي: إن شاء الله. فرح: ماما أنتِ لسه بتعيطي ومش عايزة تأكلي؟ ماما مسحت دموعها وتنهدت: ولا بعيط ولا حاجة ي فروحة.

فرح بضحك: خلاص بقا ي ماما.. بكره نشتري أرض كتير.. ولو اشتغلت محامية ي ستي ليكِ عليا أجيبلك ألف فدان ما أنا هكون مليونيرية كبيرة. تسنيم بضحك: وأنا كمان بس أنا إللي هشغلك معايا، علشان أنا الكبيرة. يمني بضحك: وأنا هكون دكتورة وهاخدك ي ست إسراء تشتغلي معايا. إسراء: إن شاء الله. ماما بحب وحضنتنا: أنتوا بجد أغلى ما ليا. فرح: أنا جعانه أوووى. تسنيم بضحك: دي الوحيدة إللي عماله تأكل ولا فارق معاها أي حاجة.

فرح بضحك: ما أنا بأكل من غير نفس. إسراء بضحك: دي كل شوية تجيب أكل من جوه وتيجي تعزم علينا وكأننا في مطعم مش في مصيبة. ماما: مفيش مصيبة طالما أنتوا بخير. يمني: يلا ي حلوين نقوم نعمل الأكل. إسراء: يلا. *بعد أسبوع* ماما: ي بنات خالكم جاي النهارده علشان يشتري الأرض. يمني: آه لكن إحنا هننزل الكلية ملناش دعوة. ماما: آه، ربنا معاكم وكل واحد يكمل يومه عادي. يمني بدهشة وتوتر: سلام عليكم. خالي: أزيك ي بنت أختي.

يمني بابتسامة: هه بنت أختك. خالي: إيه طريقة كلامك دي ي يمني؟ يمني: هو بجد حضرتك بتسأل؟ يمني: الله يسلمك ي خالي، أنا داخلة آكل ي ماما جاية من الكلية تعبانه. خالي بدهشة: أنتِ في كلية؟ ماما: آه يمني في كلية الطبخ. خالي بصدمة: إللي هو إزاي؟ ماما: آه نسيت أقولك إني كنت عايزة أبيع الأرض علشان جواز يمني قرب. خالي بعصبية: من غير ما تقولي. ماما: ولو قولت هيفرق معاك في حاجة؟ خالي: .. ماما: هتتجوز معيد عندها في كلية الطبخ.

خالي: آه مبروك سلام عليكم. يمني: وعليكم السلام. فرح: خالى جه؟ ولا لسه؟ يمني: جه ولسه ماشي. تسنيم: عملتوا إيه؟ ماما: الحمد لله إنكم دخلتوا بعد ما مشي. فرح: إيه إللي حصل؟ يمني: قولتلهم كل إللي حصل. فرح بضحك: جته داهية يعني المفروض كان أشتري الأرض ب فلوس كتير بقا علشان أنتِ هتتجوزي لا وكمان معيد في كلية الطبخ. يمني: والله العظيم دا أنا كنت حاسة أنه هياكلني. إسراء: الأهم أننا عندنا عروسة.

يمني: لولووووي أنا مش مصدقة أصلا. فرح: ربنا يكمل فرحتك على خير. يمني: ياارب. *بعد فرح يمني* فرح بحزن: هو إزاي نقول لبابا على جواز يمني وميجيش؟ تسنيم: كنت متوقعة أنه مش جاي، بس قولت ماما تحاول وخلاص. ماما بعصبية: وياريت ما حاولت. إسراء بحزن واستفهام: هو مش عنده قلب؟ ماما بدموع: هو لو كان عنده قلب كان نسي أنه عنده أربع بنات. إسراء: على رأيك ي ماما. ماما: بسم الله ما شاء الله بيقولوا مراته جابت ٣ ولاد وكبار.

تسنيم: ربنا ياخدهم هم وأبوهم الظالم ده. فرح: ياارب. ماما: تسنيم عيب متدعيش على أبوكم. تسنيم: أنا همشي أحسن، لأني عندي مرارة واحدة، سلام عليكم.. عندي تدريب. ماما: ربنا يكرمك. تسنيم: سلام. تسنيم: ازيك حضرتك ي عمو عمر. عمو عمر: الحمد لله إنك جيتي كنت لسه جاي عندكم. تسنيم بخوف: ليه فيه إيه؟ عمو عمر: مجيش عندك يعني ي تسنيم. تسنيم بدهشة: فيه قضية جديدة وأنا إللي هبدأ فيها؟ ولا إيه؟ عمو عمر: لا عايزك في موضوع تاني خالص.

تسنيم بتوتر: موضوع إيه؟ عمو عمر: هو مش أنا بالظبط إللي عايزك. تسنيم: بصراحة مش فاهمه حضرتك. عمو عمر: بصي وراه هو ده إللي عايزك. تسنيم بدهشة وخوف وتوتر: ها. عمو عمر: ..