رواية لمة العيلة الفصل الثاني عشر 12 - بقلم هدير عبد العليم

تسنيم: ماما شوفي مين بيتصل. ماما: بعصبية، وده عايز إيه دلوقتي؟ عمو عمر: مين اللي بيتصل؟ ماما: إيه رأيك ترد أنت وخلاص. عمو عمر: مين طيب؟ ماما: ابن عمك. عمو عمر: مش هينفع أرد عليه لأن... ماما: بدون أي تردد منها ردت وقالت: أزيك يا أخويا، عامل إيه؟ خالي: بعصبية وصوت عالي، يعني إحنا فارقين معاكِ؟ ماما: باستغراب، فارقين معايا؟ ده اللي بينا لحم ودم ولا إيه؟

خالي: لو كنتِ عاملة حساب الدم اللي بتقولي عليه، كنتِ هتجيبي لنا العار في البلد كله كده. ماما: بدموع، عار؟ خالي: اللي تحبس أبو عيالها ده مش عار؟ ماما: هو أنت متعرفش إننا بنعيش أيام رعب وخوف عشان هو موجود في حياتنا؟ خالي: ... ماما: شكل محدش قالك إن بنتي مش بتتكلم بسبب أبوها. الناس نسيت تقولك إن بنتي اللي في طب بتخاف تنزل الكلية لحسن حد يخطفها. أقولك إيه ولا إيه... خليني ساكتة أحسن.

خالي: لو المحضر متقفلش هيبقى فيه كلام تاني معاكِ، أنا عرفتك أهو. ماما: بعياط، ياها فعلاً كنت أحسن سند ليا في محنتي. ده بدل ما تقولي أنا معاكِ وهجيب لك حقك وحق بناتك؟ ياها اتغيرت أوي يا أخويا. مكنتش أعرف إن الزمن بيغير الناس أوي كده. خالي: حق إيه؟ حقك إنك تدخلي جوزك السجن؟ عمو عمر: بعصبية، شد التليفون من ماما، أنت إيه اللي بتقولوه ده. خالي: عمر؟

عمو عمر: آه عمر. على فكرة أختك بقا مصممة تقفل القضية، بس ده مش عشانك ولا عشان جوزها، ده عشان بناتها. فاهم يعني إيه؟ يعني أم بتعمل المستحيل عشان مستقبل بناتها. أم بمية راجل منكم. خالي: (فضل ساكت، ما هو هيقول إيه، أصعب إحساس إن الغريب يكون السند والقريب يكون الألم) عمو عمر: سلام عليكم. هي أم يمني كانت واخدة القرار بدون مساعدة منك إنها هتقفل المحضر؟

(عمو عمر قفل السكة وبدأ في عين ماما شرارة من الشر، ما بين إنها مش عايزة تتنازل عن القضية عشان إحنا هنكسبها أكيد وهتكون نقطة سوداء في حياة بابا. وما بين إنها خايفة علينا وعلى مستقبلنا. وقطع الصمت ده عمو عمر لما قال... عمو عمر: هنروح فين دلوقتي يا أم يمني؟ ماما: فضلت تفكر وعمالة تبص علينا وبعدين قالت: هنستنى أبو لين (خالي) لما ييجي ونطلع على المحكمة. يمني: بفرح، يعني بابا هيخرج؟ تسنيم: بعصبية، أنتِ مبسوطة كده ليه؟

إسراء: خالي جه أهو. خالي: فيه إيه مالكم؟ أنتوا بتعيطوا ولا إيه؟ ماما: لا أبداً. تسنيم: هاتي الآكل ناكل يا خالي نصبر نفسنا بالكلام اللي... ماما: بصت لتسنيم بعصبية، اللي هو مش عايزة خالي يعرف حاجة عشان متحصلش مشاكل. عمو عمر: هنرجع على المحكمة عشان نقفل المحضر. ماما: ردت بسرعة، بشرط ناخد على أبوهم شرط بعدم التعرض لينا، وكمان مش عايزة البنات يشوفوا أبوهم هناك. عمو عمر: ماشي. ^^^ بعد يومين ^^^ تسنيم: ماما رايحة فين؟

ماما: ... يمني: ماما الساعة 12 ونص بالليل. ماما: بعصبية، يعني هو أنا مش عارفة الساعة كام يا يمني هانم؟ إسراء: هم مش قصدوا يا ماما، لكن مستغربين أنتِ رايحة فين متأخر كده. ماما: بدموع، مش عارفة بس عايزة أطلع. هاخد فرح معايا. إسراء: اللي يريحك يا ماما، بس خدي تليفونك معاكِ. ماما: حاضر يا إسراء. يلا يا فرح. تسنيم: ماما أنا نفسي أجي معاكِ. ماما: فضلت ساكتة. يمني: خديها يا ماما عشان أنا هشرح لإسراء الكلية وهي هتصدعنا.

ماما: يلا يا ستي تسنيم. (كانت لسه فرح مش بتتكلم وكلنا بدأنا نرجع طبيعي ما عدا فرح. ما هي أكتر حد اتعرض للصدمة) ^^^ وإحنا بره ^^^ ماما: بدموع، إحنا اتفقنا إننا نكمل تعليم ونكون أشطر بنات صح؟ تسنيم: آه. ماما: بتبص لفرح، إحنا اتفقنا إننا هنشوف صعوبات كتير بس هنكون قدها. عشان أنتوا جامدين. اتفقنا إن كل حاجة هتعدي بس اللي هيفضل نجاحكم في الكليات. تسنيم: صح. ماما: صح يا فرح؟ كل حاجة هتعدي؟ تسنيم: امم.

ماما: حضنت فرح، يعني المفروض تتكلمي يا فرح، تكملي. متخليش العالم يدوس عليكِ. عارفة مش شرط يكون الدعم ديما موجود من أقرب الناس. ما هو مش كل الناس هتقف معانا وجنبنا. بس شرط إننا نحس إن أحلامنا تستاهل نحارب عشانها. بصوت عالي وعياط، فررررح ردي عليا بقا. تسنيم: ماما الدكتور قال مينفعش نكلم فرح كده.

ماما: المشكلة إني عارفة إن فرح أقوي حد فيكم. مش إحنا اتفقنا تكوني محامية زي عمو عمر. لا لا هتكوني أحسن منه وهو موافق. بس عشان تكوني محامية اتكلمي. أنا عارفة إنك هتتكلمي لأنك مش هتستسلمي. تسنيم: ماما فرح... ماما: ...