رواية لمة العيلة الفصل الثامن 8 - بقلم هدير عبد العليم

إحنا قررنا نشتغل. ماما: (بصت لنا إحنا الثلاثة، مش مستوعبة الكلام. بعدها قالت بضحك) طب وماله؟ خدوا فرح معاكم بقا. تسنيم: بفرح، يعني إنتِ موافقة ي ماما؟ ماما: آه وماله. انزلوا اشتغلوا. (كلنا كنا مستغربين من رد فعل ماما، وفضلنا ساكتين لحد ما قالت بصوت عالي وبعصبية) ماما: أنا جايباكم هنا عشان تشتغلوا!!؟ يمني: بس إحنا عرفنا إن بابا مش هيدفع مصاريف تعليمنا، وخالي كمان.

ماما: إياك أسمع حد فيكم بيتكلم في حاجات متخصوش. لو وصلت إني أنزل أشتغل في البيوت، لكن انتوا ملكمش دعوة. (فضلنا ساكتين، إحنا كنا واثقين إنها هتقول كده، لكن قلنا نحاول معاها) ماما: بعصبية، لما واحدة فيكم يا هوانم تطلب فلوس درس ومتلاقيش، يبقى يومها قولوا نشتغل. لكن أنا طول ما أنا عايشة، تعليمكم ده في رقبتي.

تسنيم: بدأت تعيط. والغريب إن تسنيم مش بتعيط بسرعة، لكن كلام ماما وهي بتتكلم، اللي كان ما بين الخوف علينا والضغط عليها، خلا تسنيم تقول: بس ي ماما، مش ذنبك إننا بنات. ماما: بس ذنبي إنكم لازم تتعلموا، ومسؤوليتكم إنكم ترفعوا راسي. (كلنا حضنا ماما وإحنا بنقولها: ربنا مش هيضيعنا) ^^ بعد أسبوعين ^^ خالي: جاي من برة ومتعصب وبيسأل فين يمني. ماما: يمني جوا، ليه؟! خالي: بصوت عالي، محدش ليه دعوة. أنا عايزها هي.

ماما: عموماً، هي جوا. (خالي دخل عند يمني وطلعنا كلنا برة. بدأ القلق علينا، هو عايز يمني ليه؟ وليه متعصب كده؟ لحد ما سمعنا صوت يمني وهي منهارة في العياط، ودخلنا نشوف فيه إيه. لكن خالى طلب من ماما تطلع برة) خالي: يا بنات، إنتوا جايين هنا عشان تتعلموا صح؟؟ فرح: آه. خالي: يبقى تحافظوا على كرامة أمكم. (تسنيم بصت لإسراء، اللي هو كأنهم عارفين فيه إيه. وعرفوا إن خالى عرف اللي يمني بتعمله، وإنها بتحب في الكلية)

إسراء: حطت إيديها على بوقها وهي بتقول: يالهووووي! اللي كنت خايفة منه حصل!! فرح: فيه إيه!! وإيه اللي حصل!!؟ إسراء: ملكيش دعوة ي فرح. خالي: واضح كدة إن إسراء وتسنين عارفين فيه إيه. يمني: بتعيط ومش عارفة ترد، لكن بعدها تنهدت وقالت بسرعة: لا لا مش عارفين حاجة. دي غلطتي أنا، وهم ملهمش ذنب. تسنيم: آه عارفين، و… لكن هي قالت مش هعمل كده تاني. يمني: بعياط جامد أوووي، لكن بجد والله هي آخر مرة، وعد.

خالي: بعصبية، هي آخر مرة إجباري مش بمزاجك. لأني هبدأ أتابع حركتكم كلكم. إسراء: المهم بقا ي خالى، كنت عايزة أقولكم حاجة حلوة. تسنيم: ي مااااما ي ماااما. يمني: بتنادي على ماما ليه؟؟ تسنيم: علشان لازم تفرح معانا. يمني: بجدددددد! أخيراً فيه حاجة تفرح. ماما: إيه ي بنات، فيه إيه؟ وخالك بيكلمكوا في إيه؟ وليه قالى أطلع برة؟؟!!! إسراء: عارفه ي ماما.

(ماما بصت لينا وهي متعصبة، اتوقعت إننا عملنا حاجة غلط. وقبل ما تتكلم تسنيم قالت) تسنيم: مااااما إسراء… ماما: رفعت حاجبها، اللي هو لسه هتضرب إسراء لأنها اتوقعت إنها عملت حاجة غلط. تسنيم: زغرطوا ي ولاد، لولووووي، إسراء طلعت من أوائل الجمهورية. فرح: نطت لفوق، ده بجد؟ عملتيها إزاي ي بنت اللعيبة. ماما: بدأت تعيط جامد أووويي. يمني: ماما، هو انتِ تفرحي تعيطي؟ تزعلي تعيطي؟

تسنيم: آه ي ماما، سيبينا نفرح بقا بدون عياط، الله يخليكِم. ماما: فضلت تحضن في إسراء وعمالة تقول: اللهم لك الحمد، اللهم لك الحمد. خالي: بجد مبسوطة بيكم أوووي. وحضنتنا كلنا، فرحنا بيكم ي ولاد. ماما: بس أنت كنت بتسأل على يمني ليه؟ وكمان كنت متعصب أوووي في الأول. (كلنا فضلنا ساكتين، مش عارفين نرد. دي لو ماما عرفت.. هترجع بينا كلنا البلد، وكمان رأسها هتكون في الأرض. لحد ما تسنيم أتكلمت وقالت)

تسنيم: هتجيبيلي اللبس اللي قولتي عليه صح؟ مش إسراء نجحت وأنتِ وعدتيني. فرح: هييي! كلنا هنجيب لبس جديد. ماما: بضحك، هي إسراء بس علشان هي اللي داخلة الكلية جديد. خالي: نسيت أقولكم خبر حلو تاني. يمني: إيه؟ وأنا كمان عندي ليكم خبر قمر. خالي: بضحك.. أشك إنه نفس الخبر اللي هقول عليه. فقولي أنتِ بقا يا ست يمني. يمني: أنا نجحت بتقدير جيد جداً مرتفع. إسراء: بجد عاااش أووووي.

ماما: لا بقا أنا زعلانة. فين الإمتياز اللي قولتيلي عليه. يمني: بعصبية، محدش جاب امتياز في الكلية كلها ي ماما. ماما: بس إحنا لازم نجيب الإمتياز. أنتِ مش زي أي حد. يمني: السنة الجاية أجيب امتياز. ماما: حضنت يمني، كدة أقدر أقول ألف مبرووووووك ي حبيبتي، وعقبال التخرج، وعقبال تسنيم وفرح ياارب. فرح: أنا كبرت خلاص وداخلة ثانوية. تسنيم: الصغنن عندنا كبر ي ولاد، وداخل ثانوية. مرات خالى: جاية من برة بسرعة، ي بناااتي.

يمني: إيه ي مرات خالى؟ مرات خالى: إسراء عملت إيه؟ ماما: نجحت وجابت الأوائل. (فرح ضحكت هي وتسنين) فرح: اسمها طالعة من الأوائل. مرات خالى: ضحكت، هي دي آخر التربية. خالي: فضلنا نضحك، وكلنا مبسوطين. (ونزلنا بالليل علشان نخرج، لكن..) خالي: مين ده ي إسراء؟؟ إسراء: بدهشة، مين!! خالي: يعني دا على أساس إني مش واخد بالي. يمني: ب استغراب، واخد بالك من إيه!!؟؟

خالي: البيه عمال يبص عليكِ وكأنه عارفك، وكمان وإحنا داخلين قالك إزيك ي إسراء. يمني: ما كله بيبص ي خالى. خالي: طب أنا هقوم أعلمه الأدب بقا علشان يبص حلوم. ماما: طب استني. (كان خالى قام يضرب الولد ابن… لكن إللي حصل كان أغرب ما يكون) خالي: بعصبية، بتبص على بناتي ليه؟ الولد: دي إسراء صحبتي. خالي: بصدمة، إيه؟ صحبتك! إسراء: والله مش عارفه أصلاً. الولد: اعملي محترمة بقا. إسراء: زقت الواد وقالت، والله معرفوش. خالي:

بدأ يهدى وقال: صحبتك إزاي؟! الولد: بكلمها في الفون. فرح: ضحكت بصوت عالي أوووي، ي كدبك ي أخى. الولد: … خالي: إحنا أساساً البنات عندنا مش معاها تليفون غير في الجامعة. الولد: بصراحة بقا، أنا بحب إسراء، بس هي فعلاً مش عارفاني و.. خالي: لسه هيضربه، ماما قالتله: الدنيا دوارة، حسبي الله ونعم الوكيل فيك. (وعرفنا بعدها إن الولد ده كان مع إسراء في الدروس، وكان متابع تحركاتها، لكن هي مش عارفه) * في البيت بعد ما رجعنا*

يمني: خلاص بقا ي ماما، أنتِ هتفضلي زعلانة كده كتير. ماما: ساكته… تسنيم: دا ولد محتاج تربية من أول وجديد والله. فرح: فعلاً محتاج يتعدم في ميدان عام. تسنيم: ضحكت وهي بتقول: مش للدرجة دي ي فرح. ماما: إنتوا تسكتوا خالص. سمعتوا؟ مش عايزة أسمع صوت حد منكم. إسراء: بدأت تعيط. (كلنا كنا بدأنا نزعل لأن ماما مش عارفة تفهمنا المرة دي. إحنا عارفين إنها زعلانة من الموقف اللي حصل، لكن مش ذنبنا إن فيه ناس قليلة تربية..)

خالي: ما خلاص بقا ي أم البنات. ماما: أهم حاجة إنكم تتعلموا وتكملوا، وإياكم تفكروا في الارتباط والحب دلوقتي. يمني وإسراء: أكيد ي ماما، هنكمل إن شاء الله. ماما: بدأت تهدى. يمني: مين! إسراء: رقم غريب… (ماما ردت على الرقم الغريب، لكن أول ما ردت، طلبت مننا كلنا نطلع برة إلا خالى. استغربنا أوووي، وبعد شوية يمني دخلت وطلعت وشها متغير…) تسنيم: إيه مالك؟ إسراء: مين بيكلم مامايمني: دا…