رواية لم يحبني الفصل الأول 1 - بقلم الكاتبة عشق

عائشه: أصل أنا بحبه ودي فرصة قدامي أقول لأ يعني. ساره: بس أنتِ عارفة إنه بيحب واحدة تانية وعايز يتجوزها هي. عائشه: طب وأنا مالي... ما يحبها ولا يكرهها... عمي جه قالي طالبك لابني... وأنا بحب ابنه... أقوله لأ يعني. ساره: أيوه... عشان هو مش بيحبك. عائشه: أقوله لأ في حالة واحدة بس... لو أنا مش بحب ابنه... بس أنا بحبه. ساره: طب وهتعيشي معاه إزاي وما فيش حب متبادل؟ عائشه: دي بقا بتاعتي أنا...

ما أنا مش هفضل طول عمري أحبه من بعيد وهو مش معبرني. ساره: يسلام على أساس لو اتجوزتيه هيعبرك. عائشه: هو مش هيعبرني لأ... هو مش هيقدر يعيش من غيري أصلًا بعد كده. ساره: عاجباني الثقة دي. عائشه: شايفاني قليلة مثلًا؟ أما هو كان بيتكلم مع باباه. عمرو: يعني إيه يا بابا... أنا قولتلك إني عايز أخطب بس أنا بحب بسنت مش عائشة. باباه (حامد) : وأنا مش موافق عليها... وشايف إن عائشة مناسبة أكتر. عمرو: ما هي عائشة طول العمر قدامي...

عمري ما حبيتها. حامد: أنا مش بتاع حب... الحب بييجي بعد الجواز... المهم نسل العيلة... هي مش هتروح لحد غريب... ابن عمها أولى بيها. عمرو: وهيا إيه رأيها؟ حامد: ما كانتش موافقة... بتقول إنها عمرها ما شافتني غير أخوها... بس لما قولتلها إن دي وصية أبوها... قالتلي سيبني أفكر. عمرو: أهو يعني هي كمان مش موافقة. حامد: أنا مباخدش رأي حد... اللي قولته هيتنفذ... الفرح يوم الخميس الجاي... قدامك أسبوع تكون رتبت شغلك ونفسك.

خرج من عنده وشاف عائشة قاعدة على الفون. عمرو: قاعدة ولا على بالك. عائشة وهي لسه باصة في الفون: عايز إيه؟ عمرو: الكلام اللي بابا بيقوله ده... أنا مش موافق عليه. عائشة: ومين قالك إني موافقة... ولا هوافق حتى. عمرو: ده قال الفرح يوم الخميس الجاي. عائشة بصتله وقالت: طب ما تسيبه يقول اللي هو عايزه... وبعدين يا برو لو اتجوزنا يعني... هل أنت هتحبني يعني أو أنا هحبك... لأ خالص... بالعكس... هنكره بعض أكتر...

وبعدين هوافق إزاي وأنت بتحب البت بتاعتك يعني؟ عمرو: طب وهنعمل إيه عشان نلغي الجوازة دي؟ عائشة: سهلة خالص. قالت كلامها وقامت من مكانها دخلت على مكتب عمها. عائشة: يعني إيه يا عمو الفرح الخميس... أنا مقولتش إني موافقة أصلًا. حامد: وأنا قولتلك مش هاخد رأيك... اللي أنا عايزه هو اللي هيحصل. عائشة: خلاص اتجوزه أنت... لكن تقرر بالنيابة عني لأ... أنت عارف إني هعارض... وبعدين ما أنت عارف إنه بيحب بسنت...

ليه بقا جواز الغصب والكلام اللي موضته قدمت من أيام أحمد عرابي ده؟ حامد: محدش بيتجوز من بره العيلة... دي وصية محافظين عليها بقالنا قرون. عائشة: أديك قولت قرون... دلوقتي إحنا في زمن مفيش فيه الكلام ده... وأنا مش هتجبر ع الجواز من حد مش عايزاه... وصية أبويا وصية أمي وصية مين حتى... مش هنفذها... ما يكونوش كلهم مرتاحين في قبورهم وأنا هنا بتجبر أعمل حاجات مش عايزاها. قالت كلامها وسابتهم ومشيت.

إيده على قلبه واتكلم ببطء: ليه كده يبنتي. عمرو: بابا أنت كويس؟ حامد: جيبلي مايه. صبله مايه في كوباية وناولهاله. عمرو: حاسس بإيه؟ حامد: لازم تتجوز عائشة ومتبوظش الوصية يا عمرو. عمرو: هتجوزها والله... بس أنت كون كويس بس. حامد: طل... غاب عن الوعي وهو اتخض جدًا... اتصل بدكتور العيلة وجابه... كشف عليه وقال: ضغطه وطي جدًا... بلاش تضايقوه... ياريت لو طلب حاجة تنفذوها على طول. عمر: طب هو كويس؟ الدكتور: الحمد لله بقى كويس...

ودي شوية ڤيتامينات كتبتهاله. عمر: تمام شكراً يا دكتور. وصل الدكتور للرع وبعدين راح عند عائشة وخبط على أوضتها. عائشة: مش عايزة أشوف حد. عمرو: عايز أتكلم معاكي. عائشة: لأ. عمرو: ما تخلصي بقا. عائشة: والله العظيم ما هتكلم مع حد دلوقتي فأتفضل بقا. مشي عشان عارف لرضاها. في نص الليل خرجت من أوضتها وراحت لعمها كان صاحي وبيتكلم في الفون. حامد: تعالي. عائشة: إيه يا عم الجمدان ده... ده أنت طلعت ممثل محترف بقا.

حامد: عيب عليكي أنا جامد برضو. عائشة: أنا اقتنعت والله... طول عمري بقول مليش إلا عمي. حامد: أنتِ عارفة غلاوتك... المهم كلمك. عائشة: مرضتش أتكلم معاه. حامد: أحسن علميه الأدب... سيبيه يحفى عشان يتجوزك. عائشة: لسه التقيل جاي ورا... يلا تصبح على خير يا حجوج. سابته وخرجت. تاني يوم كانوا متجمعين ع السفره بيفطروا. عمرو وأخوه مالك وسارة أخت عائشة وعائشة وأم عائشة ومرات عمها وبنتها سما وعمو حامد. عائشة: عن إذنكم عندي كلية.

عمرو: استنى أوصلك. عائشة: شكراً هروح لوحدي. عمرو: قولتلك استنى. عائشة: وأنا قولت هروح لوحدي. قام من ع السفره ومسك دراعها ومشي وهي متحركتش. عائشة: إيدك لتوحشك. عمرو: أنا عايزها توحشني... امشي معايا واتلمي أحسنلك. عائشة: متخلينيش أتغابي عليك. عمرو: خدي بالك أنا ساكتلك... متخلينيش أنا اللي أقل أدبي عليكي. حامد: مفيش احترام ولا إيه؟ عائشة: أنت مش شايفه عامل إزاي. حامد: إيه يعني ابن عمك ويوصلك... وبعدين جوزك المستقبلي.

عائشة: برضو هنتكلم في الموضوع ده تاني. عمرو: خلاص يا بابا أنا هتصرف... يلا امشي قدامي. عائشة: متزوقش بس. خرجت وهو خرج وراها. عائشة: لو اتكررت تاني هضايقك مني. عمرو: أنتِ لو متلمتيش أنا هلمك بجد. عائشة: أنت هتطلعهم عليا. عمرو: أنا مش عارف هستحملك إزاي بصراحة. عائشة: لأ وأنت الصادق... مين قالك إني هوافق عليك أصلًا. عمرو: وأنا اللي مقطع نفسي عليكي... أنا بس هتجوزك عشان أبويا. عائشة: شكراً مش هتجوز دلوقتي...

أنا لسه قدامي الجامعة والماجستير والدكتوراه و.... عمرو: أما نتطلق. عائشة: احلم براحتك بالجواز والطلاق. عمرو: يلا عشان أوصلك... وبعد كده نجهز ليوم الفرح المشؤوم. ركب وهيا ركبت جنبه. في الطريق فونه رن وكانت بسنت. عمرو: نعم يا بوسي. بسنت: فينك؟ عمرو: هوصل عائشة وهجيلك. بسنت: مستنياك متتأخرش. عمرو: حاضر... مسيو. بسنت: مسيو تو. قفل معاها وهيا فونها رن. عائشة: ٥ دقايق وجاية.

ملك: الدكتور بدأ واحنا مش هندخل عشان كده كده هنتطرد. عائشة: على نفسه يطردنا دي... هدخل وهحضر المحاضرة. ملك: دكتور جديد هتكون حوار والله. عائشة: هبقى أشوف الحوار ده لما أجي. قفلت ومستنتش ردها. عمرو: في إيه؟ عائشة: وأنت مالك؟ عمرو: ما تحترمي نفسك. عائشة: مش أما تحترمها أنت الأول. عمرو: أنتِ جايبة اللماضة دي منين هااا... بجد مشوفتش كده. عائشة: جايباها من عمو بتاع السوبر ماركت. عمرو: إيه ي بت الخفة دي.

عائشة: من بعض ما عندكوا يا خفيف. يلا اركن وورينا عرض كتافك. عمرو: والله لاظبطك يا عيوشة. عائشه: متنادليش بالاسم ده أحسن لك. عمرو: ماشي يا عيوشة، يلا مش هتوحشيني خالص. عائشه: والله ولا انت يا أبو عميرة. نزلت وسابته. عمرو: أما نشوف آخرتها معاكي. دخلت وشافت صحابها قاعدين في الكافتيريا. عائشه: إيه اللي انتوا فيه ده؟ ملك: جايين بدري والله، بس دخل قبلنا. عائشه: وفيها إيه؟ مريم: فيها إننا هنتطرد بس. سلمي: أو هنشيل المادة.

عائشه: هجيب الكوفي بتاعي وجاية... اللي عايز يدخل يدخل، واللي مش عايز، يدخل براحته. عائشه: هاتلي الكوفي يا هشام. هشام: من غير سكر أهو. عائشه: كويس إنك حفظت. أخدتها وقالت: حد جاي؟ مريم: أنا مش جايه. سلمي: ولا أنا. بصت لملك: ولا أنا عايزة أدخل... أنا مش عايزة أتهزق قدام توفة. عائشه: توفة... ده انتوا بيض. سابتهم ودخلت المحاضرة من غير ما تخبط. دخلت وقعدت في البنش التالتة. الدكتور: إنتي. مردتش وقعدت عادي.

الدكتور: إنتي يا آنسة. عائشه بصت وراها وجنبها وقالت: بتكلمني أنا؟ الدكتور: لأ بكلم خيالك... إنت إزاي تدخل كده؟ وبعدين تقوم تقف. عائشه: أدخل إزاي يعني مش فاهمة... أدخل وأنا برقص مثلا؟ الدكتور: إيه قلة الذوق دي؟ عائشه: لأ أنا مش قليلة الذوق... أنا دخلت كده عشان مقطعش شرحك... وقعدت في المكان اللي عاجبني... واللي هسمعه ده الشرح اللي أنا جايه عشانه. الدكتور: ومين قالك إنك هتسمعي المحاضرة... اتفضلي بره. عائشه: مش هتفضل...

أنا جايه جامعة خاصة عشان أطرد من المحاضرات... وهسمع الشرح. الدكتور: إنتي فعلاً قليلة الذوق... وطول ما أنا مش عايزك تسمعي الشرح مش هتسمعيه. عائشه: تمام... اللي عندك اعمله. الدكتور ساب المحاضرة وخرج. عائشه: ابتدينا... هو يوم باين من أوله أصلاً. شوية وكانت في أوضة المدير والمعيد اللي كان عليهم موجود. المدير: ممكن أعرف إيه اللي حصل ده؟ عائشه: حضرتك أنا اتأخرت ١٠ دقايق... فيها إيه يعني؟ ميخلنيش أحضر ليه مش فاهمة.

المدير: ومتجيش بدري ليه؟ عائشه: ظروف... مش بإيدي. المدير: اتفضلي اعتذري واخر مرة تتكرر. عائشه: وأنا مش شايفة نفسي غلطانة عشان أعتذر. المدير: إنتي إزاي تناقشيني في حاجة طلبتها؟ عائشه: أنا رفضت أصلاً. سابتهم وخرجت. الدكتور: دي محتاجة فصل. المدير: هي كده طول عمرها... مبيهمهاش حد ولا ليها كبير. الدكتور: يبقى تنفصل. المدير: فصلناها أكتر من مرة وكانت بتيجي تاني يوم... دايماً بتجيب مشاكل... بس هي شاطرة ومواظبة.

الدكتور: وقليلة الأدب كمان. خرجت وراحت لأصحابها. ملك: يا جبروتك يا شيخة. عائشه: بقولكم إيه عدوا اليوم عشان أتعكنن أصلاً. خلص اليوم ورجعت... عمها ناداها. حامد: هتوافقي إمتى؟ عائشه: لما أزهقه الأول. حامد: المهم قبل الخميس. عائشه: طب ما يتأجل عادي. حامد: لأ... الخميس أنسب يوم. عائشه: ماشي... أما نشوف. طلعت أوضتها وذاكرت... شوية ونزلت الجنينة. عمرو: مش حرام أصبحت وأمسى بيكي؟ عائشه: هو حرام فعلاً... بس حرام ليا منك.

عمرو: اممم بتقلبي الدنيا في ثانية. عائشه: والله ما اسميش عمرو عشان أقلبها. عمرو: آه لو مكنتيش بنت. عائشه: اعتبرني مش بنت ووريني آخرك. عمرو: النهاردة الحد... فاضل كام يوم ع الخميس؟ عائشه: آه ماشي فيه حاجة مهمة الخميس مثلاً؟ عمرو: مفيش غير كتب كتابك بس. عائشه: ما قولت مش موافقة... هو بالغصب؟ عمرو: إنتي عارفة بابا هيتعب إزاي... فمعلش خلينا نسايسه... وبعدين ما سارة ومالك متجوزين أهو وزي الفل. عائشه: أنا مش زي حد...

أنا اللي هكسر قواعد العيلة دي. عمرو: اكسريها براحتك بس بعد ما ننفذ لبابا اللي هو عايزه. عائشه: وبالنسبة للسنيورة بقا... قولتلها إيه؟ عمرو: لسه معرفتش. عائشه: رن عليها قولها. عمرو: مش هينفع فون. عائشه: خلاص قابلها دلوقتي وعرفها... غير كده مش هوافق. عمرو: الوقت اتأخر. عائشه: وأنا مالي... محسسني إنها مبتنزلش من البيت بعد المغرب يعني. عمرو: إنتي صعبة كده ليه؟ عائشه: أنا كده... وبعدين لسه شروطي مخلصتش. عمرو: ارغي.

عائشه: تيجي بكرة تطلبني من ماما... رسمي يعني. عمرو: على أساس مش عارفين بعض... ده إحنا متربيين مع بعض. عائشه: مش عاجبك بلاها. عمرو: هو مش عاجبني... بس مضطر... مش حباً فيكي يعني... بس عشان بابا ماشي. عائشه: إنتي بعد الجواز هتعرفي البنات اللي إنتي عايزها ومليش حق أتكلم. عمرو: حلو ده. عائشه: وأنا كمان ليا حق أعرف الشباب اللي أنا عايزها وملكش حق تتكلم. عمرو: نعم يا روح أمك. عائشه: زي ما سمعت. عمرو: ليه شايفاني بقرون؟

عائشه: لأ والله إنت من غيرها أهو. عمرو: أنا مش موافق. عائشه: خلاص يبقى نفسخ من دلوقتي... أصلاً بيك أو من غيرك هيحصل اللي أنا عايزاه. عمرو: ومين أصلاً هيقبلك باللي إنتي فيه ده؟ عائشه: ده شيء ميخصكش بقا. عمرو: ماشي أنا أصلاً مليش دعوة بيكي... إنتي مجرد بنت عمي بس. عائشه: حلو... رابع شرط. عمرو: وهو لسه فيه تاني؟ عائشه: علاقتنا هتفضل زي ما هي حالياً... يعني ملكش دعوة بحياتي الشخصية ولا تقرب مني بأي صلة...

وبلاش أنا جوزك أنا جوزك دي. عمرو: ماشي موافق. عائشه: طبعاً الأوضة هيبقى فيها سرير... أنا اللي هنام عليه وإنت ع الكنبة. عمرو: لأ طبعاً... مش هنام أنا ع الكنبة. عائشه: ولا أنا هنام عليها. عمرو: هتصرف أنا في الحوار ده. عائشه: حلو... بالنسبة لطلاقنا... فده بعد سنة واحدة من جوازنا. عمرو: اشمعنى؟ عائشه: أنسب وقت. عمرو: تمام موافق. عائشه: ممكن تمشي وتسبني بقا في الحوسة اللي أنا فيها؟ عمرو: قصدك اللي أنا فيها.

عائشه: أنا مالي بيك أصلاً. خرج من البيت وقابل بسنت. عمرو: مش عارف أقولك إيه والله. بسنت: قول اللي منزلني عشانه. عمرو: احم.. ام... أنا... هتجوز.