رواية لمة العيلة الفصل الثامن عشر 18 - بقلم هدير عبد العليم

تسنيم بدهشة: هااا مين؟ عمو عمر باستغراب: فيه إيه مالك اتخضيتي كده ليه؟ تسنيم بثبات: إيه لأ عادي، متخضتش ولا حاجة. عمو عمر: مش عايزة تعرفي معاذ عايز إيه؟ تسنيم: لأ... قصدي لأ، معرفش هو عايز إيه. معاذ بابتسامة: تتجوزيني يا تسنيم. تسنيم بعصبية: هااا معرفش. عمو عمر ضحك: انتِ شكلك اتفاجئتي صح؟ تسنيم بابتسامة: مش كده وبس، لأ ده المفروض الكلام ده يكون مع ماما مش معايا، ولا إيه يا عمو عمر؟

عمو عمر: يا بنتي أنا عارف الأصول، لكن قولنا نقول لكِ لو أنتِ موافقة نكلم ماما و... معاذ بضحك: طب نفهم من كده إن السكوت علامة الرضا؟ عمو عمر: طب نكلم أم يمني ولا لأ؟ تسنيم: ... عمو عمر بضحك: يبقى هو فعلاً السكوت علامة الرضا. معاذ: طب معايا قضية كبيرة ومحتاج مساعدتك، هتيجي معايا؟

تسنيم بضحك: لأ طبعاً، أنا عايزة قضية جديدة ولوحدي بقا وأشوف هنجح فيها ولا لأ. أكيد طبعاً حضرتك اللي هتترفع في القضية يا عمو عمر، بس اللي أقصدُه إن أنا اللي هجيب المعلومات من المتهم وكده. عمو عمر بضحك: وأنتي بقا يا ست تسنيم هتعرفي تجيبي معلومات من المتهم؟! تسنيم بضحك: ييي سيب لي أنا الطلعة دي، بنتك شاطرة هتعجبك. عمو عمر بضحك: طب على الله... بس يا تسنيم أنتِ عارفة إن المكتب كبير ومينفعش فيه أي غلطة.

تسنيم: متقلقش يا عمو عمر، إن شاء الله هنجح. (مش هنكر إني كنت خايفة أتحمل قضية لوحدي، بس ديما كان الدافع ليَّ كلام ماما إن أي حاجة صعبة بنتعلم منها أكتر بكتير من السهل، وبدأت أسأل عن القضية وأحاول أفهم أكتر وأجمع معلومات) تسنيم: القضية تخص إيه يا عمو عمر؟ عمو عمر: قضية خلع لزوجة. تسنيم: هااا.

(بدأت أسرح وأرجع بالزمن من كام سنة وأنا في نفس الموقف وعمالة أسأل ماما يعني إحنا كده خلاص مش هنشوف بابا تاني، يعني هو مش بيحبنا عشان إحنا بنات، طب هو ذنبنا إننا بنات؟!! يا ماما إيه ذنبك إنك تكوني مطلقة؟! شعور صعب أوي، وفضلت ساكتة لحد ما فوقت على... معاذ: إيه يا تسنيم القضية صعبة عليكِ ولا إيه، عادي أنا هاخدها وأشوف لكِ قضية أسهل، بس أهم حاجة متزعليش.

عمو عمر: لأ أنا عارف تسنيم بتفكر في إيه، وواثق إنها هتكسب القضية، الأم عايزة تطلق لأن جوزها اتجوز عليها مرتين و... تسنيم باستفهام: علشان كلهم بنات؟! عمو عمر بابتسامة كله حزن: لأ علشان هو بتاع حريم وبيشرب مخدرات. تسنيم بابتسامة: أنا قد القضية وهتنجح إن شاء الله. معاذ: الأهم موضوعي بقا هنعمل فيه إيه؟ تسنيم باستغراب: موضوع إيه؟ أنت التاني عندك قضية صعبة؟! معاذ ضحك: تسنيم متعمليش عبيطة، موضوع جواز. تسنيم: ااااه جوازنا.

عمو عمر: هنروح نشرب شربات مع أم يمني النهاردة. (تسنيم كنت مبسوطة أوي وكأن خلاص هانت وهفرح وهبدأ حياة جديدة مختلفة مع شخص كويس، وكمان بدأت في أول قضية ليا وده كان مفرحني أوي، أول حلم من أحلامي بيتحقق وهكون محامية كبيرة يعتمد عليها، مش عارفة جايبة الثقة دي منين، بس عمو عمر معايا ومش هيخليني أخسر أكيد، وبدأت أول ملف من القضية، وانتهاء اليوم على الساعة خمسة ورجعت البيت) *** في البيت فرح: الهانم مبسوطة كده ليه؟

تسنيم بسعادة: أفندم، يعني مفرحش، أخدت أول قضية لوحدي. إسراء: ده اللي هو بجد؟ تسنيم بسعادة: آه بجد. فرح: بجد فرحت أوي، ربنا يوفقك يا حبيبتي. إسراء: محتاجة مساعدة إحنا معاكِ. تسنيم: لأ لأ، أما نشوف فرح هتعمل إيه السنة دي في الثانوية، وأخدها معايا القضية الجاية. فرح: حقوق إن شاء الله. ماما بضحك: اللي يشوفك وإنتِ بتتكلمي كده يقول عايزة تدخلي طب، دي حقوق بتقبل من 60% يا هانم.

فرح بضحك: حلوة وعجباني، هكون أغنى من يمني وإسراء الدكاترة وهتشوفي يا ماما. ماما بضحك: في دي معاكِ حق. تسنيم: أنا داخلة أنام شوية. ماما: فيه حاجة حصلت النهاردة مع عمك عمر!!!؟؟؟ تسنيم بصدمة: هاا بتكلميني أنا يا ماما؟!! ماما بعصبية: عملتي إيه النهاردة.. قولي ومتخفيش علشان لما ييجي يقول لي أكون عندي خلفية إنتِ عملتي إيه. تسنيم: والله معملتش حاجة خالص، بس ليه بتسألي؟

ماما: عشان عمك عمر كلمني وسأل أنا في البيت ولا لأ، وقال إنه جاي يشرب معايا الشاي هو وابنه. تسنيم: معرفش، بس والله أنا معملتش حاجة. فرح غمّزت لتسنيم: احممم متعرفيش برضو، قولي فيه إيه. تسنيم بعصبية: آه معرفش، لما ييجي ابقى اسأليه.. قول له أنت جاي ليه. فرح بضحك: آه هسأله، ولا أقولك هو هيقول جاي لسه من غير ما أسأل. تسنيم بضحك: ده أنتِ غريبة يا فرح، أنا داخلة أنام.

(فضلت نايمة كتير أوي وكأني كنت في غيبوبة لحد ما لقيت فرح داخلة تصحيني) فرح: تسنيم اصحي بسرعة. تسنيم: تؤتؤ، عايزة أنام سيبيني بقا. فرح بضحك: اصحي ده مش وقت نوم، فيه عريس بره. تسنيم: قعدت زي القرد واتعدلت، هاا عريس مين؟ فرح بضحك: ده على أساس إنك مش عارفه. تسنيم رفعت حجابها وبثبات: آه مش عارفه ومش عايزة أعرف. فرح بضحك: العريس معاذ ابن عمو عمر، عملتيها إزاي دي، الواد باشا. تسنيم: طب ماما قالت إيه؟ تسنيم بحزن: هااا مشفيت.

تسنيم بحزن: ليهم. ماما دخلت: أزيك يا تسنيم. تسنيم: الله يسلمك يا ماما. ماما بزعل: تسنيم عايزة أقولك.. تسنيم: فيه إيه.. ماما: فيه عريس اتقدم لك لكن..