رواية لم انضج بعد الفصل الثاني والعشرون 22 - بقلم عائشة نصر

لم أنم طول الليل، كل هذا لأني بعثت لها. قال لها: "أدخلِك الجروب". أمّا لو قال لها: "أحبك"!! لطف قامت ثاني يوم وهي مزاجها حلو جدًا. نجحت وحلمها بيتحقق قدام عينيها، وخلاص هتدخل كلية زراعة اللي كانت عايزاها. وفوق كل ده، معاها كل أصحابها وعدي. صحت، لبست بناتها وحمّتهم وفطرتهم، وكذلك مع سليم. وودّت سليم الحضانة، والبنات بيلعبوا. ونزلت تقدم وتودي ورقها الكلية. وهي في المواصلات، لقت مسدج على الجروب من عدي.

عدي: مين نازل يقدم النهاردة ونتقابل ونخرج؟ لطف: أنا نازلة بس مش هينفع. باقي البنات والشباب: هو يوم وخلاص. اه يلا بقى، مترخّمش يا لطف. لطف: خلاص ماشي، بس مش هطول. اتفقوا هيتقابلوا فين. وفعلاً لطف قضت يوم لطيف مع أصحابها كلهم. وطول اليوم عينيها منزلتش من على عدي، وهو كذلك. عدت سنين عمر. لطف كبرت خالص، وبناتها وابنها بردوا. السنة دي سنة تخرج لطف من الجامعة خلاص، وهي عمرها 28 سنة. وعمر بناتها 16 سنة، وعمر ابنها 14 سنة.

اليوم ده كانوا بنات لطف لابسين فساتين زيها، وكذلك سليم كان لابس بدلة. وقتها البنات وسليم كانوا الداعم الوحيد للطف إنها تكمل. كانت لما يبقى عندها امتحانات، بيجبولها الأكل لغاية عندها وياخدوا بالهم من سليم عشان هي مش مركزة. اليوم ده كان فيه مفاجأة مستنية لطف، وكلهم عارفين. الناس خدت شهادة التخرج، وجه دور عدي. اللي لما طلع، هو الوحيد اللي وقف يقول كلمة.

عدي: احم. أنا عدي، كبير ع التخرج من كلية زراعة، بس ظروف حياتي خلتني أخرج من التعليم وأرجع له. حمدًا لله. ندخل في الموضوع على طول. أنا بحب لطف وعايز أتجوّزها، وبتقدملها قدام الناس دي كلها. لطف خافت أوي وبصت لولادها. اللي ما كانتش حابة إنهم يشوفوا حاجة زي دي عشان ما يتعشموش يكون ليهم أب وميحصلش نصيب. البنات جروا عليها حضنوها. يمنى: وافقي يا ماما، بيحبك أوي. إسراء: أيوه يا ماما، فعلاً وافقي.

لطف لسا بتلف، لقت عدي وراها وقاعد على ركبه ورافع خاتم للطف. عدي: تتجوزيني؟ بعد سنين، عمر لطف اتجوزت عدي. واللي بقى حنين على بناتها أكتر ما أبوهم كان، وبقى أب ليهم ولطف اللي حبته بجد وعوضها عن كل حاجة وكل تعب هي عاشت فيه.