رواية لمة العيلة الفصل الثالث 3 - بقلم هدير عبد العليم

خالى : فيه آيه؟ ماما : مفيش. خالى : بصوت عالى لسه بتحبيه؟ ماما : تنهدت وبدأت تهدأ من العياط وقالت، مش بحبه بس البنات. خالى : اايه ي ستى هيتربوا. يمني : طلعت من الأوضة وهي بتقول ما هو لو مقولتيش لخالى تيتة عملت فينا إيه هقولها. ماما : متكلمتش وكأنها مش عارفة ترد تقول إيه. تسنيم: أقولك أنا بقا ي خالى لا إحنا ولا ماما متربيين دا زي ما تيتة بتقولوا. ماما : ضربت تسنيم وقالتلها ادخلي جوا.

خالى : ومش عايزة تقولي عملوا إيه، إيه كمية الوفاء اللي عندك دي! إسراء : مش كده وبس دا بابا كل شوية يضربها و.. ماما : انهارت من العياط تاني وقالت لخالى كل اللي حصل. خالى : فضل ساكت وهو مش عارف يرد يقول إيه وحضن ماما وقال، ليه استحملتي كله ده! ماما : علشانهم. خالى : عايزة تطلقي ولا ترجعي! تيتة : يالهوي تطلق إيه ترجع لبيت جوزها، بلاش تفرجي الناس علينا. خالى : بس ي أمي مش عايز صوت خالص.

ماما : مش عارفة أنا عايزة إيه والله. خالى : فكري كويس واللي أنتِ عايزاه نعمله، وي ستي لو الأرض مشلتكيش نشيلك فوق راسنا أنتِ والبنات. ماما : .. خالى : نادى علينا كلنا من جوه. (كلنا بنحب خالى ده لأنه طيب وجدع وحنين وفعلاً بيحبنا أووي، سلمنا عليه وفضلنا نتكلم، وهون علينا كلام تيتة وبعدين دخلنا الأوضة) يمني : مامااا. ماما : أيه ي يمني. يمني : إحنا كلنا اتفقنا إننا عايزين. ماما : ب استغراب عايزين إيه؟!! يمني : عايزين.

فرح : عايزين يكملوا تعليم. ماما : ضحكت بسعادة وأنا هحارب العالم كله عشان تكملوا تعليم. إسراء ويمني : بجدددد ي ماما. ماما : حضنتنا كلنا وهي بتقول أنا مليش غيركم بعد ربنا. فرح : بحبك أووي ي ماما. ماما : وأنا بحبك ي صغنن ي مسكر. تسنيم: ومش بتحبيني؟!! ماما : بحبكم كلكم. (فضلت ماما عند أهلها وقت طويل ومحدش سأل فينا وعرفنا إن بابا اتجوز ومراته حامل كمان) ^ بعد ٦ شهور وفي المحكمة ^ فرح : ماما هو إيه المكان ده؟!!

ماما : بدموع دا. تسنيم: بعصبية دي المحكمة ي ست فرح، مش عارفة ماما جاية هنا ليه. فرح: بعياط ماما هم هيحبسوكي زي الناس دي؟ خالى هيدافع عنك صح. خالى : بضحك لا ي فرح مش هتدخل السجن. ماما : حضنتني وبتقول لا ي قلب ماما. تسنيم: تفتكري ي ماما مش هنشوف بابا تاني. فرح : بابا أهو. (خالى وماما وشهم اتغير ١٨٠ درجة وماما وشها أحمر وبدأ يظهر الخوف والزعل عليها) ماما : بلاش تشاوري على بابا ي فرح. المحامي: النهاردة آخر جلسة بشرط.

خالى: أيه ي متر؟ المحامي: إنك تتنازلي على كل حاجة لأن كده أنتِ اللي عايزة تطلقي و. ماما : بدموع اللي يقبل يشيل ي متر ولا إيه! المحامي: بس عيالك لازم. خالى: عيال أختي إحنا هنربيهم و. ماما: مش هياخد حد منهم و. المحامي: خلاص تمام. خالى: على فكرة دا متجوز ومراته حامل يعني حقها إنها تربي عيالها. المحامي: امم. فرح: عمو أوعى تخلي ماما تدخل البتاع ده علشان أنا بحبها أووي. المحامي: ضحك لا متخفيش مش هتدخل القفص.

فرح: عمو هو أنت اسمك إيه. المحامي: اسمي عمر ي. فرح: اسمي فرح. المحامي: اسمك جميل. فرح: هي ماما هنا ليه. المحامي: .. ماما: جاية آخد ورقة والمحامي هيعملها ونمشي يا بنتي. فرح: طب بابا جاي ياخد ورقة برضو؟ ماما: بعصبية أه. فرح: طب لية مش بيسلم عليا؟ هو مش بيحبني صح. المحامي: بس أنتِ عسولة ي فرح وكله بيحبك. فرح: بجددددااا!! المحامي: اه. ماما: هو أنا معايا جزء من الفلوس و. المحامي: مش عايزهم دلوقتي ي أم يمني. ماما: بس.

المحامي: ي ستي شهرين وهاخدهم كلهم. ماما: مش هينفع. المحامي: لا هينفع ي أم يمني، نفسك تكوني إيه بقا ي فرح. فرح: نفسي أكون زيك ي عمو، عشان أنت طيب أووي ومش هتخلي ماما تدخل القفص ده. المحامي: يارب ي ست فرح تكوني أحسن مني كمان. تسنيم: مااااما، بابا جاي أهو. بابا: أنتِ طالق شوفي مين هيصرف على عيالك بقا. خالى: هيتخانق معه. ماما: حسبي الله ونعم الوكيل فيكم. وشدت خالى. المحامي: أنا معاكم في أي حاجة و.

بابا: اه ابدئي شغل شحاتة بقا و. خالى: زعق جامد مع بابا وشده جامد. المحامي: ي أبو محمد إحنا في المحكمة وهو ميستاهلش. ماما: عيطت بصوت عالي وهي بتبص لبابا وبتقول حسبي الله ونعم الوكيل فيك أنت وأمك. المحامي: طب استنوا. (كنا مشينا وأنا مش فاهمة فيه إيه ورجعنا البيت) تسنيم: ماما طب أنتِ زعلانة ليه دلوقتي. ماما: بتمسح دموعها مش زعلانة ي تسنيم. تسنيم: ماما هو بابا طلقك عشان إحنا بنات صح، لو كان معاكِ ولد مكنش طل.

ماما: بعصبية وصوت عالي إياكِ تقولي كده تاني. فرح: يعني كده خلاص مش هنشوف بابا. ماما: احم. تسنيم: اه ي فرح، هو أصلاً كان بيضربنا كل شوية و. ماما: حد بيخبط شوفوا مين. فرح: طلعت أجري أفتح الباب. تسنيم: مين ي فرح. فرح: بسعادة ماااااما عارفة مين بره. ماما: مين. فرح: شديتها من إيديها عشان أوريها مين عندنا. ماما: هااا مين.