رواية لمة العيلة الفصل التاسع 9 - بقلم هدير عبد العليم

تسنيم: مين بيكلم ماما؟ يمني: معرفش، ادخلي اسأليها. إسراء: دخلت بسرعة عند ماما تشوف فيه إيه. فرح: كل اللي يدخل عند ماما يطلع بيعيط أو زعلان، فيه إيه يا بنات؟ طالعالي من عند ماما بتعيطي ليه يا إسراء؟ إسراء: أنا السبب، أنا عارفة. فرح: قلت بسرعة، الواد اتصل تاني صح؟ فضلوا ساكتين، محدش بيرد. يمني: مش الواد اللي اتصل يا ست الكل، فرح. فرح: مش هسكت، فيه إيه ومين اللي بيتصل على ماما؟ يمني: البيه خالك.

تسنيم: ربنا ياخده، ماله عايز إيه تاني؟ يمني: بيقول لماما إزاي حد مننا يطلع على التلفزيون. تسنيم: جاته داهية بدل ما يفرح ويبارك على النجاح. إسراء: لا، مش هو اللي قال، ده البيه أبوكم، وقال إيه عايزنا نرجعله لأن ماما مش عارفة تربينا. فرح: نرجع لمين؟ صلوا على النبي بس كده. دخلنا كلنا عند ماما، كانت بتعيط وبتسأل خالي: هو أنا غلط إن إسراء ظهرت على التلفزيون؟

يمني: أنتِ صح، بس الناس هي اللي مش صح. وبعدين إحنا واخدين تحدي إننا هنكمل، لو إيه اللي حصل، ونرجع وأنتِ راسك مرفوعة يا ماما. خالي: ما خلاص بقى يا أم البنات، هو أنا سكت؟ دا أنا مسحت بيهم الأرض. تسنيم: أكيد اللي قال لخالي الهانم مراته. فرح: أه، هي الحرباية اللي متدخلة في حياتنا أكتر مننا دي. خالي: بس دا اللي قال لخالكم أبوكم. فرح: يبقى الحرباية مرات أبويا، ما هو أكيد الموضوع فيه حرباية منهم.

ماما: أصغر واحدة فيهم بس لسانها عايز مقص. فرح: يعني إيه؟ تسنيم: معاكِ حق والله يا ماما. ماما: ما أنتِ كمان زيها يا تسنيم. تسنيم: أنا؟ يمني: أيوه أنتِ يا تسنيم هانم. إسراء: دا أنا لما بروح أشتري حاجة لازم آخد حد منهم معايا. فضلنا نضحك كلنا، واخدنا موضوع بابا كله بضحك. مش سهل إننا نكون بنات ومنلاقيش أب ولا أخ نسند بيه نفسنا، بس خالي ربنا يحميه نعم الأب والأخ والسند وكل حاجة. **وإحنا بنشتري لبس المدرسة والجامعة**

يمني: ماما. ماما: فيه إيه؟ تسنيم: فرح فيني. يمني: كانت جنبي ومرة واحدة ملقتهاش. ماما: إزاي! يمني: والله كانت هنا دلوقتي، معرفش حصل إيه، بس فيه حد اداني ورقة فيها برفان، وهي خدتها مني وكانت بتقول جميلة أوي، ممكن تكون... تسنيم: يلا ندور عليها. ماما: بسرعة كلمت خالي، لا، أنتوا لا، كفاية واحدة اتخطفت، إياكم حد يتحرك من هنا. *** بعد شوية *** يمني: ماما لاقيتها. ماما: لاقيتي مين! يمني: فرح. إسراء: خالي جه أهو.

ماما: شوفت اللي حصل لأختك. خالي: معرفتش أسمع حاجة من العياط في التليفون، إيه اللي حصل؟ ماما: فرح اتخطفت. خالي: قال بسرعة: يا ابن... ماما: دا مين؟ خالي: أبوهم، أكيد هو اللي عمل كده. يمني: بابا! إسراء: بس ليه يعمل كده؟ خالي: عشان يعمل محضر إهمال وياخدكم من أمكم. ماما: بسرعة طلعت رقم عمو عمر المحامي واتصلت بيه ييجي يحل الموضوع معانا. عمو عمر: فيه إيه، براحة طيب عشان نشوف. ماما: براحة إزاي يا متر، بقولك خطفوا فرح.

عمو عمر: لازم نروح نعمل محضر دلوقتي. خالي: أيوه، بس هو أبوهم عايز كده. عمو عمر: هنعمل المحضر ضد أبوهم. خالي: إزاي؟ عمو عمر: إن الأب هو اللي خطف فرح. خالي: بس أبوهم أصلاً مجاش و... عمو عمر: مين كانت مع فرح لما اتخطفت؟ ماما: قالت بسرعة، هي ويمني كانوا بيختاروا من نفس المحل، بس هما كانوا بره وإحنا كنا جوه. عمو عمر: يبقى كويس جداً، يمني و... ماما: دي إسراء ودي تسنيم. عمو عمر: يبقى تسنيم ويمني هيشهدوا ضد أبوهم. ماما:

فضلت ساكتة وبعدين قالت: مش عايزة الحرب اللي بين البنات وأبوهم دي. خالي: هو اللي بدأ الحرب. ماما: مش عارفة ترد تقول إيه، ما بين إنها تخسر كل بناتها وبين إنها تقف في المحكمة قدام أبوهم و... خالي: حضنها وقالها: متخفيش، أنا معاكِ، مش هسيبك أبداً. ماما: بدأت تطمن بكلمة خالي، وقالت: اللي تشوفه يا أخويا هعمله. خالي: هنعمل المحضر فين يا عمر؟ عمو عمر: هنا في القاهرة، في مكان الاختطاف.

يمني وتسنيـم عملوا فعلاً محضر ضد بابا وإنه حاول يخطفهم هما كمان. ماما: يا متر، حاسة إني ظلمت أبوهم، ما هو مستحيل يعمل كده في بناتهم. ماما: أيوه، مين أنا...