رواية لمة العيلة الفصل الثاني 2 - بقلم هدير عبد العليم

بابا: يعني إيه؟!! تيتة: طلاقها وهجوزك ست ستها يا شروقاوي. بابا: ظهر عليه علامات الزعل وقال، بس إزاي يا ماما وليه دا مستحيل لأنها.. ماما: ماما بانتصار وسعادة قالت، قولتلكم يا بنات أبوكم بيحبكم و.. تيتة: بيحب مين يا حلوة انتِ دول قواوير، يعني بكرة الزمن ينسيه إنه معاه عيال أساسًا. ماما: (سكتت وهي مستنية بابا يرد ويقول إنه بيحبنا وإنه مش هيطلق) بابا: بصوت عالي، إنتِ بتقولي إيه يا ماما؟!! لا طبعًا.

تيتة: لو فضلت هنا يبقى إنتِ ولا ابني ولا أعرفك وأنسى إن ليك أم، يعني جايب واحدة مش متربية وكمان أم البنات و.. تسنيم: يا تيتة ماما متربية إحنا اللي مش مترب.. ماما: وأنتم كمان محترمين ومتربيين أحسن تربية يا تسنيم. تيتة: اتجوز وهات الواد اللي يشيل اسمك لما تموت. ماما: بعد الشر عليه. بابا:

(فضل ساكت كتير م هو عارف هيرد ويقول إيه ما بين إنه بيحبنا، وما بين إنه عايز ولد، خايف يخسر ماما وعياله في الوقت اللي خايف يخسر فيه تيتة. وبعد سكوت طويل قال) ، بصي بقا يا أمي أنا هخليها تربي العيال بس هتجوز عليها. تيتة: ههه تربي إيه هم دول أصلًا حد يعرف يربيهم. ماما: بصدمة والدموع في عينها أيه!!!!؟ دول متربيين أحسن تربية إياك إسمع حد يتكلم عليهم كده فاهمين.

بابا: زي ما سمعتي يا هانم هتمشي من هنا وأنتِ عارفه إنه هيكون فيه زوجة تانية. إسراء: بس ي بابا ا.. ماما: بدموع بس يا إسراء متتكلميش. تسنيم: ماما إنتِ موافقة على كلام بابا ده !!؟ فرح: ... يمني: يااها يا بابا، دا أنت فعلاً بتحبنا اووي زي ما ماما كانت بتقول ديما. تيتة: بسخرية يحب مين وشاورت علينا وقالت يحبكم أنتوا؟! ماما: حسبي الله ونعم الوكيل فيكِ يا شيخة. بابا: معنديش كلام تاني غير اللي قولته. ماما:

(عمالة تحاول تكتم دموعها وكأنه مش ده المكان المناسب اللي تنهار فيه مش دي الناس اللي هتحارب علشان ماما تفضل مش دي الناس اللي ماما مش هتهون عندهم، ومشينا من الفرح، إحنا أصلًا كل فرح بيكون فيه نكد بسبب تيتة الله يحرقها، بس المرة دي كانت خلاص النهاية لأن بابا خلاص قرر إنه يتجوز ما هو الزن على الودان أمر من السحر، وماما قررت إنها ترجع على بيت أهلها بس هتاخدنا الأربع بنات معاه لأن إحنا أصلًا سبب الطلاق وإحنا في الطريق)

يمني: ماما هو ليه بابا عمل كده؟!!؟ تسنيم: بعصبية يعني إنتِ مش عارفة؟؟ يمني: مش مصدقة اللي حصل !!!!!! فرح: هو إيه اللي حصل؟ إسراء: اسكتي يا فرح. فرح: ماما هو ليه بابا زعق ل تيتة وبعدين زعق معاكِ؟ تسنيم: بعصبية وصوت عالي، فرح تعرفي تنقطينا بسكاتك. فرح: ليه بقا ان شاء الله، ما أنا عارفة إن ماما هتروح زعلانة عند تيتة.

(هو كل شوية بابا يضرب ماما وتروح زعلانة عند تيتة وكل شوية خالي يقولها إياكِ حد ييجي على كرامتك وهي مش بتقول ل خالي أي حاجة وكل مرة تقول دي مشاكل عادية. أنا فاكرة إن ماما كذا مرة تتضرب جامد وتسكت وكل مرة بتقول عشاننا) يمني: ما أنتِ عارفة إننا رايحين عند تيتة أهو يبقى اسكتي بقا يا فرح. فرح: اهاااا اديني سكت يا يمني.

(فضلنا طول الطريق واحنا ساكتين، أهل ماما في مكان بعيد عن بابا وطول المواصلات مش عارفين نقول إيه ما هو فيه أوقات الكلام مش بيعمل أي حاجة ف أحسن حاجة السكوت وبعد ربع ساعة كنا وصلنا) تيتة: عاملين إيه يا بنااات وحشتوني اووي. (سلمنا على تيتة بس كان باين علينا الزعل وكنا ساكتين) تيتة: مالكم!!؟ فيه آيه؟ يمني: بابتسامة مالنا ما إحنا حلوين أهوه. تيتة: إنتوا إزاي جايين النهاردة؟!؟؟؟ فرح: يعني نقوم نمشي يا تيتة.

تيتة: مش فرح ابن عمكم النهاردة ولا إيه؟! فرح: اه. تيتة: ادخلوا يا بنات الأوضة عايزة أمكم. (دخلنا الأوضة بس كلنا زعلانين وساكتين) ماما: فين أبو محمد (خالي) تيتة: زمانه جاي، فيه آيه؟! ماما: أهو جه. خالي: أزيك يا اختي، عاملة إيه. ماما: سلمت عليه وانهارت عياط. خالي: حضنها وقال ليه كله ده مالك. ماما: مفيش. خالي: بعصبية أنا...