رواية لم انساكي يوما الفصل العشرون 20 - بقلم اية الفرجاني

فضلو قاعدين قدام غرفه العنايه فتره طويله. فجأة لقو ممرضه خارجه بتجرى وهيا بتنادى على دكتور. حسام وحسن واقفو وهما الخوف مسيطر عليهم. جروا عليها. -حسام بخوف فى ايه؟ -الممرضه للأسف المريضه مش بتستجيب وقلبها بدأ يوقف. -حسام بصدمه انت بتقولى؟ ملحقتش يكمل كلامه لقى حسن وقع على الارض من الصدمه. احمد جرى عليه وحسام واقف مش قادر يتحرك. والممرضين اخدوا حسن واحمد مشى معاهم.

ايمى قعدت تبكى وقربت من حسام الى مش بيدى اى رد فعل وبدأ يهزها. -ايمى حسام فوق. واكملت بدموع هتبقى كويسه متخافش. حسام بص عليها بدموع وايمى هزت راسها وهيا بتبتسم. وحسام جرى على غرفه العنايه وكان الدكتور بيعمل صدمات لريم. وحسام دخل جرى ورح لريم. -الدكتور بزعيق اخرج بره مينفعش كده. حسام تجاهله وقعد على الارض جنب ريم وبدأ يبكى وهوا ماسك ايدها. الممرضه كانت بتحاول تخرجه بس حسام مش راضى يخرج.

-فجأة الجهاز بدأ يدى انذار بتوقف القلب وحسام مسك ايد ريم جامد وهوا بيقول. -حسام بدموع لا لا مش هسمحلك تسبينى قومى قومى بالله عليكى انا محتاجك وحسن كمان محتاجك. ريم احنا مش هنقدر نعيش من غيرك متسبناش. واكمل بهدوء وهوا مازال بيبكى والدكتور مازال بيحاول. -حسام تعرفى ي ريم بعد ما سافرت كنت كل يوم مبقدرش انام غير لما اشوفك. كنت أفضل أبص للصورة واتخيلك قدامي. تخيلي سبع سنين وأنا بفضل أتخيلك كل يوم. واكمل بضحك

عارفه أنا كنت بعد الأيام تخيلي من وقت ما سبتك. الممرضه كانت هتتكلم بس الدكتور شاور ليها تسكت. لما لقى ضغطها بيرجع تاني. -حسام تعرفي. فضلنا بعاد عن بعض قد إيه؟ سبع سنين وتمن شهور وخمس أيام شوفتي بقى. فاكرة لما رحتلك الكلية وقولتيلي إني نسيتك. وقتها قولتلك إني عمري ما نسيتك وانت وقتها مصدقتنيش. شوفتي بقى إنك كنتي ظالماني. وعلى فكرة أنا مخدتش حقي لسه.

أنا دايماً بقولك إني بحبك وانت لسه مقولتيهاش ليا بس لما تقومي هخليكي تقوليها. -ريم بتعب وهمس وأنا كمان بحبك. -حسام وهوا مش مستوعب الموقف عارف بس لما تقومي. مكملش كلامه وبص على ريم بفرحه ووقف. الدكتور والممرضة بيضحكوا عليه. -حسام بلهفه ودموع ريم انت كويسة صح؟ -ريم بتعب ابتسمت. حسام مسك ايدها وباسها. وريم اتكسفت وبتحاول تسحب ايدها ومش قادرة. -الممرضه بضحك على فكرة إيدها التانية مكسورة.

-ريم اتكسفت جامد وحسام مازال ماسك ايدها. -ريم بصوت ضعيف حسام سيب ايدي بيقولك التانية مكسورة. -حسام بعند. -الدكتور بابتسامة ممكن أشوف شغلي طيب. -حسام أكيد اتفضل. بيقول كده وهوا ماسك ايدها وبيسها. -الدكتور ممكن تخرج. -حسام بص عليه بعصبية وقال قلت مش خارج واتفضل شوف شغلك. -الدكتور بزعيق المريضة محتاجة رعاية فترة ومينفعش تفضل هنا اتفضل. واكمل لو مخرجتش هنادي على الأمن. حسام بص عليه بغضب.

وبعدين بص على ريم الى بتبصله بابتسامة. وحسام ابتسم ليها وبص على الدكتور وخرجوا. ايمى جريت عليه. -ايمى بلهفه طمنيني إيه اللي حصل هيا كويسة صح؟ -حسام بابتسامة الحمدلله فاقت. واكمل بغل بس الدكتور ابن الـ**** خرجني. -ايمى بضحك الحمدلله تعالا نشوف حسن. ~~~~ حسن كان مغمى عليه واحمد قاعد جنبه. بعد ما الدكتور اداه مهدئ. حسام دخل هوا وايمى واحمد بصلهم بلهفه. -احمد ريم عاملة إيه؟ حسام كويسة صح؟

حسام كان هيتعصب عليه إنه بيسأل عليها بالطريقة دي. وايمى حست من سكوت حسام وقالت. -ايمى الحمدلله فاقت بس الدكتور قال هتفضل في العناية شوية لحد ما حالتها تستقر. -احمد بفرحه بجد الحمدلله. -حسام حسن إيه أخباره؟ -احمد إنهيار عصبي والدكتور اداه مهدئ وإن شاء الله يفوق. حسام بص على ايمى الى باين عليها التعب وقال. -حسام ايمى انت أكيد تعبانة ارجعي على البيت. -ايمى بس أنا. -حسام مباطنه مفيش بس هطلبلك تاكسي ولا أقولك احمد هيوصلك؟

-احمد بستغراب بس أنا مش همشي قبل ما أطمن على حسن وريم. -حسام لا روح غير هدومك وابقى تعالى بكرة وأنا هستنى هنا. -احمد بغيظ متروحيش حضرتك ليه. -ايمى بضحك خلاص ي جماعة أنا هروح في تاكسي مش محتاجة حد يوصلني. -حسام خلاص هطلبلك تاكسي مع إن كنت محتاج هدوم. -ايمى بقرف أيوه هدومك مقرفة قوي كلها دم وتراب إزاي؟ -احمد كان واقف بيبص عليهم وبعدين بص على هدومه لاقاهم هما كمان مش كويسين فقال. -احمد

خلاص أنا هوصلها وأروح أغير وأجيبلك هدوم وأجي. حسام بص عليه بابتسامة نصر. واحمد مشي هوا وايمى. ~~~~ في العربية بيكلم ايمى. -احمد بس غريب اللي حصل انهارده صح. -ايمى بانتباه قصدك على إيه؟ -احمد يعني حسام تصرفاته كانت غريبة شوية ملحتيش. -ايمى بحزن شافته احمد. -ايمى لا مش غريب. واكملت بدموع لأنه لأنه حسام بيحب ريم. -احمد وقف العربية مرة واحدة. -احمد بصدمه انت بتقولى إيه؟ بيحبها إزاي يعني؟

واكمل أنا برضو شكيت لما شفته انهارده بس إزاي؟ وريم وانت وكلكم قولتو لي إنه بيعتبرها أخته. -ايمى بدموع لا حسام بيحب ريم من زمان وريم كمان بتحبه بس أنا اللي كنت السبب إنهم بعد عن بعض وكمان كنت عايزة أفرقهم بس لما شفت حسام انهارده حسيت إنه مش من حقي أعمل كده وإنه مش لازم أفرق بينهم. واكملت أنا بحب حسام وكنت أتمنى إنه يحبني بس محصلش.

صحيح احنا مخطوبين بس عمره ما قالي إنه بيحبني كان بيهتم بيا على طول وأنا كنت فاكرة حب بس كنت غلطانة. وفضلت تبكي. -احمد رغم الحزن اللي حاسس بيه إلا إنه زعل على ايمى جامد وإنه هو وهي خسروا اللي بيحبوهم. -احمد أنا كمان بحب ريم بحبها من زمان قوي تخيلى رفضت أسافر عشانها. واكمل كانت صاحبة سلمى. ولما كنت أعرف إنها هتقابل سلمى كنت اتحجج بأي حاجة عشان أروح أشوفها بس يظهر إن ماليش نصيب فيها. ايمى بصت عليه بدموع واحمد قال. -احمد

هوا اليوم ده عالمي للعياط ولا إيه؟ ايمى ابتسمت واحمد بص عليها بابتسامة وقال. -احمد مين عارف مش يمكن نحب تاني. ايمى اتكسفت وقالت. -ايمى ممكن الله أعلم. ~~~~ تاني يوم احمد كان نايم هوا وحسام عند حسن وصحوا على صوت خبطة جامدة. -احمدايه ده حسن انت رايح فين استنى. -حسن بتعبر ريم فين يا احمد وأنا إيه اللي حصلي؟ -احمداهدى بس وتعال اقعد كده ريم كويسة الحمدلله.

واكمل انت امبارح لما الممرضة قالت إن ريم قلبها وقف انت من الصدمة مستحملتش وحصلك وأغمى عليك والحمدلله إنك بخير. -حسن أنا عايز أشوفها هيا فين. -احمداهدى بس وتعال اقعد كده ريم كويسة الحمدلله. واكمل انت امبارح لما الممرضة قالت إن ريم قلبها وقف انت من الصدمة مستحملتش وحصلك وأغمى عليك والحمدلله إنك بخير. -حسن أنا عايز أشوفها هيا فين. -حسام هيا حالياً لسه في العناية بس الدكتور بالليل قال إنهم هينقلها أوضة عادية الصبح. -حسن

وديني عندها. -حسام خليك هنا وأنا هشوف ينفع تشوفها ولا لا. حسام رجع وقال. -حسام ريم اتنقلت أوضة عادية والدكتور سمح بالزيارة. -حسن عايز أشوفها. -حسام أكيد يلا. وصلوا عند أوضة ريم وحسن وقف. احمد وحسام بصوا باستغراب.